YAKOBUS 4:8 - Nanduk Ngget Tul Pidnak Wene

⁸ Kit-nen-e Mbal Pem Nagawan eram panggosa mborogola-ge, at-nen-e kit kendam panggosa lobok yuwa-o. Meya yugwi nap wa-e. Kininggi marer-o. Kinndi mberen nap wa-e. Kinndi mbek tak per-o.

YAKOBUS 4:8 ပူးပေါင်းရင်းမြစ်များ

NDAK WIRIDNAK WENE 18:23

Worala-ge, Abarakam na Nagawan Indo eram panggosa mborosolat-nen kin wanosolar-e: ”Lud tak kwarugwi nab-e lud tak kwarugwi buk nap inmin lambuksa lak tak unpugun-a?

NDAWI ENGGA 119:113

An-e kat-nen idnak imiri mbarak pidnak wene-ge mondok nindi kundik irit worasu-o. Nde, ap mondok kat-nen yidnak yidnak kwarugwi buk nab-e nisili rak unpusu-o.

NDAWI ENGGA 145:18

At iri-ge ap-nen at eram wene mbo bogolat, ndemeret inndi-net at ebem nggi yogolat kwatli nap endam woraso-o.

NDAWI ENGGA 24:4

Ap indi-nen na meya yebet kaso buk min ebe-nen na meya kwaroso buk nap min enesiget owak mbaroso buk nap min kugwiwak erembel wanoso buk nap min

NDAWI ENGGA 51:10

Mbal Pem Nagawan wa-e. Kat-nen an nindi-ge ngget kopkap lak irit kwasa keya nibi-o. An nindi-ge kundik woraso elem iri na bem-nen ngget tak irit nibi-o.

NDAWI ENGGA 73:13

Wewesa an-e nindi kik lumu ma naru yik karok worasu kagi-a! No manggim-nen meya nebem ma naru inggi mbal tenak worasu-o?

NDAWI ENGGA 73:28

Alat nde, an perak nde Mbal Pem Nagawan eram wolmomtag-e mondok konak lombog-o. Nagawan Indo Mbal Pem Nagawan-e an-nen-e an kurak yoso nondoro rak pusu-o. Iri kwarusu iri-ge at-nen kwaroso wene-ge an-nen wigareyekluk-nen kwarusu-o.

YESAYA 58:2

It iri-ge pempa an nerembel wanogolat, an nindi-n pidnak enaru yogolat worali-t nde, iri nggal kwarogolar-e, an-nen idnak imiri mbarak pidnak wene iri na ndak ndak kwarugwi nggal kwatli-o. Iri nggal kwarogolat-nen it-nen yogolar-e: ’Kat-nen idnak imiri mbarak pidnak wene mot mot iri nak wok nindi-o. Nde, nir-e kat kerembel wanugwi iri-ge nindingen-o’ luk yili-o” luk yij-o.

YESKIEL 18:31

Kit-nen meya kwarogolat woragwi iri keya buruk, kit kinndi min kit-nen yebet kagwi min ngget tak puruk wolmer-o. Noluk-nen kir-e wat yurak tula kore yili-o?

MALEAKI 3:7

Kir-e nanduk konmborak-nen kwariga ereba na nggal-et an-nen imiri mbarak pidnak wene-ge keya buruk, lugud tak nggwe mborogolar-e, an-nen ’Irit kwarurag-o’ luk yidnak wene-ge tugup lak kwat tenak worali bug-o. Iri ala-ge, tuguruk an neram lobok yer-o. Iri yogola-ge, an na tuguruk kit kendam lobok yimin-o. Alat nde, kit-nen kin wanogolar-e: ’Nit tuguruk keram lobok yuwoklug-e, ngge kwarul-o?’ luk yili-o.

MATIUS 12:33

”Kit-nen nde e konag-o luk yogola-ge, engen iri na konag-er-o. Nde, e nde meya-o luk yogola-ge, engen iri na meyar-o. E engen poso bem-nen yenggerak kagwi-o.

MATIUS 15:2

”Kat kowosirak ereba-ge noluk-nen nit nenlawingga-nen kwarugwi na kuruk togolar-e, ininggi marigit lak-nen mburu nili-o” luk yiga-o.

