YEREMIA 18:13 - Nanduk Ngget Tul Pidnak Wene

¹³ Nagawan Indo-nen yosolar-e: ”’Yu nggal-e kwat yoso, lak?’ luk, ap enlem lombok kin wok inpi-o. Isarael nab-e unmunggum lera mboso mende mbi kwariga-o!

YEREMIA 18:13 ပူးပေါင်းရင်းမြစ်များ

YESAYA 66:8

Iri nggal kwasa ndakwi wene-ge ta-nen koloso-o? Iri nggal kwat yosola-ge, ta-nen kagaij-o? Alat nde, Sion-e nggeret la yane wereyekluk ombol yemet kasoma, enlem Isarael nab-e ndesa mbij-o.

YEREMIA 14:17

Nagawan Indo-nen an yak norosolar-e: ”Kat kindi puru yusu wene-ge an nelem nap iri yak indi-o” yij-o. Yosoloma, an-nen-e yu nggal yigi-o: ”An-e mondok yip kundugu lengge-nen kubu-nen pok tak pigit lak, yib-e nguk tenak nak worayeg-o. Nde, an yip tusu iri-ge an nelem nab-e ondogolat eneyabi wirik pidnak me, andi bandi kagola-nen yip tusu-o.

YEREMIA 18:14

Libanon ndobo areyak tup tak pem ndugu ndugu woraso-ge mondok lak yoso bug-o. Pem irit woraso nag-o. Ndobo worak nggwe-nen yi ngaluk mbiridnag-e eberek yoso buk-nen yusu-o.

YEREMIA 23:14

Alat nde, Yerusalem iri me an-nen kasolar-e, an nene lomboksa yugwi nab-e yi meya ndi meya terak minik nde kwarogola, eneyasu-o. Ir-e ennesiget wene yogolat, unun onkwe worak inmin mbabi yogolat, meya kwaruwakluk yongga ondogolat, iri nggal kwarogolar-e, ap misiger-o luk tet mondok it meya yidnak keya buruk, kondok yili bug-o. Iri nggal kwarogolar-e, it oboksa-nen Sorom min Nggomora min woragwi nap-nen meya kwariga ereba na nggal kwatli-o” luk yij-o.

YEREMIA 31:4

An-nen-e nanduk-nen woragwi nggal kek tak kunnu worak tak pimin-o. Kir-e tugurug-et erebana poba wanugupndik, kenalen pem ene rak pogolat kot kagub-o.

OSEA 6:10

Nde, Isarael iri me-ge an-nen yik kasolar-e, mondok meya nggok misik kwarogola kasu-o. Nde, iri-ge an nilirag-e it ondomok kopkap tobok tak pogolar-e, kugwiwak erembel wanili-o.

AMOS 5:1

Isarael nap wa-e. Kwara koler-o. An-e kit kenabuwa-nen kenpem yip lilan wanosolat, yip lilan ndawi mbi wanimin-o:

AMOS 5:2

Kweyap ndugum Isarael iri-ge mondok abu wosa mbud yij-o! Tugurug-e mondok men ma bug-o! At ondomok onggweyak pem-et keya ibiga-o. Ap erep-nen mbi yongga wosa mendak ibigit lag-o.

1 KORINTUS 5:1

Kit kennggendumu-ge ap mbi eid ogwe wanidnak wene kuligi-o. Nde, meya iri nggal iri-ge it inndi angin tubu yigit lak nap-nen na kwarugwi bug-et nde, kwaridnak obok kuligi-o.

1 SEMUEL 4:7

Enaru lug-e, it-nen yak kerak mbogolar-e: ”Unkugwi-ge it woragwi sa wok yij-o. Nir-e mondok warn eram-o! Yu nggal-e mondok kagwi bug-o!” yogolat-nen kwiye kwarat yiga-o.