YEREMIA 1:2 - Nanduk Ngget Tul Pidnak Wene

² Nde, Yewura nap nagawan Yosia Amon ambara iri na-nen Yewura wi tena woralat olengen tiga belas tak posoma tarem-e Nagawan Indo-nen-e Yeremia imin wene yij-o.

YEREMIA 1:2 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 13:2

Nagawan Indo-nen yidnak pem-et ene nggoksa wam wosa kan pugwi ondoro iri na yak tosolar-e: ”Kat wam wosa kan pugwi ondoro yu-ge wa-e. Wam wosa kan pugwi ondoro kat yu-ge wa-e. Nagawan Indo-nen-e yu nggal yij-o: ’La marik mbi unu-ge Yosia Ndaut-nen nderak pem-nen ndesa mbuwa-o. Wam wosa kan pugwi ondoro wa-e. Kat kebem-e Yosia-nen-e kugwiwak amanggim kan pugwi tepan ombo kugwiwak erembel wanugwi sa-nen kugwiwak amanggim wosa kan pugwi nab-e kat kebem wosa kan onposolat, onowak min-et kebem kan puwa-o’ yij-o” luk yak tij-o.

2 NAGAWAN NAGAWAN-NEN KWARIDNAK WENE 22:3

Nde, Yosia iri-ge at-nen idnak engga mbaroso nab-e Mesulam ambara Asalya iri na ambara unu-ge Sapan irit woragij-o. Yosia-nen o tena woralat olengen delapan belas pem-e Nagawan Yosia-nen-e wene yu at-nen idnak engga mbaroso nap iri na ebem pij-o: ”Kar-e Nagawan Indo ama tepan ombo kek tak Ilkia iri na eram mbiri-o. Mburugundig-e, Nagawan Indo uwi tumende bem-nen yabu wanugwi tepan ombo ereba-nen tol ndok wurugwi yeba na-ge inik nggal ndok wiriga-o luk wonarak yak kuruwak-nen mbiri-o.

YEREMIA 1:11

Nagawan Indo-nen an yak norosolar-e: ”Yeremia wa-e. Kar-e no kasu-o?” yak norosoloma, an-nen onggo yosolar-e: ”Nagawan Indo wa-e. An-e e mbandam inggi kasu-o” luk yigi-o.

YEREMIA 1:4

Nagawan Indo-nen yosolar-e: ”Kat kiya arem awo kwarak kibigit lak ma, iri-nen kat awo ndet yigit lak ma-net ap enlem oboksa enmanggim an nene lomboksa yoso nap woranokluk len kubukmu-o” luk yij-o.

YEREMIA 36:2

”Kar-e engga ket mbet nggitlik misik wanuruk yugundig-e, Yewura min Isarael min iri-nen ap enlem oboksa min onowene yak kirigi ereba na oboksa mbari-o. Iri mbarosolar-e, nanduk Nagawan Yosia-nen o tena woragid kuri-nen yawo kuri ereya woragolat-nen mondok nandug-et an-nen kat kimin wene yosolat-nen yak kirigi wene-ge oboksa engga bem pi-o.

OSEA 1:1

Nde, Yewura-ge nagawan nagawan Usia min Yotam min Agas min Isikia min it iri-nen o tenakwi komo woragola tarem, nde, Isarael-e nagawan Yoas ambara Yerobeam-nen tena unpuruk worala tarem-e Nagawan Indo-nen Mberi ambara Osea ebem pidnak wene-ge yu-o.

YOEL 1:1

Nagawan Indo-nen Petuel ambara Yoel ebem pidnak wene-ge yu-o.

YUNUS 1:1

Nde, misik tarem-e Nagawan Indo-nen Amital ambara Yunus iri na wene yak tij-o.

MIKA 1:1

Nde, Mika iri-ge o marik misik unu-ge Moreset woraso-o. Nde, at iri-ge Yewura wi iri na me Nagawan Yotam min Agas min Isikia min it ereya-nen ondolma lud o tena woragola tarem-nen Samaria min Yerusalem min kwat unpurak wene Nagawan Indo-nen Mika yak tij-o.