YEREMIA 18:11 - Nanduk Ngget Tul Pidnak Wene

¹¹ Nagawan Indo-nen an yak norosolar-e: ”Nde, yawo-ge Yewura nap min Yerusalem woragwi nap min iri yak indi-o. An-e it inmin wim mbarurak nindi konusu-o. Iri yosolar-e, it enpem angin worak mberak purak mende lid lud tak pusu-o. Iri bem-e ndak yak indi-o. It-nen meya kwarugwi iri keya buruk, enpage iri-ge tuguruk nden kujwag-o.

YEREMIA 18:11 ပူးပေါင်းရင်းမြစ်များ

NDAK WIRIDNAK WENE 11:7

Anggam-nen anggam ene kulurak meya makluk, nir-e mbulndik, enne nari wari rak puwog-o” luk yiga-o.

1 NAGAWAN NAGAWAN-NEN KWARIDNAK WENE 22:23

Yosoluk, Mika-net erep yosolar-e: ”Iri nggal kwat yosolar-e, Nagawan Indo-nen-e lak tak onposo mende kebem mberak purak abu urul pidnak me, kat-nen idnak iri nggal kwat ma-o luk urul pugwi nap-nen-e nagawan kar-e kamberam lali-o” luk yak tij-o.

2 NAGAWAN NAGAWAN-NEN KWARIDNAK WENE 22:13

”An min Yewura nap oboksa min nenmanggim engga yu arem mbarak worasu yeba wene-ge ngge kwarag-o luk Nagawan Indo kin wok ibil mberer-o. Nde, nonmborak-nen-e engga yu arem ’Iri nggal kwarurag-o’ luk yidnak wene mbarak worasu yeba-ge ndak ndag-e kwarigit lak yidnak me, Nagawan Indo isilepma-ge nit nenpem pusu-o” luk yij-o.

2 NAGAWAN NAGAWAN-NEN KWARIDNAK WENE 5:5

Yosoloma, nagawan iri na-nen yosolar-e: ”Ob-o. Isarael nap nagawan iri eram mbiri-o. At amanggim-e an-nen engga mbarimin-o” yak tij-o. Yak tosoloma, Naman iri na mborosolar-e, perak tol tiga pulu ribu (30.000) min emas tol enam ribu (6.000) min yurugwi sum konak nak ondok min lombok sepulu min irit waruk mbirij-o.

YESAYA 5:5

An-nen idnak anggut yabu yu-ge an-nen-e yu nggal kwat ibimin-o. Yabu iri leget iri-ge kona wabimin-o. At imiri mbarak worasu kerep leget iri-ge ndamera keya bimin-o. Iri rak pumu, nggwija-nen meya rak posolat, ijok liri rak puwakluk keya bimin-o.

YEREMIA 18:18

Ap ereba-nen yogolar-e: ”Yawo-ge Yeremia wuruwok-nen wene mbaruwog-o. Nde, Mbal Pem Nagawan imin wene yurak iri-ge at nak ndag-e lak-nen yusu-o. Pempa tepan ombo-nen na nit mul nondogolat, inndi worak nap-nen na nggomo nondogolat, Mbal Pem Nagawan-nen kwarurak nenpem pidnak wene na at ene lomboksa yugwi nap-nen na yak nondogolat worali yebar-o. Ap enpem wene mbenarugwi sa-nen Yeremia indi ngara keya buruk, ’Kat kene-ge kulul pug-o’ luk yuwog-o” luk yiga-o.

YEREMIA 19:15

Nagawan Indo Mondok Amawi Worak, Isarael nap Enmbal Pem Nagawan-nen yidnak wene yak indigi-o. At-nen yosolar-e: ”Kir-e kinndi amawi, mondok wene kulugwi buk ala me, an-nen-e: ’O siri yu min o erep inggi inggi worali ereba min kenpem-e lak tak onposo mende mberak pil lobok yimin-o’ luk wat tak pigi ereba na-ge mberak pil-et lobok yimin-o” luk yij-o.

