YAKOBUS 3:9 - Nanduk Ngget Tul Pidnak Wene

⁹ Nit nenma yu bem-nen Nineid Nagawan Indo erembel wanogolar-et nde, nenma yu bem-net Mbal Pem Nagawan at ut mimirik ndak wat inpidnak nap na inmbiri lamut tak inpili-o.

YAKOBUS 3:9 ပူးပေါင်းရင်းမြစ်များ

NDAK WIRIDNAK WENE 5:1

Aram-nen wigarak wonarag-e yu-o. (Mbal Pem Nagawan-nen nandug-et ap ndak worak inpid iri na-ge at Mbal Pem Nagawan ondomok abage ndak worag-e ndak wat enpamu-o.

NDAK WIRIDNAK WENE 9:6

Nde, ab-e an nebage worak, an nggal-et ndak ndag-et ndak wiridnak me, ta-nen nde ap worosola-ge, ap erep-nen-e at na wuruwar-o.

2 SEMUEL 16:5

Nde, Ndaut iri na o Mbaurim wok yosola-ge, o iri me woraso nap misig-e Nagawan Ndaut-nen ap anggul tak puruk lobok yusu iri na endam panggosa lobok yosolar-e, Ndaut iri na imbiri lamut tak ibil ibil lobok yij-o. Nde, ap iri unu-ge Simei, ap Nggera ambara-o. Ap iri-ge Saul owe owor-er-o.

2 SEMUEL 19:21

Iri yosola kulurug-e, Seruya ambara Abisai-nen yosolar-e: ”Simei yu-ge Nagawan Indo-nen lenak pidnak nagawan iri na imbiri lamut tak pidnak me, mondok wururag-o” luk yij-o.

NDAWI ENGGA 145:1

Nembal Pem Nagawan min an-nen idnak nagawan min wa-e. An-e kat nak kek tak kobosolat, kat nak kerembel wanosolat pem irit woramin-o.

NDAWI ENGGA 145:21

An-e pempa Nagawan Indo nak erembel wanosolat woramin-o. at-nen ndak worak pidnak mende oboksa-nen Nagawan Indo nak erembel wanogolat pem irit wolmag-o.

NDAWI ENGGA 16:9

Iri bem-e, nindi alen kasolat, nalen-nen nene nggok yosolat, nebe na yamuksa kona worasu-o.

NDAWI ENGGA 34:1

An-e pempa ”Nagawan Indo nak wiwa-o” luk yak tosolat woramin-o. Pempa kundugu at nak erembel wanosolat woramin-o.

NDAWI ENGGA 51:14

Nimiri yoso Mbal Pem Nagawan wa-e. Wat yugwi elem inggiyapma-nen mengga keya nibi-o. Iri yugunmu, an-e nalen min-et kat-nen mot mot kwaroso wene-ge wigarimin-o.

NDAWI ENGGA 63:4

An-e pem irit woralar-e, kat nak wiwa-o yak korosolat woramin-o. An tepan yosolar-e, ninggi leksa kat kambigit nggwe ndimirik puruk, tepan yimin-o.

MATIUS 26:74

Yak togolikma-ge, Peterus na-nen-e: ”Ap iri-ge an-e mondok naru bug-o” luk owak mbarosoma ereya na-net towe wam kusi ene yij-o.

MATIUS 5:44

Alat nde, an-nen yak kendeyeg-o: Kit kinmin sirid nap iri-ge enabuwa ker-o. Nde, kit lel mberel kunpugwi nap iri enmanggim na tepan yer-o.

YIDNAK YIDNAK WENE 2:26

Iri bem-e an nindi-nen na alen kasolat, nemende nggwe-nen na kijik kijak kasolat yusu-o. Nebe-nen an nindi ebem mbung mbung tak puruk woraso iri na ebem yamuksa worasu-o.

OROMA 3:14

It enemende-ge imbiri lamut tak onposo ngari worak wene-nen kobong tak worasu-o.

1 KORINTUS 11:7

Ab-e Mbal Pem Nagawan ut mimirik nde, Mbal Pem Nagawan unu kek tak pugwi mende-nen yusu me, enanggulmbij-e purak pug-o. Alat nde, kwami-ge ap unu kek tak pugwi mende-nen yusu-o.

EPESUS 1:3

Nenagawan Indo Yesus Kerisut eid Mbal Pem Nagawan erembel wanuwog-o. Nir-e Kerisut ebem-nen Mbal Pem Nagawan-nen aid arem woraso we wok nundurak mende oboksa-ge wok nindij-o.

YAKOBUS 1:27

Mbal Pem Nagawan erengen pem at erembel wanugwi ndemeret iminep mbarak, marak nak wolmomtag-e yu-o: li mul min kweyap togwe min anggun panggun woragola-ge, yongga ondogolat; iri-nen na nggweyak ma yu-nen meya rak unpuwa naru, it na it-nen kwil kwalsa wolmomtag-o.

YAKOBUS 3:10

Nenemnde misiget nggwe nak-net nde, imbiringgat wene mborosolat, imbiri lamut wene mborosolat yoso-o. Nanggamirak wa-e. Iri nggal kwarurag-e mondok meya-o.

1 PETERUS 1:3

Nenagawan Indo Yesus Kerisut Eid Mbal Pem Nagawan irit wa yak tuwog-o. Nit nunpud kwarat kaso me, nit na ngget mende rak nenpeyekluk Yesus Kerisut iri-ge wat yidnak nap ennggendumu-nen uruk tak pij-o. Iri bem-e, nir-e woralik nalik wulmul-o luk ninndi mbung mbung tak worali-o.