YAKOBUS 5:17 - Nanduk Ngget Tul Pidnak Wene

¹⁷ Elia iri-ge ki nap nit nggal-et nde, talme mbigit lak makluk at-nen ”Kwar-et ma-o” luk keresa tepan yid pem-e olengen kenan tak puruk, waneya enam irit talme mbigit lak nak woragaij-o.

YAKOBUS 5:17 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 17:1

O Nggileat nggweyak arem o siri Tismbe nap Mbal Pem Nagawan ene lomboksa yoso nap mbi unu-ge Elia irit woragij-o. Nde, misik tarem-e Elia na-ge Nagawan Agap eram mberarik-nen yak tosolar-e: ”Nagawan Indo uruk nak woraso Mbal Pem Nagawan, Isarael nap-nen kek tak ubugwi an-nen ndegel ubusu owag-o. Mondok nap kat yak kereyeg-o. Abok olengen mberen, lak? Are, kenan lak? woragolar-e, ereya arem-e mondok lilangen ala na talme mariget ala na mondok mbuma bug-o. An-net yosola-nen perak mbuma-o” luk yak tij-o.

1 NAGAWAN NAGAWAN-NEN KWARIDNAK WENE 18:1

Nde, siyak woraruk, o kibi mbud yarik woralat olengen mberen woraruk, kenan tak posolat ereya na arem-e Nagawan Indo-nen Elia yak tosolar-e: ”Kar-e Nagawan Akap eram mbiri-o. Marig-et nak worarug-e, an-nen talme mberak pil mbuwamin-o” yak tij-o.

LUKAS 4:25

Alat nde, wene yu koler-o. Elia worala-ge, talme mbigit lak olengen tiga rak puruk, waneya enam woragolar-e, o iri me oboksa nogoro mbud yarik worala-ge, Isarael nap enma-ge kweyap togwe kwarat woraiga-t nde,

YIDNAK YIDNAK WENE 10:26

Alat nde, Peterus-nen at mendak puruk yak tosolar-e: ”Men min-o. An na ki nap-net yusu-o” luk yij-o.

YIDNAK YIDNAK WENE 14:15

”Naptak wa-e. Kir-e noluk-nen yu nggal kwatli-o? Nir-e ki nap kit nggal-net yili-o. Nir-e aid wene yak kindil lobok yili yu-ge kir-e ebe lak mende yu nggal konmbol wok turuk, uruk nak woraso Mbal Pem Nagawan-e mbal min nggweyak min yi koma min ebem woraso mende oboksa Ndak Wiridnak Nap na eram lobok yobokluk-nen yak kindili-o.

OROMA 11:2

Mbal Pem Nagawan-nen-e at winde nap nanduk-net len inpidnak na-ge amberam tak inpigit lag-o. Mbal Pem Nagawan engga mbarak arem-nen Elia-nen kwaridnak wene iri-ge kir-e kenaru buk yili-a? Isarael nap enpem wene mbaruwakluk Elia-nen Mbal Pem Nagawan emengen mbarosolar-e, yu nggal yij-o:

NAM PARA WENE 11:6

Ir-e Mbal Pem Nagawan-nen yidnak wene yogolat woragola, talme mbuma naru, mbal tu imig worak puruk amawi-ge it ininggem wolma-o. Nde, yi ulusu oboksa eyabi worak tak purak amawi na it ininggem wolma-o. Nde, o nggweyak yu lak tak purak mende oboksa amawi-ge it inndi-nen ”Iri mende-t kwat mag-o” luk peragola-ge, kwar-et ma-o.