YEREMIA 1:7 - Nanduk Ngget Tul Pidnak Wene

⁷ Alat nde, Nagawan Indo-nen onggo yak norosolar-e: ”Kat-nen yosolar-e: ’An-e li awo mendaso’ luk yusu-ge meyog-o. An-nen nde ap endam wirik kobosola-ge, mondok mburugun-er-o. Nde, an-nen ’Mondok yak undurag-o’ luk kebem pimin-e mondok oboksa yag-et undurag-o.

YEREMIA 1:7 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 22:14

Alat nde, Mika-nen onggo yosolar-e: ”Uruk nak woraso Nagawan Indo owag-o. An-e Nagawan Indo-nen yak nuruwa nak yimin-o” luk yij-o.

1 NAGAWAN NAGAWAN-NEN KWARIDNAK WENE 3:7

Nagawan Indo Nembal Pem Nagawan wa-e. An-e ap sujwe awo me, o tenagurak iri-ge naru bug-et nde, kat-nen neid ondolma nagawan mendak nibigen-o.

MBIRIGA WENE 6:29

”An-e Nagawan Indo-nen yusu-o. Nde, an-nen yak koroso wene ereba oboksa-ge Mesira nagawan iri yak ti-o” luk yak tij-et nde,

YEREMIA 26:2

Nagawan Indo-nen an yak norosolar-e: ”Kar-e mburugundik, an nuwi mborom mendak woralar-e, Yewura woragwi nap an nerembel wanurak iri me lobok yogola-ge, it yak ondonokluk an-nen kat kebem pigi wene-ge oboksa yak indi-o. Mondok mariger-o luk tet keya burak pug-o.

YEREMIA 7:27

Iri luk, Nagawan Indo-nen yosolar-e: ”Iri bem-e, Yeremia wa-e. Wene yeba oboksa an nilirak ereba-ge yak undugun-et nde, kat-nen yak undugun wene-ge kwara kuluwa bug-o. Kat-nen wene mbo unpugun-et nde, onggo kene erep mondok nggaruwa bug-o.

YESKIEL 2:7

Kar-e an-nen kebem pimin wene-ge oboksa yak undurag-o. It-nen-e kuluwa, lak, lag-a? Iri-ge it enpem-o. Yak nak undurag-o. Nde, it iri-nen wene eyak wurugwi-ge kar-e karu nar-o.

YESKIEL 3:27

Abok an-net tuguruk kat kimin wene yosola perak kat-nen wene yurak amawi-ge kebem pil lobok yimin-o. Iri yumu-ge, Nagawan Indo Mondok Kek tak an-nen it yak undurak kebem pidnak wene-ge mondok it yak undugun-o. Nde, it iri-ge ndemeret wene eyak wurugwi me, kat-nen yak ondosola-ge, ap erep-nen-e kat-nen yak undugun wene kuluwa-t nde, ap erep-nen-e mondok kuluwa bug-o” luk yij-o. 4:1–17:24 Pasal ya arem-e Nagawan Indo-nen-e Yeskiel emndam tak pidnak wene kwarat ereba-ge Yerusalem siri iri na wim nap ininggem mburak wene min Isarael nab-e wim nap enma mbo inpil mbururak wene min iri-nen Mbal Pem Nagawan ilirak-nen kugwiwak erembel wanogolat, meya nak kwat tenak woragwi bem angin worak mende ereba na enpem mbidnak wene min-et mbarak worasu-o.

AMOS 7:15

Alat nde, Nagawan Indo-nen-e lesa at-nen yidnak wene Isarael nap yak unduwakluk wok nebamu-o.

YUNUS 3:2

Yak tosolar-e: ”Kar-e Niniwe siri nggok iri me mbiri-o. Mburugundig-e, o iri me woragwi nab-e an-nen yak undurak kebem pigi irit yak undurag-o” luk yak tij-o.

WONARIDNAK WENE 22:20

Iri na tarem kubu-ge Nagawan Indo lobok yarik, Mbileyam yak tosolat-nen yosolar-e: ”It ap ereba-ge kat kimin mbururak lobok yidnak me, kar-e inmin mbururak lid lud tak pi-o. Alat nde, kat-nen kwarosolar-e, kwarurak yak kiridnak iri nak kwarurag-o” yak tij-o.

WONARIDNAK WENE 22:38

Yosoloma, Mbileyam-nen onggo yosolar-e: ”Yawo an-e lobok yigi-t nde, an-nen nak wene-ge yilik ndilik yimin pug-o. Are, Mbal Pem Nagawan-nen an-nen yurak yak nuruwa iri nak yimin-o” luk yak tij-o.

MATIUS 28:20

an-nen ’Iri nggal mer-o’ luk yak kindigi wene oboksa-ge it mul ender-o. Yebet yebet tak wolmer-o. An-e pempa-t kit kinmin irit worasoma, woroksiyem wok ma-o” luk yak indij-o.

YIDNAK YIDNAK WENE 20:27

Mbal Pem Nagawan indi-n pidnak ereb-e teberak pigit lak. Pidsa yak kindigi nar-o.