YAKOBUS 5:1 - Nanduk Ngget Tul Pidnak Wene

¹ Kenarengge worak nap wa-e. An-nen yak kundusu yu koler-o. Andi bandi mende kenpem mbuma na yebet karuk, yip togolat, tabun puruk wolmer-o.

YAKOBUS 5:1 ပူးပေါင်းရင်းမြစ်များ

YEREMIA 9:23

Nagawan Indo-nen yosolar-e: ”Ap enaru indi tenggerak-nen-e at indi nggat nggat worak iri na bem indi kek yurak pug-o. Amawi worak nap-nen-e amawi iri na bem indi kek yurak pug-o. Nde, insilobulo worak nap-nen-e insilobulo iri na bem indi kek yurak pug-o.

YOEL 1:11

Yabu wanugwi nap wa-e. Yip nggu lek ker-o! Nggandum mbato min jelai mbato min mbarurak mende oboksa min lak tak pidnak me, anggut yabu wanugwi nap wa-e. Yip ter-o!

YOEL 1:13

Kit tepan ombo Mbal Pem Nagawan amanggim wam wosa kan pugwi sa iri na me yabu wanugwi nap wa-e. Karung sum yutluk, yip ter-o. Mbal Pem Nagawan amanggim purak nggandum mbato min anggut engen min-e lak yidnak me, kir-e Mbal Pem Nagawan ama nggugupndik, yip tenak nak worakmu, o nda mag-o!

YOEL 1:5

Indi nden kaso yi nak nok tenak woragwi nap wa-e. Men mer-o! Anggut engen amburu ndonggosa nunggwi nap wa-e. Yip ter-o! Yip tugup iri-ge anggut engen amburu ngget mbilik kenemndam-nen mengga wanidnak iri bem yip tugub-o.

MIKA 6:12

Kit o silmu woragwi nap kinsilobulo worak-nen-e insilobulo lak nap lel inpili-o. Kit oboksa-net kennesiget yugwi nap nak-nen yili-o.

TUGURUK YIDNAK WENE 32:15

Iri kwarosola-ge, Nagawan Indo ilirag-e enarengge kwarat worak woragolar-et nde, eyak wurugwi irit woraiga-o. Ir-e nunggwi mende inmbitsa nonggolat enpe-ge nggok yiga-o. Iri yogolar-e, Inmiri Yoso Nap ndak wat inpid Nagawan Indo iri na-ge keya biga-o.

YAKOBUS 1:11

Mo kona pil wasolat-nen tusuwangge na terabet yosolar-e, isi na-ge lera mbosolar-e, umuruk na lak yoso-o. Iri nggal-et arengge worak nab-e arengge ndogorosoma ereya na-net lak ma-o.

YAKOBUS 2:6

Alat nde, kit-nen-e enarengge lak nab-e no yik kidnak nggal tak inpili-o. Nde, kit teberak konpogolat, kenpem wene mbarugwi sa lit keneyaruk mbitli nab-e enarengge worak nap-net kwat kinpili yu kali bug-a?

YAKOBUS 4:13

Kit-nen yogolar-e: ”Yawo ala na, kup ala na, nir-e o siri misik me mburulndik, olengen misik iri me woragolar-e, nenarengge wene wutluk, uwang lesa wanogolat wulmul-o” yili-t nde, an yak kindimin yu kwara koler-o.

YAKOBUS 4:9

Kir-e niri nera-o luk, kinndi puru yogolat, yip ter-o. Nda tugwi na keya buruk, yip togolat, kenalin kenalen woragwi na keya buruk, kinndi puru yogolat mer-o.