YAKOBUS 5:16 - Nanduk Ngget Tul Pidnak Wene

¹⁶ Iri bem-e, kit ki rak kunpuwaklug-e, kit na kit-net meya yidnak pal kerak mbogolat, kit na kit-net tepan pegerak mbogolat wolmer-o. Lud tak nak kwaroso nap-nen indi angin tubu yosolat-nen tepan yusu iri-ge amawi kwarat-nen yusu-o.

YAKOBUS 5:16 ပူးပေါင်းရင်းမြစ်များ

NDAK WIRIDNAK WENE 19:29

Mbal Pem Nagawan-nen-e o siri ereba Lot woragid o lid iri na-ge iri nggal kwasa lak tak pij-et nde, Mbal pem Nagawan-nen-e Abarakam-nen yidnak iri na indi yebet karuk, Lot na-ge yongga worosola, mengga mberamu-o.

NDAK WIRIDNAK WENE 20:17

Abimelek-nen Abarakam ogwe Sara waneyekluk yid iri na bem-nen ndowaga Nagawan Abimelek woraso sa woragwi kweyab-e Nagawan Indo-nen ibiri rak inpij-o. Iri ala karuk, Abarakam-nen Mbal Pem Nagawan emengen mbarosola-ge, Abimelek iri na ki rak obosolat, at ogwe min ndegel ubugwi kweyap min ki rak inpij-o. Iri yosola-ge, kweyap li ndakwi buk kwat yiga ereba na-ge tuguruk li ndakwi kwat yiga-o.

NDAK WIRIDNAK WENE 20:7

Alat nde, yawo-ge kwe iri-ge tuguruk un eram pil mbururag-o. Nde, kwe iri un-e an nene lomboksa yoso nap-nen yusu-o. At-nen-e kat wat yugun naru kamanggim tepan yuwa-o. Nde, kat-nen nde kwe iri nde un eram pil mbirigit lak yugun nggwe-ge kat min kat kuwokma woragwi min oboksa wat yugub-o” luk yak tij-o.

NDAK WIRIDNAK WENE 32:28

Yosoloma, ap iri na-nen Yakup yak tosolar-e: ”Kar-e Mbal Pem Nagawan min ki nap min inmin-et yig nggwigen-et nde, kar-et ombol nggwe yidnak me, kunu-ge Yakup iri-ge lag-o. Yawo-ge kunu-ge Isarael kwat yij-o” luk yak tij-o.

2 SEMUEL 19:19

”Nab-o. Nagawan wa-e. Kat Yerusalem keya buruk lobok yosola kwat kibigi iri na-ge mondok kindi yeberak worasolar-e: ’At yu-ge lugud tak kwaroso nab-o’ luk yebet neyasolat wolmomtak pug-o. An-nen kwarigi iri-ge mondok meme rak purag-o.

1 NAGAWAN NAGAWAN-NEN KWARIDNAK WENE 13:6

Iri ala karuk, Nagawan Yerobeam-nen Mbal Pem Nagawan ene lomboksa yoso nap iri na yak tosolar-e: ”An ninggi konak tak puwakluk kat-nen Nagawan Indo Kembal Pem Nagawan iri emengen mbari-o” luk yak tij-o. Yosoloma, Mbal Pem Nagawan ene lomboksa yoso nap iri na-nen tepan Nagawan Indo nggi yak tosola-ge, nagawan iri na inggi-ge konak yij-o.

AYUP 42:8

Iri yigepndik me, nde, yawo-ge kusi nak sapi-ge tuju, lomba ge tuju waruk Ayup eram mburugupndik, wam ereba-ge kit meya yidnak pem kondomok kenmanggim wosa kan per-o. Kan pogola-ge, Ayup-nen-e kit kenmanggim tepan yuwa-o. Nde, Ayup-nen tepan yuwa iri-ge an-nen e kolosolar-e, kir-e onggo angin worak kenpem purag-et nde, an-nen-e kinnggiri rak pimin pug-o. Kir-e an nowene-ge ndemeret mot mor-e yigit lak yigepma-o. Nde, Ayup-nen perak ndemeret mot mor-et yamu-o” luk yak tij-o.

NDAWI ENGGA 34:15

Nagawan Indo-nen inndi at aye worak woragwi nap yebet eneyasolar-e, it-nen ”Yongga nindi-o” luk eram wene mbo bogola-ge, at-nen-e enne-t koloso-o.

