YEREMIA 2:11 - Nanduk Ngget Tul Pidnak Wene

¹¹ Ap enlem mbi-nen mbi it-nen erembel wanugwi iri-ge ndemeret mbal pem nagawan-e lag-et nde, it-nen-e iri na keya buruk, enmbal pem nagawan misik erembel wanugwi bug-o. Alat nde, an nilirag-e unnu kek tak poso Enmbal Pem Nagawan an keya nuburuk, yi kwatlik ndi kwatlik mondok kwaroso buk kugwiwak ereba na an nondolma sa erembel wanili-o.

YEREMIA 2:11 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 11:33

An-nen iri kwarimin iri-ge Salomo-ge an keya nuburuk kugwiwak erembel wanosolar-e: Siron nap unkugwiwak Asoret min Moap nap unkugwiwak Kamos min Amon nap unkugwiwak Milkom min ereba nak erembel wanosolat, ar-e an nindi-nen pidnag-e kwarusu bug-o. Eid Ndaut-nen an-nen yidnak yidnak min an-nen ebem pidnak min nak kwaroso ereba na nggal-e kwarusu bug-o.

2 NAGAWAN NAGAWAN-NEN KWARIDNAK WENE 1:3

Alat nde, Mbal Pem Nagawan ene lomboksa yoso nap Tismbe nap Elia iri na Nagawan Indo-nen idnak nap aid nap iri na-nen yak tosolar-e: ”Kar-e mburugundik, Nagawan Agasia-nen wirik inpid nap ereba endam mbiri-o. Mburugundik-nen yak ondosolar-e: ’Kir-e Isarael iri me-ge Mbal Pem Nagawan-e lak ala karuk-nen tu mbal kunduwakluk o Ekoron siri iri me-nen erembel wanugwi kugwi Mbaal Sebup iri na yak til mbitli-a?’ luk yak indi-o.

NDAWI ENGGA 115:4

It unkugwiwak emas min perak min-nen konidnak ereba-ge ininggi-nen konidnak mende-nen yusu-o.

YEREMIA 18:13

Nagawan Indo-nen yosolar-e: ”’Yu nggal-e kwat yoso, lak?’ luk, ap enlem lombok kin wok inpi-o. Isarael nab-e unmunggum lera mboso mende mbi kwariga-o!

YEREMIA 2:5

Nagawan Indo-nen yosolar-e: ”An-nen-e meya-ge ngge kwarosola-nen kit konmborak neyaruk, keya nibiga-o? Ir-e kugwiwak ebe lak ereba na nde langgaluk mbirigarik, abok nggwe-ge it nde ebe lak mende kwasa labuk yiga-o.

YEREMIA 2:8

Nde, it tepan ombo-nen-e: ’Nit-nen idnak Nagawan Indo-ge ngge me worasu-o?’ luk yak nirigit lak, imiri mbarak pidnak wene kek tak pugwi nap-nen na an-e enaru bug-et woraiga-o. It tena unpuruk woragwi kek tak-nen na an nimin nak wim mbarogolat, it an nene lomboksa yugwi nap-nen na Mbaal kugwi unu bem wene yogolat, kugwiwak ebe lak mende ereba na nde erembel wanogolat woraiga-o” luk yij-o.

MIKA 4:5

Nggweyakma yu me-nen-e ap enlem oboksa ondomoktak-nen it unkugwiwak lombog-et erembel wanogolat, unkugwiwak-nen yidnak yidnag-et kwarogolat woragwi-o. Alat nde, nir-e Nagawan Indo Nenmbal Pem Nagawan-nen yidnak yidnag-et kwarogolat, pempa at erembel wok tenak wulmul-o.

OROMA 1:23

Iri yili nap-nen-e kek tak woralik nalik woraso Mbal Pem Nagawan na ondolma lak yoso mende amorok ndak worogolar-e, ap ut mimirik min towe ut mimirik min wam ut mimirik min keyok keyok noso mende ut mimirik min ndak wiriga-o.

1 KORINTUS 8:4

Iri ala-ge, kugiwak amanggim pidnak nunggwi mende nunggwi wene-ge yu nggal-o: Kugi min Mbal Pem Nagawan misik min-e nggweyak yu me-ge mondok lag-o luk nenaru-o. Arig-et nak woraso Mbal Pem Nagawan iri nak nenaru-o.

NGGALATIA 4:8

Nanduk kir-e Mbal Pem Nagawan kenaru buk woragolar-e, Mbal Pem Nagawan nggal-e lag-et nde, ebe lak kugi iri na ndegel ubugwi nap woraigeb-o.

TUGURUK YIDNAK WENE 32:16

Keya buruk, ir-e kugwiwak erembel wanogola-ge, Nagawan Indo-ge erengen ale yij-o. Nde, it-nen meya kwarogolar-e, at isilepma kwarat tak piga-o.

TUGURUK YIDNAK WENE 32:21

Nde, it-nen-e an-e nerengen ale yoso rak nobogolar-e, ndemeret mbal pem nagawan-e lag-et nde iri na bem nerengen ale yoso rak nobogolat, unkugiwak ininggi-nep ndak wiridnak iri na bem nisilepma poso rak nibili-o. Iri bem-e, an-nen nilirak enlengen ale yugwi rak onposolar-e, ap enlem-e lag-et nde iri na bem enlengen ale yugwi rak onposolat, ap enlem wid iri na bem insilepma pugwi rak inpimin-o.

TUGURUK YIDNAK WENE 33:29

Isarael wa-e. Kalen pem wolmin-o! Ap enlem ereb-e Nagawan Indo-nen kimiri yidnak worasu iri nggal mbi inmiri yidnak worali bug-o. Nagawan Indo iri-ge kat yongga korosolat, kat ombol nggwe rak kobosolat kwarosolar-e, keyalawi nggal, kundumno nggal-nen yusu-o. Nde, kat kuwim nab-e: ”Nenabuwa ki-o” luk kemengen mbaril lobok yogola-ge, kat-nen kuwok liri rak unpugun-o.

1 PETERUS 1:18

Kir-e ebe lak mende kwarugwi iri-ge, kit konmborak-nen kenpem pidnak mende na kwarogola, iri kwarugwi na weserak kenpeyekluk nonnggo pid iri-ge lak momtak mende perak posid min emas posid min pem-e pigit lag-o luk kenaru mer-o.

1 SEMUEL 4:21

La iri na ndaguruk-nen-e: ”Mbal Pem Nagawan abinal-e Isarael nap ennggendumu-nen lak yij-o” yosoluk, la unu-ge Ikabot yarij-o. Nde, iri yarid iri-ge urul pidnak wene labu mbarak iri na mengga wanogolat, un eid min un min wat yogolat yiga-o peraruk-nen iri yarij-o. Iri ala-nen at-nen yosolar-e: ”Mbal Pem Nagawan-nen idnak urul pidnak wene labu mbarak iri na-ge mengga wanidnak me, kek tak Mbal Pem Nagawan abinal iri na-ge Isarael nap ennggendumu-nen lak yamu-o” luk yij-o.