YAKOBUS 5:7 - Nanduk Ngget Tul Pidnak Wene

⁷ Iri bem-e nanggamirak wa-e. Kir-e mamak puruk irit worakmu, Nagawan Indo lobok yuwag-o. Yabu wanoso nab-e at-nen yabu wanidnak iri yik karok worasoma, ebe kwarat makluk mamak puruk woraso iri ker-o. Mamak puruk irit worasolar-e, isi poso talme min lera mboso talme min yik karok woraso-o.

YAKOBUS 5:7 ပူးပေါင်းရင်းမြစ်များ

OSEA 6:3

Iri bem-e, nir-e mondok ndemeret ndemeret Nagawan Indo nenaru yurak pem nenmawi kunduwog-o. Ndemeret Nagawan Indo nendam lobok yosolar-e, o kil poso nggal, o sumbat woraruk, nggaruksa talme nggok mbosolat nggweyak piri rak poso talme nggal irit nendam lobok yuwa-o” luk yiga-o.

YOEL 2:23

Sion woragwi nap wa-e. Nagawan Indo Kenmbal Pem Nagawan nak-nen konak nak kwat kunpusu pem-e kenalin kenalen yogolat, kijik kijak worogolat kenne lek ker-o! Iri kwat konposolar-e, engga lera mboso tarem-e talme kwarat wok kondoso-o. Nde, toro wok yoso tarem-e talme nggilara mberak pil mbuwaso-o. O sumbat woraruk, engga ambarok posolat tarem na, talme nanduk mboso ereba na nggal-et pil mboso-o.

MATIUS 16:27

Ap Amara na-ge at Eid abinal pem at-nen idnak aid nap inmin lobok yuwarig-e, ap onggo wok ondosolar-e, it-nen kwaridnak ndak ndag-et ondomok tak onggo wok unduwa-o.

MATIUS 16:28

An-e ndemeret yak kendeyeg-o: Yu me worali nap ereb-e Ap Ambara na at-nen tenagaidnak wi imin lobok yosola kagit lak ma-ge wat ma bug-o” luk yij-o.

MATIUS 24:27

Nde, o pinel-e mo luwaso sa-nen yebek yidnak pem mo mboso sa yebek yil mburusu nggal, iri nggal-et Ap Ambara na lobok yuwa-o.

MATIUS 24:44

Iri bem-e, Ap Ambara na mimo kir-e peragit lak ma lobok yuwa me, kit-nen na irit mondok lid lud tak puruk wolmer-o.”

LUKAS 18:8

An yak kendeyeg-o. Ar-e ndag-et nak it onowene konak mbal unduwa-o. Alat nde, Ap Ambara an lobok yimin tarem-e nggweyak ma yu me-nen inndi angin tubu yugwi nap mbi eneyamin, lak?” luk yij-o.

LUKAS 21:27

Iri tarem-e Ap Ambara an-e nggan nggan arem-nen kek tak amawi worak irit lobok yosola, niyujwa-o.

LUKAS 8:15

Nde, uwi nggweyak konak pem mbid iri na nggal-e, ap-nen aid wene na kulurug-e, inndi konak mot mot iri na bem-et puksa enarem tak puruk, inndi mamak puruk woragolat-nen ebe rak pili iri nggal-nen yusu-o” luk yij-o.

YOANES 21:22

Yesus-nen at yak tosolar-e: ”Nde, an-nen perasolar-e, at yu-ge urug-et worasoma, an nde lobok yurak nggal-nen-e iri-ge kat-nen wene yurag-e lag-o. Alat nde, kar-e an nimbirik ni-o” luk yak tij-o.

YOANES 21:23

Iri yid na-t nde, Yesus owosirak-nen wigarogolar-e: ”Yesus imin noso nap iri-ge wat ma bug-o” luk yiga-o. Alat nde, Yesus-nen yosolar-e: ”At yu wat ma bug-o” luk yigir-e lag-o. Are, ”An-nen perasolar-e, at yu-ge urug-et worasoma, an nde lobok yurak nggal-nen-e iri-ge kat-nen wene yurag-e lag-o” luk yij-et nde, iri yiga-o.

OROMA 15:4

Mbal Pem Nagawan engga bem-nen-e ninndi luruk purak min ninndi tugup lak tak purak min mul nondosola, Mbal Pem Nagawan ebem ninndi mbung mbung tak wolmakluk mul nundusu me, Mbal Pem Nagawan engga bem mbaridnak wene pidsa nit mul nundurak pem mbariga-o.