MBIRIGA WENE 17:11

Laigarik, Musa na inggi teram nggwe ligik puruk worala-ge, Isarael nap ombol nggwe yogolat, nde, inggi leyok tak posola-ge, Amalek nab-et ombol nggwe yogolat woraiga-o.

MBIRIGA WENE 9:33

Nde, Musa na nagawan eram-nen mborosolat, o siri keya buruk ombol nggwe mborosolar-e, Nagawan Indo emengen mbarosolat, inggi teram nggwe ligik puruk tepan yosola ereya na-net o nggu iri na lak yosolat, talme engen min talme min iri na pok yij-o.

NGGOMO WENE 15:29

Konak nap iri-nen nde tepan yosola-ge, Nagawan Indo-nen-e ene koloso-o. Alat nde, wene taroso nap ene-ge koloso bug-o.

NGGOMO WENE 15:8

Nagawan Indo-nen-e konak nap-nen tepan yili-ge kulusu-o. Alat nde, meya yugwi nap-nen at amanggim pidnak mende-ge isili rak nde pusu-o.

YEREMIA 15:1

Nagawan Indo-nen an yak norosolar-e: ”Musa min Semuel min-nen an neram yu me mendak woragolat, it ap enlem yu an-nen enabuwa yuwakluk nemengen mbaruwa-t nde, an-e ap enlem yu-ge mondok enabuwa yimin pug-er-o. Ap enlem yu-ge an-nen yik iniyudtag-e mondok nimbir-o! ’Ndak mberer-o’ yak indi-o!

WONARIDNAK WENE 11:2

Kan nasola-ge, ap ereba na-nen enne nggoksa Musa yak togolar-e: ”Ndak yongga nindi-o” luk yiga-o. Iri yogola, Musa-nen Nagawan Indo emengen mbarosola-ge, kan iri na-ge nigi yij-o.

MATIUS 21:22

Kit kinndi angin tubu luk, tepan yogolat-nen nggi yugup mende-ge wanugub-er-o” luk yij-o.

MATIUS 3:6

it nen meya yidnak parogola-ge, Yoanes-nen yi Yorodan arem yi ma onposolat woragaij-o.

MARAKUS 1:5

Yosoloma-ge, Yurea nggweyak pem woragwi nap min o Yerusalem woragwi nap min pidsa at eram lobok yogolar-e, it meya yidnak parogola-ge, yi Yorodan arem yi ma onposolat woragaij-o.

LUKAS 9:6

Yak ondosoloma, at owosirak na mborogolar-e, o siri marik ereba na nggwe nogolar-e, aid wene yak indil nogolat ap ki rak onpogolat kwaril niga-o.

YOANES 9:31

Meya yugwi nap-nen yidnak wene Mbal Pem Nagawan-e koloso bug-o luk nenaru nar-o. Alat nde, at unu kek tak pugwi nap min at indi-n pidnag-et kwarugwi nap min-nen yidnak wene perak nde, ar-e koloso-o.

YIDNAK YIDNAK WENE 10:38

Nde, Mbal Pem Nagawan-nen Yesus Nasaret nap na ebem-e Konak Indi min amawi min kilik pidnak wene-ge kenaru nar-o. Mbal Pem Nagawan-e at imin woralat me, at waring kasolar-e, konak nak kwarosolat, Sere-nen yemen inpidnak nap oboksa ki rak inpil waring kagaij-o.

YIDNAK YIDNAK WENE 19:18

Nde, it inndi angin tubu yidnak nap, ap kwarat-nen lobok yogolar-e, it-nen na meya iri nggal kwaridnak na para nam tak piga-o.

YIDNAK YIDNAK WENE 8:24

Yak tosoloma-ge, Simon-nen yosolar-e: ”Kit-nen yigep mende iri an nebem mbuma naru, an namanggim Nagawan Indo emengen mbarer-o” luk yij-o.

OROMA 3:10

Mbal Pem Nagawan engga mbarak pem-nen yosolar-e: ”Lud tak nak woraso nap ap misiget ter-o luk mondok lag-o.

OROMA 5:19

Nde, ap misik-nen yidnak yidnak kwarigit lak pem-e, ap kwarat meya kwarugwi nap tak inpid iri nggal-et ap misik-nen yidnak yidnak kwaridnak pem-e ap kwarat lud tak nak unpuwa-o.

KOLOSE 1:9

Iri bem-e kit konpok kulige kuri-nen yawo kuri-ge nir-e pempa kit kenmanggim tepan-e kundugu yili-o. Kit kenmanggim Mbal Pem Nagawan emengen mbarogolar-e: ”Kat kindi-n pidnak parosa enaru makluk, inndi tenggerak elem oboksa min ndemeret yebet kagwi elem min wok indi-o” luk emengen mbatli-o.