MATIUS 27:24

Iri yogola karuk, Pilatus-nen yik kasolar-e, wene yurag-e meya ala karuk, nde it nari wari mburak ala karuk, at-nen-e yi waga ap kwarat ereba na inmbiri bem at inggi yi marosolat-nen yosolar-e: ”Ap yu na eyabi-ge an nebem-e lag-o. Kit kenpem-o” luk yak indij-o.

YIDNAK YIDNAK WENE 15:9

Mbal Pem Nagawan-nen-e it min nit min neneyasolar-e, arik tak nggal-e mondok lag-o. It inndi angin tubu yidnak pem-et it inndi mbek tak inpidj-o.

2 KORINTUS 7:1

Nanggamirak kenabuwa worak wa-e. Urul pidnak wene oboksa-ge nit-nen idnak me, nit na nit-net nondomok marak nap yogolar-e, nenpe min ninndi min kik tak nunpurak mende iri marak puruk, Mbal Pem Nagawan indi aye min woragolar-e, mondok marak iminep mbarak irit wolmog-o.

1 TIMOTIUS 2:8

Ap-nen tepan nin me nan me-nen yogolar-e, insilepma na lak, yuk puk na lak woragolat, ininggi marak irit ligik puruk-nen tepan yurak iri-ge an nindingen-o.

IBERANI 10:22

Iri bem-e, nit-nen Mbal Pem Nagawan eram panggosa mborogolar-e, ninndi mot mot tak puruk, ninndi ndemeret kwara angin tubu luk, meya yebet kagwi na mbek tak ninpidnak pem-net, kop kap lak yi bem nenpe mat ninpidnak pem-net panggosa mburuwog-o.

IBERANI 7:19

Nde, Musa-nen imiri mbarak pidnak wene iri-nen-e yi mende ndi mende mbi iminep mbarak purag-e mondok meya-o. Alat nde, yawo-ge nit Mbal Pem Nagawan eram panggo rak nunpurak ebem ninndi mbung mbung tak wolmomtak mondok konak mbi nam tak pij-o.

YAKOBUS 1:8

Nde, indi mberen worak nab-e indi yamuksa worasu bug-o.

YAKOBUS 3:17

Alat nde, aid arem-nen mbuwaidnak inndi nggat nggat elem-e yu nggal-o: Nandug-er-e mbek tag-et woraso, iri-nen-e lambuk tak onposo, yanggonak nak woraso, yidnak yidnak nak kwaroso, enabuwa nak kaso, konak mende nak kwarak poso-nen yusu-o. Inndi nggat nggat elem iri-ge ap entare lombonoso buk, indi-net nde enesiget siget yoso buk-nen yusu-o.

1 PETERUS 1:22

Kir-e Mbal Pem Nagawan-nen yidnak yidnak nak kwarogolar-e, kit na kit-net mat koragolar-e, Kerisut ebem inndi angin tubu yidnak nap ndemeret enabuwa kali-o. Nde, kinndi min-net nabuwa kabuwa yogolat wolmer-o.

1 PETERUS 3:21

Nde, yi lagaid iri-ge yawo yi ma konpogola kinmiri yusu iri ut mimirik-nen yusu-o. Yi ma kinpili yu-ge kenaboro kusimin mat makluk-nen yi ma kinpili-ge lag-o. Are, kinndi konak mbek tak pem Mbal Pem Nagawan imin kondogolat urul yak tigep iri bem-nen kinmiri yusu iri-ge Yesus Kerisut uruk agaid na bem-net kinmiri yusu-o.

1 YOANES 3:3

Iri kwat mul-o luk, iri bem indi mbung mbung tak worasu nab-e Kerisut na mbek tag-et woraso nggal, ap iri na at na at-net mbek tag-et wolmomtag-o.

1 SEMUEL 14:35

Iri rak purug-e, Saul-nen Nagawan Indo amanggim wam wosa kan purak ondoro misik konij-o. Nde, iri-ge mondok Saul-nen anggul-et Nagawan Indo amanggim wosa kan purak ondoro konij-e irir-o.