YAKOBUS 5:11 - Nanduk Ngget Tul Pidnak Wene

¹¹ Ir-e mamak puruk woraidnak me, ir-e imbiringgat-nen yili-o luk nir-e yugwi-o. Ayub-nen mamak puruk woragaij-e kir-e kulugwi nar-o. Nagawan Indo iri-ge mondok enabuwa kaso, indi konak me, abok nggwe-ge Ayup na imbiringgat tak pid iri-ge kenaru nar-o.

YAKOBUS 5:11 ပူးပေါင်းရင်းမြစ်များ

NEMIA 9:17

It-nen-e kat-nen yidnak yidnak kwarigit lak yiga-o, Iri-nen kat-nen konak kwat onposo ereba na meme rak piga-o. Nde, kat-nen kwiye worak mende it enlengen pem kwarigen ereba na-ge ir-e meme rak piga-o. Iri yogolar-e, tuguruk ndegel unpugwi nap tak unpuwakluk Mesira lit unpuruk mbururak it-nen ene kulurak nap misik inndi kek tak pem liniga-o. Alat nde, kar-e ap-nen lugud tak kwaridnak kamberam tak poso Mbal Pem Nagawan-nen yusu-o. Kar-e mamak puruk woraso, kindi konak enabuwa kwarat kaso-o. Kar-e ap unpud kwiye worak kaso iri na bem-nen it iri na-ge keya inpigit lak yigen-o.

NEMIA 9:31

Alat nde, kat-nen mondok kwarat unpud kaso iri na-nen ndowaga, kat-nen-e abu abu keya onposolat, mondok lak tak onposolat kwarigit lag-o. Mbal Pem Nagawan kar-e erep min ndak wururag-e meya-o. Kat-nen enabuwa kaso elem nggok iri bem-net kwara unpud kaso-o!

AYUP 1:1

Nde, o Us nggweyak pem iri me-ge ap misik woragij-o. Iri unu-ge Ayup. At iri-ge Mbal Pem Nagawan imin kundik worasolar-e, imin tugup lak irit woragij-o. Nde, ar-e konak nap woralat, indi nggat nggat worak, meya na marig-et tet kwaroso buk irit woragij-o.

AYUP 1:2

Nde, at ilirag-e ab-e enpe tuju, nde, kwami-ge kenan irit inmin woragij-o.

AYUP 2:10

Yosoloma, Ayup-nen onggo yosolar-e: ”Kar-e inndi lak-nen yugwi nggal yusu-o. Nit-nen-e Mbal Pem Nagawan-nen konak mende wok nindidnak nak wanogolat, nde, meya wok nondosola-ge, keya burag-a?” luk yak tij-o. Nde, Ayup iri-ge andi bandi nggok ebem mbij-et nde, at-nen-e Mbal Pem Nagawan imin sirid mbarurak wene mbi mondok yak tigit lag-o.

NDAWI ENGGA 103:13

Ineidtak-nen inlirak enabuwa kagwi iri nggal-et Nagawan Indo-nen-e at ebem indi angin tubu yugwi nab-e enabuwa kaso-o.

NDAWI ENGGA 103:8

Nagawan Indo-ge unpud kasolat, enabuwa kwarat kasolat yoso elem me, mondok mamak puruk worasolat, kwarat enabuwa kaso-nen yusu-o.

NDAWI ENGGA 116:5

Nagawan Indo iri-ge enabuwa kasolat, ndemeret mot mot kwaroso-net yusu-o. Nit Nenmbal Pem Nagawan iri-ge enabuwa kaso elem-nen yusu-o.

NDAWI ENGGA 119:132

Kat-nen ap kat kebem inndi kundugu woragwi nap enabuwa kaso nggal-et nden yaga yik neyaruk, nabuwa ki-o.

NDAWI ENGGA 145:8

Nagawan Indo iri-ge enabuwa yosolat, unpud kasolat, isilepma na ndag-et nak yoso buk, pempa enabuwa kaso-nen yusu-o.