1 TESALONIKA 5:17

Tepan kundugu yogolat nak wolmer-o.

1 TESALONIKA 5:23

Yamuksa woragwi elem Mbal Pem Nagawan-nen-e marak kunpuruk, iminep mbarak konposolar-e, kinndi min kenpe min oboksa nit Nenagawan Indo Yesus Kerisut lobok yurak tarem-nen mondok kop kap lak woraboklug-e, kontowarak wolmag-o.

1 TESALONIKA 5:25

Nennggamirak wa-e. Nenmanggim tepan yogolat wolmer-o.

IBERANI 11:4

Nde, Abel na indi angin tubu yidnak pem-net Mbal Pem Nagawan amanggim wosa posolar-e, Kain-nen pidnak nggal-e lag-o, are, terak minik konak mende Mbal Pem Nagawan amanggim pamu-o. At indi angin tubu yidnak na bem-e ”Kar-e lud tak nak kibidnak nab-o” luk Mbal Pem Nagawan-e Abel-nen pidnak mende na bem alen kagaij-o. Nde, Abel na wat yij-et nde, at indi angin tubu yidnak iri na-ge yawo-nen na nit mul nondosolat worasu-o.

IBERANI 11:7

Nde, Nu na indi angin tubu yidnak pem-net Mbal Pem Nagawan-nen-e abok-nen kwat momtak wene yak tosola, kuluruk, indi kwiye luk, at erengen-nen kagit lak mende-t nde, Mbal Pem Nagawan-nen yidnak yidnak kwarosolar-e, at min ogwela min inmiri yurak e koma wirij-o. Iri kwarosolat-nen-e nggweyak ma woragwi nap oboksa enpem wene mbarosola, at indi angin tubu yidnak pem-e Mbal Pem Nagawan-nen at lud tak nak tak ibij-o.

IBERANI 12:13

Konowak ya langgok nugwi iri na ebem lud ma naru, tula ndung tak nggwe nak waring kagolat wolmer-o.

IBERANI 13:18

Nit nenmanggim tepan kundugu wolmer-o. Nir-e pempa konak nak kwat tenak wolmomtak nindingen me, nit-nen yebet kagwi ninndi iri-ge konag-et worasu-o luk perali-o.

YOSUA 10:12

Nde, iri tarem-e Nagawan Indo-nen Amori nap urugwe nggwe rak unpuruk, Isarael nab-e ombol nggwe rak onposola-ge, Isarael nap inmbiri bem-et Yosua-nen Nagawan Indo imin yosolar-e: ”Mo yu-ge wa-e. Kar-e Nggibeon anggul pem yu-t ndong min-o. Waneya kat yu-ge wa-e. Ayalon mbirik yu anggul pem-nen konoksa nin me mbururak pug-o” luk yij-o.

1 PETERUS 2:24

Nir-e meya yugwi elem inggem-nen weserak woragolat, lud tak nak kwarogolat wolmakluk, Kerisut at-net nit meya yidnag-e at ondomok ebem puruk, e lang pang tak pem wat yij-o. At wiridnak sa ud iri-nen-e kit ki rak kinpij-o.

1 YOANES 3:22

Nit-nen-e at-nen yidnak yidnak nak kwarogolat, at-nen peraso mende nak kwarogola-ge, at ebem nggi yul mende pidsa wok nunduwa-o.

1 SEMUEL 1:12

Iri nggal kwasa Ana-nen Nagawan Indo emengen mbarosolat tepan mondok lit karuk mborosola-ge, Eli-nen-e Ana emnde lombot posolat woragij-o.

1 SEMUEL 12:17

Yawo-ge o kibi mbud yarik worasu-t nde, an-nen Nagawan Indo eram wene pil lasola-ge, at-nen erep nggarosolar-e, o nggu ngak yosolat, talme mberak pil mbuwasola, kagub-o. Iri ala, kit-nen yebet kagolar-e: ’Nit-nen nagawan misik nggi yige bem-e Nagawan Indo imin meya nggok irit kwarige-o’ luk yebet kagub-o” yak indij-o.

1 SEMUEL 12:18

Iri yak unduruk, Semuel-nen tepan yosola-ge, iri na tarem-et Nagawan Indo-nen talme mberak posolat, o nggu rak posolat kwarij-o. Iri yosola-ge, Isarael nap oboksa-nen-e Nagawan Indo min Semuel min enaye kaiga-o.