YAKOBUS 5:13 - Nanduk Ngget Tul Pidnak Wene

¹³ Kit kennggendumu nde ap mbi anggun panggun worasolar-e, tepan yuwag-o. Nde, ap mbi alen pem woralar-e, Mbal Pem Nagawan erembel wanosolat, ndawi yosolat wolmag-o.

YAKOBUS 5:13 ပူးပေါင်းရင်းမြစ်များ

NDAWI ENGGA 105:2

Nagawan Indo nak erembel wanogolat ndawi yer-o. At-nen kwiye worak kwaroso wene-ge ap yak ender-o.

NDAWI ENGGA 118:5

An-e anggun panggun arem woralat-nen Nagawan Indo eram wene pil lasola-ge, at-nen nene erep nggarosolar-e, wisirik nibij-o.

NDAWI ENGGA 91:15

It-nen nde an neram wene pil luwagola-ge, an-nen enne erep nggarimin-o. Anggun panggun enpem mbidnak tarem na an-net yongga indimin-o. An-nen inmiri yosolat, kek tak onposolat yimin-o.

NDAWI ENGGA 95:2

”Wiwa-o” yak togolat yugwi ndawi bem-et at eram mburuwog-o. At erembel wanogolat nenalen pem-et ndawi yuwog-o.

YESAYA 65:14

Ndemeret ir-e enalen-nen kek kok lek kujwa-t nde, kir-e yip nggu lek tenak woragub-o.

NDANIEL 5:4

Nonggolar-e, it unkugwiwak emas min perak min tembaga min mbesi min e min kerep min pem-nen konidnak ereba na erembel waniga-o.

OSEA 6:1

Nde, it Isarael nap-nen yogolar-e: ”Yawo-ge tuguruk nden karuk Nagawan Indo eram mburuwog-o. At-net andi bandi rak ninpij-et nde, at-net ki rak nunpuwa-o. At-net mep tak ninpij-et nde, uj-e engga nggitlik nunpuwa-o.

YUNUS 2:2

”Nagawan Indo wa-e. An-e anggun panggun arem woralat, kat keram wene mbo bil luwasola, kat-nen nene erep nggarigen-o. Yongga noronokluk wat yidnak nap woragwi sa-nen ngge yak korosola, kat-nen kuluruk, kwara yebet neyaigen-o.

MIKA 4:5

Nggweyakma yu me-nen-e ap enlem oboksa ondomoktak-nen it unkugwiwak lombog-et erembel wanogolat, unkugwiwak-nen yidnak yidnag-et kwarogolat woragwi-o. Alat nde, nir-e Nagawan Indo Nenmbal Pem Nagawan-nen yidnak yidnag-et kwarogolat, pempa at erembel wok tenak wulmul-o.

MATIUS 26:30

Yak undurug-e, it na ndawi yuruk Saitun ndobo bem mbiriga-o.

LUKAS 22:44

Nde, Yesus na kwiye-nen indi andi kwarat yosolar-e, tepan kwarat yij-o. Nde, irigak na eyabi nggal ndung ndung mbij-o.]

LUKAS 23:42

Yuruk, at-nen Yesus yak tosolar-e: ”Yesus wa-e. Kat-nen tenagaidnak wi iri na me wok yosolar-e, an-e meme rak nuburak pug-o!” luk yak tij-o.

1 KORINTUS 14:15

Iri bem-e ngge yimin-o? An nindi bem-net tepan yosolar-e, an-nen yebet kaso iri bem-nen na tepan yimin-o. An nindi bem-net ndawi yosolar-e, an-nen yebet kaso iri bem-net ndawi yimin-o.

1 KORINTUS 14:26

Nanggamirak wa-e. Ngge yosolat-nen yigi kali? Kir-e ndok wutluk, kenariktag-et kwarogolar-e, misig-e ndawi yogolat, nin-e mul ondogolat, misig-e Mbal Pem Nagawan-nen kura bidnak wene nam tak pogolat, nin-e nin wene nan wene bem yogolat mer-o. Alat nde, iri kwarogolar-e, ap inndi mendak purak pem kwarogolat wolmer-o.

EPESUS 5:19

Kit-nen wene yak kerak mbogolar-e, Ndawi Engga bem mbaridnak wene yogolat, Mbal Pem Nagawan erembel wanogolat, aid wene ndawi yogolat mer-o. Kit kenarem-nen Nagawan Indo yak togolar-e, at erembel wanogolat, Nagawan Indo ebem ndawi yogolat wolmer-o.

IBERANI 5:7

Yesus na-ge ki nap ennggendumu nggweyak ma yu me woralat-nen tepan yosolar-e, wat yimin naru at-nen an nimiri yurag-e ndag-o luk peraso Mbal Pem Nagawan na emengen mbarosolar-e, at ene nggoksa yip min-et at emengen mbarosolat woragaij-o. Nde, iri kwarosolar-e, at indi tebe luk, Mbal Pem Nagawan-nen yidnak yidnak nak kwaroso ala karuk, Mbal Pem Nagawan-nen-e at ene kulij-o.

YAKOBUS 5:10

Nanggamirak wa-e. Mbal Pem Nagawan ene lomboksa yugwi nap-nen Nagawan Indo unu bem wene yogola, andi bandi rak onpogola, mamak puruk woraiga iri na nggal-et kwarer-o.

NAM PARA WENE 14:3

Nde, it-nen ndawi ngget misik yogolar-e, nagawan koreyak woraso ondoro bem koreyak worasu na min untugup worak mende empat ereya na min enne kulugwi nap min inmbiri bem ndawi iri-ge yiga-o. Nde, nggweyak ma yu me-nen onnggo bidnak nap seratus empat pulu empat ribu (144,000) iri nak-nen ndawi iri enaru-o.

NAM PARA WENE 7:10

It enne ngguloksa yogolar-e: ”Nit ninmiri yoso elem-e nit Nenmbal Pem Nagawan koreyak woraso ondoro ebem koreyak worasu iri min Lomba Wam Marik min endam nak-nen lobok yoso-o!” luk yiga-o.