YAKOBUS 3:4 - Nanduk Ngget Tul Pidnak Wene

⁴ E koma na irit kinndi yebet ker-o. E koma nggulok pare-t nde, obube amawi-nen wat kaidnag-et nde, mot tak poso abi marik komosa iri na perel kaidnak nggal-e e koma ombo na indi-n pidnak nggwe-t mboroso-o.

YAKOBUS 3:4 ပူးပေါင်းရင်းမြစ်များ

YUNUS 1:4

Yunus iri na-ge koma arem ena iri me mbarik, mbiring luk, mondok nggaruksa nene yij-o. Nene yosola-ge, Nagawan Indo-nen obube-ge yi koma iri na bem pil lobok yij-o. Iri yosola-ge, kwe kemereya nggok irit puk kasolar-e, yi koma-nen koma iri na lel kasolar-e, koma iri na-ge ndamereyekluk yij-o. Iri yosola, koma waruk nugwi nap ereba na-nen-e kwiye kwarat yogolar-e, it enambiktak lombok it-nen erembel wanugwi enmbal pem nagawan ereba na-nen yongga unduwakluk, enne nggoksa emengen mbariga-o. Nde, yi ma yubuk mul naru, koma iri na angin lak tak pogolar-e, waruk mbitli silobulo ereba na-ge yi koma arem mberak pogolat kwariga-o.

MATIUS 11:27

An Neid-nen-e yi mende ndi mende oboksa-ge an ninggem-et pij-o. Eid arig-et nak-nen Ambara aru yusu-o. Nde, Ambara an-nen na irit, Ambara an-nen: ’Neid iri enaru mag-o’ luk eberamin nap-nen na irit, Eid na enaru yili-o.

MATIUS 8:24

Nggwigarik mburukmu, mimo ereya na-net obube kwarat yi koma iri na puk kasolar-e, yi nggweyerep nggweyerep lobok yosolar-e, e koma na arem-e yi-nen yebet yij-o. Alat nde, Yesus na-ge komo nene yij-o.

YIDNAK YIDNAK WENE 27:11

Alat nde, san winde wari na-nen-e Paulus-nen yidnak wene te rak puruk, e koma waruk mboroso nap na min e koma ombo min enpem nde indi angin tubu yij-o.

YAKOBUS 3:3

Nit ninndi-n pidnak nggwe nak mburuwakluk posid abare mbarak iri kura wam emendam pidnak kere iri na lit kagolar-e, kura wam ebe ebis-et tena worali-o.

YAKOBUS 3:5

Iri nggal-et ap enma-ge marik komosa-t nde, wene yok nggok pem at-net at kek yoso-o. Kanduk marig-et-nen pago pidnag-et nde, o wal nggulok terak kani naso iri ker-o!