YEREMIA 19:3

Nagawan Indo-nen yak norosola, an-nen yosolar-e: ”Yewura nap nagawan nagawan min Yerusalem woragwi nap min wa-e. Nagawan Indo Mondok Amawi Worak, Isarael nap Kenmbal Pem Nagawan an-nen yusu wene yu kwara koler-o. Ndemeret an-nen-e mondok lak tak onposo mende kwiye worak irit o yu me pil lobok yumu, iri obok kulurug-e, kwiye-nen wendet ma-o.

YEREMIA 26:13

Iri bem-e, kit-nen woragwi kenpage min kit-nen kwarugwi min iri-ge nden ker-o. At-nen kit lak tak kunpurak indi yimnik puruk worasu iri tuguruk larok maklug-e, Nagawan Indo-nen yidnak yidnak kwarer-o.

YEREMIA 26:3

Iri yosola-ge, erep-nen-e it iri-ge an-nen yidnak wene kologolat, it-nen meya kwarugwi-ge keya buruk, kondok yogola, an-nen it-nen meya kwaridnak ndak ndag-et it lak tak unpurak yemnak pigi iri na-ge larok yimin nde kwat ma-o” luk yak nirij-o.

YEREMIA 36:3

Erep-nen-e Yewura nab-e an-nen it enpem lak tak onposo mende pil lobok yimin wene iri na kirimbi kulurug-e, it-nen meya kwatli keya buruk, kondok yuwa nde ma-o. Iri yogola-ge, an-nen-e it-nen idnak meya min it-nen meya kwarugwi min-e namberam tak pimin-o” luk yij-o.

YEREMIA 36:7

Nde, Nagawan Indo-ge isilepma kwarat onposolar-e, enpem mbud ma wene kuluruk, erep-nen-e ir-e Nagawan Indo eram tepan yogolat, it-nen yi meya ndi meya kwat tenak worali ereba-ge keya buwa nde ma-o” luk yigi-o.

YESKIEL 18:23

Kat kindi-nen-e Nagawan Indo Mondok Kek tak an-e meya yugwi nap wat yogola-ge, an nindingen kasu-o luk yebet kasu-a? Mondok lag-o! An nindi-nen yebet kasolar-e: ’It meya kwatli keya buruk, kondok yogola, unluk wolmak lag-et nde-o!’ luk perasu-o.

YUNUS 3:8

Ap-nen na irit, wam-nen na irit, mondok karung sum nak yururag-o. Ap oboksa-nen niri nera meya kwaroso-o luk, kondok yogolar-e, ap oboksa-nen ndemeret kinndi-net Mbal Pem Nagawan eram tepan yurag-o. Nir-e mondok nenpage konogolat, nit-nen meya nak kwarugwi iri konogolat wolmomtag-o.

MIKA 2:3

Iri kwat inpili bem-e Nagawan Indo-nen yosolar-e: ”An-e lak tak onposo mende kit kenpem pil lobok yurak yebet kasolat worasu-o. Kenpem nde pil lobok yosola-ge, kir-e mbela mburugup pug-o. Iri tarem-e kit lak tak kunpurak tarem-e kir-e kinndi kek tak pem waring kali iri na nggal-e waring kagup pug-o.

YIDNAK YIDNAK WENE 26:20

Are, nanduk tel korosolar-e, Ndamsik woragwi nap yak unduruk, Yerusalem woragwi nap min Yurea wi oboksa woragwi nap min it enlem nin nap min na yak ondosolar-e: ’Kir-e kondok luk, nden karuk Mbal Pem Nagawan eram lobok yogolar-e, kondok yidnak nap-nen kwarugwi ndak ndag-et kwarogolat wolmer-o’ luk yak indil nigi-o.

YAKOBUS 4:13

Kit-nen yogolar-e: ”Yawo ala na, kup ala na, nir-e o siri misik me mburulndik, olengen misik iri me woragolar-e, nenarengge wene wutluk, uwang lesa wanogolat wulmul-o” yili-t nde, an yak kindimin yu kwara koler-o.

YAKOBUS 5:1

Kenarengge worak nap wa-e. An-nen yak kundusu yu koler-o. Andi bandi mende kenpem mbuma na yebet karuk, yip togolat, tabun puruk wolmer-o.