YEREMIA 18:8 - Nanduk Ngget Tul Pidnak Wene

⁸ ap enlem iri na-nen nde it-nen meya yugwi keya buruk, kondok yogola-ge, an-nen nindi arem yimnimin iri-ge kwarimin pug-o.

YEREMIA 18:8 ပူးပေါင်းရင်းမြစ်များ

NDAWI ENGGA 135:14

Kat-nen-e kat ndegel kubugwi nap enabuwa karuk, kat kilirak enpem-e wene mot mor-et mbaroso-o.

NDAWI ENGGA 90:13

Nagawan Indo wa-e. Mepme-nen kisilepma keya bugun-o? Kar-e tuguruk lobok yosolat, kat ndegel kubugwi nab-e enabuwa ki-o.

MBIRIGA WENE 32:12

Kat-nen nde it lak tak unpugunmu-ge, Mesira nap-nen yogolar-e: ’Enmbal Pem Nagawan-nen Mesira-nen it lit unpuruk mbirid na-ge ndobo worak sa ereba-nen unduruk pendaga lak tak enpeyekluk nen inmin mberamu-o’ luk yuwa me, Nagawan Indo wa-e. Iri nggal-e kwat unpurak pug-o. Iri kwarurak peraigen iri-ge mondok larok yi-o. Kat kelem nab-e lak tak unpurak pug-o.

MBIRIGA WENE 32:14

Yak tosoloma-ge, Mbal Pem Nagawan-nen-e at elem nap enpem lak tak unpurak mende enpem mberak purak indi konid iri na-ge larok yij-o.

YEREMIA 15:6

Kir-e an-e abu mbo nuburuk, keya nibigepma-o. Iri bem-e an-e nisilepma mamak puruk woralat, nisili yarik me, kit yigisa lak tak kenpeyekluk ninggi wisirigi-o.

YEREMIA 26:13

Iri bem-e, kit-nen woragwi kenpage min kit-nen kwarugwi min iri-ge nden ker-o. At-nen kit lak tak kunpurak indi yimnik puruk worasu iri tuguruk larok maklug-e, Nagawan Indo-nen yidnak yidnak kwarer-o.

YEREMIA 26:19

Alat nde, Nagawan Isikia min Yewura nap min-nen-e Mika iri na-ge wirigit lak yiga iri nar-o. Iri yosola, Isikia perak Nagawan Indo aye yosolat, ’Nabuwa ki-o’ luk Nagawan Indo emengen mbarid iri nar-o. Iri yosola-ge, Nagawan Indo-nen-e it lak tak unpurak yimnid iri na-ge tuguruk larok yamu-o. Nde, yawo-ge mondok lak tak nunpurak nenpe-nen komo nggogora nondomok nenpem pil lobok yili-o” luk yiga-o.

YEREMIA 26:3

Iri yosola-ge, erep-nen-e it iri-ge an-nen yidnak wene kologolat, it-nen meya kwarugwi-ge keya buruk, kondok yogola, an-nen it-nen meya kwaridnak ndak ndag-et it lak tak unpurak yemnak pigi iri na-ge larok yimin nde kwat ma-o” luk yak nirij-o.

YEREMIA 36:3

Erep-nen-e Yewura nab-e an-nen it enpem lak tak onposo mende pil lobok yimin wene iri na kirimbi kulurug-e, it-nen meya kwatli keya buruk, kondok yuwa nde ma-o. Iri yogola-ge, an-nen-e it-nen idnak meya min it-nen meya kwarugwi min-e namberam tak pimin-o” luk yij-o.

YESKIEL 18:21

Nde, meya yoso nap-nen meya yoso keya buruk, an-nen imiri mbarak pidnak wene ndak ndak kwarosolat, ndemeret lud tak nak kwarosola-ge, war-e ma bug-o. Urug-et wolma-o.

YESKIEL 33:11

It yak ondosolar-e: ’Nagawan Indo Mondok Kek tak, Mbal Pem Nagawan nuruk woraso nowag-o. An-e meya yugwi nap wat yurak iri-ge mondok nisili-o. Alat nde, an nindi-nen-e meya yugwi nap iri-ge it unluk irit wolmakluk it-nen meya kwarugwi iri keya burak irit nindingen-o. Isarael nap wa-e. Kit-nen meya kwatli keya ber-o. Noluk-nen kir-e wat yurak kindingen tak pili-o?’ luk yak indi-o.

