YEREMIA 15:1 - Nanduk Ngget Tul Pidnak Wene

¹ Nagawan Indo-nen an yak norosolar-e: ”Musa min Semuel min-nen an neram yu me mendak woragolat, it ap enlem yu an-nen enabuwa yuwakluk nemengen mbaruwa-t nde, an-e ap enlem yu-ge mondok enabuwa yimin pug-er-o. Ap enlem yu-ge an-nen yik iniyudtag-e mondok nimbir-o! ’Ndak mberer-o’ yak indi-o!

YEREMIA 15:1 ပူးပေါင်းရင်းမြစ်များ

NDAK WIRIDNAK WENE 19:27

Nene nak luk, kub-e Abarakam na-ge tuguruk Nagawan Indo eralu mendak woragid sa iri na me ndag-et ndag-et mbirij-o.

YEREMIA 14:11

Iri luk, Nagawan Indo-nen an yak norosolar-e: ”It iri yongga undurak pem-e kar-e an nemengen mbarurak pug-o.

YEREMIA 14:12

It iri-ge an-nen yongga unduwakluk, nunggwi mende keya buruk, an nemengen nak mbal tenak wolma-t nde, it enne-ge mondok kulimin pug-o. It-nen an namanggim wam wosa kan pogolat, nggandum mbato pogolat kwaruwa-t nde, ereba puwa ereba-ge nindingen tak pimin pug-o. Alat nde, an-nen lak tak onposolar-e, wim abi bem-nen na, nogoro bem-nen na, kugwi lare bem-nen na lak tak onposolat irit kwarimin-o” luk yij-o.

YEREMIA 15:19

Iri yosola, Nagawan Indo-nen onggo yak norosolar-e: ”Kat-nen nde tuguruk lobok yosola-ge, an-nen-e wog-et kibimin-o. Wok kuburug-e, tuguruk an ndegel noboso nap tak kibimin-o. Kat-nen nde ebe lak kenesiget wene keya buruk, ndemeret ebe worak wene-t yak ondosola-ge, kar-e tuguruk an nene lomboksa yoso nap tak kibimin-o. Iri yosola-ge, ap-nen-e kat keram nde lobok yogolat wolma-t nde, kat-nen-e it endam-e mburugun pug-o.

YEREMIA 18:20

Konak kwat onpogola-t nde, onggo-ge meya kwat unpurag-e ndag-er-a? Alat nde, ir-e an mberak nuburak nggweyak emnde mbaril nggwiga-o. Kat kisilepma it enpem mberak pugun naru an-e it enlat mbarosolat enambigit yigi iri na kindi yebet ki-o.

YEREMIA 23:39

an-nen-e it iri-ge pendaga wanimindik, mondok erepma mbising mbesang eneyamin-o. Iri kwarosolar-e, it enpe min-et unuwi siri it min onmborak min wok indigi o siri min-et iri kwarak inpimin-o.

YEREMIA 52:3

Nagawan Indo-nen-e Yerusalem woragwi nap min Yewura nap min enpem isilepma kwarat posolar-e, tuguruk nggetlel inpigit lak, at eram-nen abu sera wirik inpij-o. Nde, Sendekia iri na-ge Mbabel nap Nagawan Nebukatnesat iri na imin eyak worosola-ge,

YEREMIA 9:19

Nde, Sion-nen-e yip togola kulili-o. Yip togolar-e: ”Nir-e lak tak nonpogolat, ninnggiri yaga keya ninpiga-o. Nit nunuwi-ge nir-e mondok keya burag-o. Nit woragwi nunuwi-ge ap-nen mijara nari wari rak piga-o” luk yij-o.

TUGURUK YIDNAK WENE 9:26

’Nagawan Indo kek tak wa-e. Kat kamawi kumbunu kwarat pem Mesira-nen wesera wok unpuruk lobok yigen kelem nap yu-ge lak tak unpurak pug-o.

IBERANI 9:24

Nde, Kerisut-nen O Mondok Marak Sa iri me nggwid iri-ge, ininggi-nen wiridnak wi iri na me nggwij-e lag-o. Nde, ininggi-nen wiridnak wi iri-ge ndemeret wi-ge aid arem worasu iri ut mimirik-nen yusu-o. Alat nde, at-nen-e aid arem iri me-t nggwij-o. Nggwarig-e, nit nonowene mbarurak pem ar-e yawo-ge Mbal Pem Nagawan eram worasu-o.

WENE MBENARUGWI NAP-NEN KWARIDNAK WENE 5:9

Isarael nap san ombo onowe ereba min it erep min nen it ondomok inndi yebet karuk wim nggwili bem-e an-e mondok kwarat kek tak unpusu-o. Nagawan Indo nak erembel wanurag-o!

1 SEMUEL 12:19

Kwiye luk it-nen Semuel yak togolar-e: ”Nonmbo wa-e. Nit wat mul-o luk kat-nen yongga nondosolat Nagawan Indo Kembal Pem Nagawan emengen mbari-o. Nde, nir-e nanduk mondok meya kwarugwi-t nde, yawo tugurug-et nagawan nit nennggendumu mendak purak nggi yige iri-ge mondok meya-t kwarige-o” luk yiga-o.

1 SEMUEL 12:23

Nde, an nondomok namanggim-e an-nen kit kenmanggim tepan yigit lak yosolat, Nagawan Indo imin meya yimin naru kwara yongga nuruwag-o. Nde, iri-nen an-nen mul kondosolar-e, ndemeret konak mot mot kwarugwi irit mirik konposolat woramin-o.

1 SEMUEL 7:9

Iri yogola karug-e, Semuel-nen-e lomba usul misik wanarik, emben Nagawan Indo amanggim posolar-e ebis-et wosa kan pij-o. Iri rak purug-e, Nagawan Indo-nen Isarael nap yongga unduwakluk tepan yosola-ge, Nagawan Indo-nen-e Semuel ene-t kulij-o.