NDAWI ENGGA 37:37

Konak nap, ondomok indi-net mot mot kwaroso nap iri na kwara lombot pi-o. Ap kona lambuk tak wolmomtak yebet kasu nab-e at-nen wigarak wolma-t nde,

NDAWI ENGGA 51:1

Mbal Pem Nagawan wa-e. Kar-e pem irit nabuwa yoso me, nabuwa ki-o. Kat-nen ap unpud kwarat kaso me, an-nen meya yidnag-e kamberam tak pi-o.

MBIRIGA WENE 34:6

Iri luk, Nagawan Indo Musa erare nggwe mborosolat-nen ene nggoksa yosolar-e: ”Nagawan Indo an-e nindi konak Mbal Pem Nagawan, ap unpud kaso elem-nen yusu-o. An-e ap unpud mondok kwarat kaso, mot mot nak yoso, ndag-et nisilepma yoso buk-nen yusu-o.

YESAYA 63:7

Nagawan Indo-nen enabuwa kaso wene-ge wigarimin-o. At-nen kwaroso oboksa bem an-e at erembel wanimin-o. At-nen-e at ilirak enabuwa mondok kwarat kasolat, at-nen enabuwa kaso elem-e mondok lak yoso buk iri bem-e imbiringgar-e kwarat at ilirak enpem mberak poso-o.

YESAYA 63:9

it-nen anggun panggun kagwi mende-ge at ebem mbij-o. Nde, Nagawan Indo-nen-e it yongga unduwaklug-e, ap ala na, aid nap ala na, mbi wirik inpigit lag-o. Ar-e enabuwa kwarat kasolat me, Nagawan Indo ondomok-net wisirik enpamu-o. Ar-e o nanduk ereba-net mondok ndegel onposolat woraso-t nde,

NDANIEL 9:9

Nir-e kat kimin wim mbarogola-t nde, kar-e nit nunpud karuk, nit meya yidnak kamberam tak nonposo-nen yusu-o.

YOEL 2:13

Kunsum ndela keya bili iri na-ge ndag-e lag-o. Are, niri nera-o luk yip min-et kinndi puru yurag-o” luk yij-o. Nden karuk Nagawan Indo Kenmbal Pem Nagawan eram lobok yer-o. At iri-ge mamak puruk worasolat, enabuwa kasolat, ndag-et nak isilepma yoso buk, indi konak unpud kaso-nen yusu-o. Ap meya yidnak emberam tak poso indingen, ndag-et nak enpem wene mbarurak isili-nen yusu-o.

YUNUS 4:2

Isilepma yosolat-nen tepan yosolar-e: ”Nagawan Indo wa-e. Nanduk an-e nama-nen lobok yigit lak ma-net yu nggal-et kwarugun-o luk yigi na-ge lag-a? Iri ala karuk-nen an-e nok Sepaniol nggwe mbereyekluk yigi nar-o! Kar-e Mbal Pem Nagawan ap enabuwa kaso elem, unpud kaso elem, mamak puruk worasolat, yemnak nak kwarosolat, meya rak unpurak yidnag-et nde, pempa kindi luruk posolat yoso Mbal Pem Nagawan kar-e an-e naru-o.

MIKA 7:18

Nagawan Indo wa-e. Mbal Pem Nagawan kat nggal misik mbi worasu bug-o. Kat-nen len inpigen kilirak minggirik keya inpidnak ereba na-nen meya kwarugwi-ge kamberam tak poso-o. Kat-nen-e abu abu kisilepma yoso bug-o. Alat nde, kat-nen unpud kaso-ge pok tak poso buk iri na mirik onposolat-nen kwaroso-o.

WONARIDNAK WENE 14:18

’An-e ndag-et nisilepma yoso bug-o. An-e pempa mondok kenabuwa kwarat kasolat, an nimin eyak wurugwi nap min meya kwarugwi min-nen meya yidnag-e namberam tak pimin-et nde, ineidtak-nen meya kwarugwi bem onggo posolar-e, it inlirak-nen ndaguwa kuri-nen ap tap mberen pem min ap tap kenan enpem min-et onmborak-nen kwaruwa onggo-ge pimin-o’ yigen iri nar-o.