OROMA 2:7

Ap erep-nen-e konak mende nak kwarogolar-e, Mbal Pem Nagawan unu nak kek tak purak nak kore yogolat, at erembel wanurak nak kore yogolat, pem-et wolmomtak nak kore yili nab-e Mbal Pem Nagawan-nen unlug-et pem-et woralik nalik wolmomtak elem wok unduwa-o.

1 KORINTUS 1:7

nit Nenagawan Indo Yesus Kerisut nam tak purak tarem yik karok woragolar-e, Konak Indi-nen we tembet nundusu mende marig-et nggal wanigit lag-o, mondok ndak irit wanigeb-o.

NGGALATIA 5:5

Nde, Konak Indi bem-nen nit ninndi angin tubu yidnak pem lud tak nak nunpuwa-o luk ninndi mbung mbung tak worali iri kwat nunpuwakluk yik karok worali-o.

NGGALATIA 6:9

Iri bem-e, nir-e konak nak kwarurak na-ge perari yurak pug-o. Nir-e nenperari lag-et kwarogolat wulmulndig-e, mbarurak tarem wok yosola-ge, engen na mbarul-er-o.

KOLOSE 1:11

Enpem mboso mende oboksa kenpem mbosola-ge, kinndi luruk puruk woragolat, kenalen min-et woraboklug-e, at amawi kwarat iri-nen kenmawi rak posola-ge, kit kenmawi yugub-o.

1 TESALONIKA 1:3

Nineid Mbal Pem Nagawan imbiri bem nit-nen yebet keneyagolar-e, kit kinndi angin tubu yidnak pem-nen kwarogolat woragwi nde, ap enabuwa kagolat-nen yabu kenmawi min-et wanugwi nde, Nenagawan Indo Yesus Kerisut ebem kinndi mbung mbung tak pigeb-e mondok tugup lak worali nde, iri mende yebet yebet tak worali-o.

1 TESALONIKA 2:19

Nde, nit ninndi ebem mbung mbung tak woragwi-ge tarag-o? Nit nenalen eneyagwi-ge tarag-o? Nit Nagawan Indo Yesus lobok yosola tarem-nen at imbiri bem nit nunnu kek tak purak wirik iri-ge tarag-o? Iri-ge kir-er-o.

1 TESALONIKA 3:13

Nde, at-nen kit kinndi amawi rak posola-ge, nit Nenagawan Indo Yesus na at winde nap oboksa inmin luk lobok yuwa tarem-e kir-e Nineid Mbal Pem Nagawan imbiri bem-e kenpem kop kap lak, mondok marak nab-et worabog-o.

IBERANI 6:15

Nde, Abaram na-ge indi luruk puruk towarak woragaid pem-e Mbal Pem Nagawan-nen urul paga yak tidnak na-ge mondok wanid nar-o.

YAKOBUS 4:11

Nanggamirak wa-e. Kit na kit-net nobokpe kobokpe yurak pug-o. Ta-nen nde anggam obok posolat, anggam ebem wene mbarosolat yoso ala-ge, at iri-nen-e imiri mbarak pidnak wene na meya rak posolat, imiri mbarak pidnak wene iri na ebem wene mbaroso nap-nen yusu-o. Alat nde, kar-e imiri mbarak pidnak wene iri na ebem wene mbaroso ala-ge, kar-e imiri mbarak pidnak wene-nen yidnak yidnak kwaroso nab-e lag-o. Are, imiri mbarak pidnak wene iri na ebem wene mbaroso nap-nen yusu-o.

YAKOBUS 5:10

Nanggamirak wa-e. Mbal Pem Nagawan ene lomboksa yugwi nap-nen Nagawan Indo unu bem wene yogola, andi bandi rak onpogola, mamak puruk woraiga iri na nggal-et kwarer-o.

YAKOBUS 5:3

Kit-nen idnak emas posid min perak posid min-e pase pij-o. Nde, pase pidnak iri-nen-e kit kenare posolat, kan-nen nok onposo nggal kunnuno nujwa-o. Kit kinsilobulo-ge i worok tak purak tarem yu ndok worogolat woraigeb-o.

2 PETERUS 3:4

Nggweyel konpogolar-e: ” ’An lobok yimin-o’ luk urul pij-et nde, ebe-ge ngge-o? Nit nonmborak na wat yiga-t nde, nggweyak ndak wirid kuri-nen yawo kuri-ge yi mende ndi mende pidsa-ge emesiyak nak worasu-o!” luk yuwa-o.