YAKOBUS 3:18 - Nanduk Ngget Tul Pidnak Wene

¹⁸ Lud tak nak kwarugwi iri-ge yamuksa wolmomtak nak inndi peragwi nap iri-nen yamuksa woragwi uwi pil kaidnak iri engen pidnak-nen yusu-o.

YAKOBUS 3:18 ပူးပေါင်းရင်းမြစ်များ

AMOS 6:12

Kerep mborok nggwe-ge kura wam-e pong kaso-a? Ap-nen-e nggweyak yalugwi mende sapi wam pem parik puruk yi koma-ge yalugwi-a? Lak irir-o. Alat nde, kir-e mot mot nak kwarugwi elem iri na-ge nden yaga ap lak tak unpurak ninggis mende nde kwarak pogolat, ndemeret lud tak kwarugwi iri na-ge lugud tak kwarugwi rak pigeb-o.

MATIUS 5:9

Nde, lambuk tak unpugwi wene ndamili nab-e Mbal Pem Nagawan-nen it inmin-e ’An nilirag-o’ luk yuwa me, enalen kali-o.

YOANES 4:36

Nde, mburu ndagoso nap-nen-e onggo wanosolar-e, unlug-et woralik nalik momtak amanggim ndok woroso-o. Iri bem-e, yagoso nap min ndagoso nap min-e enmbereg-et enalen worak wolma-o.

NGGALATIA 6:8

Ta-nen nde at-nen ukwe ukwe yoso mende bem uwi yaguwarig-e, piri momtak mende engen irit mbaruwa-o. Alat nde, ta-nen nde Konak Indi bem-et uwi yaguwa nab-e, Konak Indi ebem-nen engen-e unluk woralik nalik momtak irit mbaruwa-o.

PILIPI 1:11

Nde, Yesus Kerisut ebem-nen lud tak nak kwarugwi engen kwarat pidnak kit kenarem kobongsa wolma iri-ge Mbal Pem Nagawan unu kek tak pogolat, at erembel wanogolat makluk-nen wolma-o.

IBERANI 12:11

Nit ninndi wanuwakluk nondogola-ge, nindidnak tarem ereya na-net ninndi alen tak poso bug-o. Ninndi puru yugwi-t nde, abok-nen-e nindidnak iri-nen ndowaga Mbal Pem Nagawan indi-n pidnak nak kwarogolat, ninndi yamuksa woragwi-o.

YAKOBUS 1:20

Ap-nen insilepma yili iri-ge Mbal Pem Nagawan alen tak purak konak mbi kwatli-ge lag-o.