YAKOBUS 5:3 - Nanduk Ngget Tul Pidnak Wene

³ Kit-nen idnak emas posid min perak posid min-e pase pij-o. Nde, pase pidnak iri-nen-e kit kenare posolat, kan-nen nok onposo nggal kunnuno nujwa-o. Kit kinsilobulo-ge i worok tak purak tarem yu ndok worogolat woraigeb-o.

YAKOBUS 5:3 ပူးပေါင်းရင်းမြစ်များ

NDAK WIRIDNAK WENE 31:48

Yatlug-e, Laban-nen Yakup yak tosolar-e: ”Kerep umut mbara pidnak yu-nen-e nit wene amburu mbarige na-ge ninndi yeberak puwa-o” yij-o. Iri yidnak sa ala karuk, iri na me unu-ge Nggalet yariga-o.

NDAK WIRIDNAK WENE 31:52

Nde, kerep umut mbarak yu min wene yu yenggerak purak pem kerep sindik pidnak yeba-nen yeberak nonposolar-e, an-nen-e kerep umut mbarak yeba kwid turuk, mondok kiril mbirimin puk, nde, kat-nen na kerep umut mbarak min yenggerak purak pem kerep sindik pidnak yeba min kwid turuk, an niril mbururak pug-o.

NDAK WIRIDNAK WENE 49:1

Iri luk, Yakup-nen at elirak yeba na wene mbo unpuruk-nen yak ondosolar-e: ”An neram panggosa yu me ndok werer-o. Nde, yawo an-e abok kit kenpem mburak mende mbi yak kindimin-o.

YESAYA 2:2

Nde, abok woragolar-e, ndobo amun Nagawan Indo uwi worak worasu iri na-ge munduruk abu-t lujwarik, ndobo amun min ndobo yok nggok ereba na min anggul pem tugup lak nggasesa menluk keya buwa-o. Nde, iri yosola-ge, ap enlem oboksa-nen nggwid nggwid nggubunuruk at ama iri me mburuwa-o.

YEREMIA 19:9

Wim nap-nen-e o siri yu leget waburuk, o yu me woragwi nab-e unduwokluk tu kore yuwa-o. O yu lop lop worag-e mondok kwiye worak irit woragola, arem nggwe wolma nab-e nere-nen it nak nok kerak mbogolat, it inlirag-et nde, nonggolat wolma-o” luk yak norosola, yigi-o.

MIKA 3:3

Kir-e an nelem nab-e nili-o. Iri yogolar-e, enaboro lobonogolat, onowak min kir-e yigisa keya bili-o. Kir-e wam uno togolwak arem pil ngguwokluk mbarugwi nggal mbal inpili-o.

MIKA 4:1

Nde, abok woragolar-e, ndobo Nagawan Indo uwi worak worasu iri na-ge munduruk abu-t lujwarik, ndobo amun min ndobo yok nggok ereba na-ge tebe rak puruk, tugup lak nggasera menluk keya buwa-o. Iri yuwama, yi nap ndi nap oboksa iri me nggubunuruk nggwid nggwid mborogolat wolma-o.

YIDNAK YIDNAK WENE 2:17

’Mbal Pem Nagawan-nen yosolar-e: ”I woronosolat tarem-e an Nindi-ge ab-e ap enpem nggilara mberak pil mbuwamin-o. Iri ala-ge, kit kenmbararak min kenararak min-e urul pogolat, kunsugwerak-nen-e yik kagwi mende na yik kagolat, kineidtak inndi worak-nen-e yi nabi ndi nabi kagolat irit yuwa-o.

OROMA 2:5

Alat nde, kit kinndi amawi luk, kondok yili bug-o. Iri-nen ndowaga Mbal Pem Nagawan isilepma luk lud tag-et ap enpem wene mbaruwa tarem-nen-e kenpem wene mbarurak iri na kenambikpebe kenare pili-o.

2 TIMOTIUS 2:17

It-nen mul undugwi wene iri-ge lak yoso buk ndigiril laso mbijap nggal-nen yusu-o. Nde, Imeneus min Piletus min iri na iri kwarugwi worali-o.

YOSUA 24:27

Iri rak puruk, Yosua-nen Isarael nap oboksa yak ondosolar-e: ”Nagawan Indo-nen nit yak nindidnak oboksa-ge kerep yu eram-nen yak nindidnak me, ”Wene-ge iri yak indid nar-o” luk kerep yu-ge mondok aru wolma-o. Kit-nen Nagawan Indo Nembal Pem Nagawan imin eyak worogolat woragup naru, kerep yu-nen-e kinndi yeberak konposolat wolma-o” yak indij-o.

2 PETERUS 3:3

Mondog-et kit-nen yeberak wolmomtak wene nggulog-e yu-o. Woroksiyem woragolar-e, it ondomok inndi-n pidnak ukwe akwe yugwi nak kwarogolar-e, ap nggweyel unpugwi nap na men yogolar-e, kit nggweyel kunpuwa-o.

NAM PARA WENE 17:16

Nde, anggul ambo sepulu kaigen iri min ndakngge isilepma worak iri min-nen-e terak yebugwi kwe iri na insili rak puruk, at aringgi arengge oboksa mengga wanuruk, ebe nak ngenwa keya buwa-o. It-nen at ino nonggoluk, kanduk pem lak tak ubuwa-o.

NAM PARA WENE 20:15

Nde, unluk nak wolmomtak engga arem unnu mbarigit lak nab-e kan mare arem mbo inpil nggwij-o.

NAM PARA WENE 21:8

Alat nde, kwiye kagwi nap min inndi angin tubu yugwi buk nap min kwarugwi buk mende kwarugwi nap min ap undugwi nap min terak terak ye unpugwi nap min kwal ombo min kugiwak erembel wanugwi min enesiget yugwi nap oboksa min it ondoro-ge emben worak kule (belerang) laso kan mare arem-nen yusu-o. Nde, iri-ge mberen pem tak posolat wat momtak elem-nen yusu-o” luk yij-o.