YAKOBUS 5:9 - Nanduk Ngget Tul Pidnak Wene

⁹ Nanggamirak wa-e. Mbal Pem Nagawan-nen kit kenpem wene mbaruwa naru, kit na kit-net nobokpe kobokpe yurak pug-o. Yebet ker-o. Ap enpem wene mbaroso nab-e lobok eyekluk ijok tumende bem pil wagarik worasu-o.

YAKOBUS 5:9 ပူးပေါင်းရင်းမြစ်များ

NDAK WIRIDNAK WENE 4:7

Kat-nen nde konag-et kwarigennggal-e, kerare-ge yek tag-et woraleb-o. Alat nde, kat-nen meya kwarosola-ge, meya elem karem nggweyekluk mondok komo panggo rak worasu-o. Meya elem-nen inggiyapma rak kebeyekluk worasu-t nde, kat-nen-e iri-ge urugwe nggwe rak pi-o” luk yak tij-o.

TEPAN OMBO-NEN KWARURAK WENE 19:18

Kit kwat kinpidnak pem onggo purak pug-o. Kinsilepma na ap enpem purak pug-o. Kit kondomok kenabuwa kali nggal kit na kit-net nabuwa kabuwa wolmer-o. An-e Nagawan Indo-nen yusu-o.

MATIUS 24:33

Nde, iri nggal-et an-nen yak kindigi mende na ndak ndak kwaril mborosola kagolug-e, yawo tumende bem panggorak worasu-o luk kenaru yugub-o.

MARAKUS 13:29

Iri nggal-et wene yak kindigi abam nggwe ya kwat yosola-ge, E! At lobok yurak tarem komo panggo yusu-o luk yebet ker-o.

MARAKUS 6:19

Iri yoso ala-ge, Erorias na-ge isilepma Yoanes ebem purug-e, Yoanes na wururak peragaij-et nde, Erores na Yoanes wururak indi angin ala, wururag-e meya yij-o.

1 KORINTUS 10:11

It enpem mbidnak mende pidsa iri-ge nit na ”Iri nggal kwat nunpuwa-o” luk nit ninndi wanuwakluk-nen wene engga bem mbarak pid irir-o. Worok tak purak tarem nit worali nenmanggim.

1 KORINTUS 4:5

Iri nggal kwarak me, Nagawan Indo lobok yurak awo worasola kagit, kir-e awo ma-nen ap enpem wene mbarurak pug-o. Nagawan Indo lobok yosolar-e, ndamuk arem kura woraso na nam tak posolat, ap inndi arem-nen yimndidnak mende na nam tak puruk, nuk kujwa-o. Iri tarem-e, Mbal Pem Nagawan-nen ap oboksa enarik tak entembel wanuwa-o.

2 KORINTUS 9:7

Iri ala-ge, ap enambik lombok-net Mbal Pem Nagawan amanggim pogolar-e, at indi-n peraruk-net puwag-o. At indi angin min-et nde nin nap-nen ”Iri nggal purag-o” luk yuwa bem nak-nen purag-e lag-o. Alen min-et poso nap iri perak nde, Mbal Pem Nagawan-nen-e abuwa kaso-o.

NGGALATIA 5:14

Nde, imiri mbarak pidnak wene oboksa-ge wene misiget nak arem worasu-o. Wene iri-nen yosolar-e: ”Kat kambik kabuwa kasu nggal, kat kimin woragwi nap enabuwa kasolat wolmin-o” luk yij-o.

NGGALATIA 5:26

Nde, nit na nit-net kek yogolat, ninndi kalel kerak mbogolat, nin nap iri na nggok yusu-a? luk nisilepma kisilepma yogolat wolmomtak pug-o.

YAKOBUS 4:11

Nanggamirak wa-e. Kit na kit-net nobokpe kobokpe yurak pug-o. Ta-nen nde anggam obok posolat, anggam ebem wene mbarosolat yoso ala-ge, at iri-nen-e imiri mbarak pidnak wene na meya rak posolat, imiri mbarak pidnak wene iri na ebem wene mbaroso nap-nen yusu-o. Alat nde, kar-e imiri mbarak pidnak wene iri na ebem wene mbaroso ala-ge, kar-e imiri mbarak pidnak wene-nen yidnak yidnak kwaroso nab-e lag-o. Are, imiri mbarak pidnak wene iri na ebem wene mbaroso nap-nen yusu-o.

YAKOBUS 4:12

Imiri mbarak pidnak wene wok nindidnak nap min ap enpem wene mbaroso nap min-e misiget nak-nen yusu-o. Ap inmiri yosolat, ap lak tak onposolat yurag-e Mbal Pem Nagawan nak-nen yusu-o. Alat nde, kat kanggamirak enpem wene mbarusu nap kar-e ta-nen yusu-o?

YAKOBUS 5:10

Nanggamirak wa-e. Mbal Pem Nagawan ene lomboksa yugwi nap-nen Nagawan Indo unu bem wene yogola, andi bandi rak onpogola, mamak puruk woraiga iri na nggal-et kwarer-o.

YAKOBUS 5:7

Iri bem-e nanggamirak wa-e. Kir-e mamak puruk irit worakmu, Nagawan Indo lobok yuwag-o. Yabu wanoso nab-e at-nen yabu wanidnak iri yik karok worasoma, ebe kwarat makluk mamak puruk woraso iri ker-o. Mamak puruk irit worasolar-e, isi poso talme min lera mboso talme min yik karok woraso-o.

1 PETERUS 4:5

Alat nde, it iri-ge unluk worali nap min wat yidnak nap min enpem wene mbareyekluk lid lud tak puruk worasu Mbal Pem Nagawan na imbiri bem-e it-nen kwaridnak pidsa mondok paruwar-o.

1 PETERUS 4:9

Nanggam kanggam irit woragolar-e, kit na kit-net kennggamirak kenma rak onpogolar-e, kinsili min-e kenma rak unpurak pug-o.

NAM PARA WENE 3:20

Yu ker-o. An-e tumende bem men yigirik, tu lel lel kasu-o. Ap mbi-nen an nene kuluruk, tu kuwarak posola-ge, an-e at ama nggwimindik, at imin totno nonggolat, nde, at-nen na an totno nonggolat wulmul-o.