YESKIEL 33:12

Nggweyakma nap, lak yoso wa-e. Kat-nen Isarael nap yak ondosolat-nen yosolar-e: ’Konak nap iri na-nen nde meya kwarosola-ge, at-nen nanduk konak kwarosolat woraidnak iri na bem-nen at imiri yuwa-ge lag-o. Nde, meya yoso nap iri na nde at-nen meya kwaroso iri na keya bosola-ge, angin worak ebem puwa bug-o. Iri nggal-et konak woraso-net nde meya kwarosola-ge, imiri yuwa bug-o.

YESKIEL 33:13

Konak nak kwaroso nap imin-e an-nen-e kimiri yimin-o luk urul yak timin-et nde, at iri-nen meya kwarosolat-nen yebet kasolar-e, an-e nandug-e konak nak kwarosolat woragirik me, an-e nimiri yuwa-o luk yebet kasolar-e, iri-ge lugud tak nggwe yebet kasu-o. An-e at-nen nanduk konak kwaroso iri na-ge mondok yebet kamin pug-o. At iri-ge at-nen meya kwaruwa bem-et wat ma-o.

YESKIEL 33:14

Erep-nen-e an-nen meya yoso nap yak tosolar-e, kar-e mondok wat yugun-o yak timin-et nde, at-nen meya yoso iri na keya buruk, konak lud tak mot mot kwaroso nde tel korosolar-e, at isilobulo ap-nen namat wanogola, onggo posola-nen wok undurak it enarengge at-nen tena buruk woraidnak ereba na wanigit lak tuguruk wok ondosolat, yariya wanidnak tuguruk winde wok ondosolat, nde, enkap ndagoso imiri mbarak pidnak wene iri na ndak ndak kwarosola-ge, ar-e mondok wat ma bug-o.

OSEA 11:8

Nagawan Indo-nen yosolar-e: ”Isarael wa-e. An-nen-e meme rak kobosolat, keya kobosolat kwarurag-e meya-o. Atma iri na lak tak pigi nggal lak tak kibimin-a? Semboim kwat ibigi nggal kwat kibimin-a? An-e kat kabuwa-ge mondok kwarat kasolat me, iri nggal-e mondok kwat kibimin pug-o!

AMOS 5:15

Meya kwarugwi elem iri-ge kinsili rak puruk, konak kwarugwi elem irit nggok tak pogolat wolmer-o. Iri kwarogolar-e, mot mot kwarugwi elem iri nggok tak pogolat wolmer-o. Erep-nen-e Nagawan Indo-nen-e enlem Isarael nap marig-et keya inpidnak ereba-ge enabuwa yuwa-t nde ma-o.

YUNUS 4:2

Isilepma yosolat-nen tepan yosolar-e: ”Nagawan Indo wa-e. Nanduk an-e nama-nen lobok yigit lak ma-net yu nggal-et kwarugun-o luk yigi na-ge lag-a? Iri ala karuk-nen an-e nok Sepaniol nggwe mbereyekluk yigi nar-o! Kar-e Mbal Pem Nagawan ap enabuwa kaso elem, unpud kaso elem, mamak puruk worasolat, yemnak nak kwarosolat, meya rak unpurak yidnag-et nde, pempa kindi luruk posolat yoso Mbal Pem Nagawan kar-e an-e naru-o.

TUGURUK YIDNAK WENE 32:36

Nagawan Indo-nen-e at ilirak nde yik eneyasolar-e, ndeyak yogola, enmawi lak ala karug-e, at ndegel ubugwi nap enabuwa kasolar-e, at ilirag-e inmiri yuwa-o.

WENE MBENARUGWI NAP-NEN KWARIDNAK WENE 2:18

Nagawan Indo-nen nde Isarael nap ennggendumu it lit eneyaruk nurak nap nde lenak unpurug-e, Nagawan Indo-nen-e at-nen lenak pidnak nap iri na-t yongga worosolat woragij-o. Lit unpuruk nurak nap lenak pidnak iri na uruk worala-ge, Nagawan Indo-nen-e Isarael nab-e pempa unuwim nap ininggiyapma-nen wisirik onposolat woragij-o. Nde, it yemndak unpuruk woragolat anggun panggun tak onpogola, yane witli ereba na kulurug-e, Nagawan Indo-ge enabuwa-t kasolat woragij-o.