YAKOBUS 4:10 - Nanduk Ngget Tul Pidnak Wene

¹⁰ Kit na kit-net Nagawan Indo eram kinndi tebe yogola-ge, at-nen-e kek tak kunpuwa-o.

YAKOBUS 4:10 ပူးပေါင်းရင်းမြစ်များ

AYUP 5:11

Mbal Pem Nagawan-e ap labok tak iri na-ge kek tak onposolat, inndi puru bera woragwi nab-e enalen worak tak onposolat kwaroso-nen yusu-o.

NDAWI ENGGA 113:7

Insilobulo lak nab-e o liri arem-nen mendak onposolat, enlengenma lak nab-e mabe arem-nen mendak onposolar-e,

NDAWI ENGGA 27:6

Nde, yawo-ge an nuwim nap neralu ponok ponok worali urugwe nggwe rak unpuruk, ombol nggwe-t yusu-o. An-e nalin nalen min-et kat kama iri me wa yak korosolat kat kamanggim wam wosa kan pusu-o. An-e Nagawan Indo erembel wanosolat ndawi yimin-o.

MBIRIGA WENE 10:3

Yosoloma, Musa min Arun min-e Pirayon eram mbirigarik-nen yak togolar-e: ”Iberani nap Enmbal Pem Nagawan, Nagawan Indo-nen yosolar-e: ’Mepme tarem nggal-nen kar-e an neram tebe yugun-o? An nelem nap iri-ge an nerembel wil mburuwak-nen lerak inpi-o.

MATIUS 23:12

Nde, at ondomok-net kek yusu nab-e teberak puwa irir-o. Nde, at ondomok-net tebe yusu nab-e kek tak puwa irir-o” luk yij-o.

LUKAS 1:52

nagawan kek tak woragwi na lak tak onposolat, teberak woragwi nap na kek tak onposolat,

LUKAS 14:11

Nde, ap-nen at ondomok kek yuwa nab-e teberak ubuwa-o. Nde, at ondomok indi tebe yuwa nab-e kek tak ubuwa-o” luk yij-o.

LUKAS 18:14

Iri luk, Yesus-nen it yak ondosolar-e: ”An yak kendeyeg-o. It na mborogolar-e, at Parisi nap iri-ge lag-o. Are, pemerinta enmanggim tol ndok woroso nap iri na nde Mbal Pem Nagawan-nen lud tak obosola, ama mbirij-o. Iri kwarid iri-ge ap-nen nde inndi kek yuwa nab-e teberak unpuwa-o. Nde, ap-nen nde inndi tebe yuwa nab-e, kek tak unpuwa-o” luk yij-o.

1 PETERUS 5:6

Iri bem-e, at indi-n pidnak tarem wok yosolar-e, Mbal Pem Nagawan-nen kek tak kunpuwaklug-e, kir-e amawi winde Mbal Pem Nagawan inggiyapma kit kondomok kinndi tebe luk wolmer-o.

1 SEMUEL 2:7

Ap ereb-e Nagawan Indo-net insilobulo lak ndak worak onposolat, nde, ap ereb-e insilobulo worak ndak wat onposolat kwaroso-o. Nde, ap ereb-e teberak onposolat, nde, ap ereb-e kek tak onposolat kwaroso-o.

1 SEMUEL 2:9

Nde, tugup lak woragwi nab-e Nagawan Indo arem yamuksa worali-o. Alat nde meya yugwi nab-e ndamuk arem yabera lak yili-o. Nggweyakma nap ondomok enmawi bem-nen-e ombol nggwe-ge yugwi bug-o.