MATIUS 10:22

An nunu bem ap oboksa-nen insili rak kunpuwa-t nde, momak puruk irit worasoma, woroksiyem wok ma nab-e imiri yuwa-o.

LUKAS 1:50

Nagawan Indo-nen at aye worak nap pidsa unpud kasolar-e, ap tap nanduk lud, abok lud irit unpud kaso-o.

LUKAS 11:10

Nde, nggi yuwa nab-e wog-et tuwa-o. Kore yuwa nab-e kujwa-o. Tu lel lel kujwa nab-e tu kuwarak ubuwa-o.

LUKAS 6:36

Kit kineid-nen ap inmin indi op yoso iri nggal-et kit-nen na kinndi ob-et wolmomtag-o” luk yij-o.

OROMA 2:4

Mbal Pem Nagawan-nen ap unpud kaso min indi yanggonak woraso min indi luruk puruk woraso min nggok iri-ge kir-e te rak pili-a? Kit meya yidnak keya buruk, kondok yuwakluk, ar-e kit kunpud kasu iri-ge kir-e kenaru buk yili-a?

EPESUS 1:6

Mbal Pem Nagawan-nen we wok ondoso elem abinal worak iri bem na, at Ambara abuwa worak iri na ebem—nen we wok nindid iri bem na at erembel wanuwog-o.

EPESUS 2:4

Alat nde, Mbal Pem Nagawan-nen ap unpud kaso elem iri mondok kwarat ala, ar-e nit nenabuwa mondok nggulog-et kaso me,

IBERANI 10:39

Nde, nir-e ninndi angin tubu yidnak keya bidnak pem lak tak nunpurak nab-e lag-o. Are, nit ninndi angin tubu yidnak pem ninmiri yidnak nap-nen yili-o.

IBERANI 3:14

Nir-e nanduk-net ebem ninndi mbung mbung tak pige wene na puksa tena irit worakmu, woroksiyem-nen-e nit pidsa-ge Kerisut arengge na at totno winde mul-o.

IBERANI 3:6

Alat nde, Mbal Pem Nagawan uwi na-ge at Ambara Kerisut inggem pidnak me, ar-e mot mot nak tena worasu-o. Nde, nir-e wog-et nunduwa-o luk ninndi embem min-et ninndi mbung mbung tak woragwi ala-ge, nir-e Mbal Pem Nagawan uwi-net yili-o.

YAKOBUS 1:12

At indi ngarosola-t nde, mamak puruk wolma nab-e imbiringgat-nen yusu-o. Nde, indi kayekluk indi ngaruwa-t nde, ombol nggwe yuwa nap iri-ge Mbal Pem Nagawan abuwa kagwi nap enmanggim unlug-et wolmomtak kid kud Mbal Pem Nagawan-nen urul paga pidnak irit wanuwa-o.

YAKOBUS 1:2

Nowe nowosi wa-e. Kit kinndi ngarurak mende nin tak nan tak iri kenpem mbosola-ge, nir-e imbiringgat tak nunpusu-o luk yebet kudtag-o.

1 PETERUS 1:13

Iri bem-e, kinndi enggengge bem puruk, kwil kwalsa woragolar-e, Yesus Kerisut abok lobok yosolat-nen we wok ondoso mende wok kunduwa na bem kinndi mbung mbung tak wolmer-o.

1 PETERUS 3:14

Alat nde, kir-e konak nak kwaridnak pem andi bandi kagub-et nde, kir-e imbiringgat-nen yili-o! Nde, kit-nen-e ap enaye kagolat, kinndi kabak yogolat yurak pug-o.

2 PETERUS 2:9

Iri bem-e, Mbal Pem Nagawan-nen kwaroso nggal kwarugwi nap na it enarem woraga pil nggogola-nen inmiri yurag-e Nagawan Indo aru-o. Nde, lud tak nak kwarugwi buk nap enpem wene mbarurak tarem andi bandi rak unpuwakluk len unpurak na Nagawan Indo-ge aru-o.