YAKOBUS 3:17 - Nanduk Ngget Tul Pidnak Wene

¹⁷ Alat nde, aid arem-nen mbuwaidnak inndi nggat nggat elem-e yu nggal-o: Nandug-er-e mbek tag-et woraso, iri-nen-e lambuk tak onposo, yanggonak nak woraso, yidnak yidnak nak kwaroso, enabuwa nak kaso, konak mende nak kwarak poso-nen yusu-o. Inndi nggat nggat elem iri-ge ap entare lombonoso buk, indi-net nde enesiget siget yoso buk-nen yusu-o.

YAKOBUS 3:17 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 3:12

kat-nen nggi yigen iri-ge kwar-et kibimin-o. Iri kwat kobosolar-e, kar-e mondok terak mena kindi nggat nggat worak tak kibimin-o. Ap erep kat ndet yigit lak ma-nen enaru yugwi mende enaru yiga min abok-nen enaru yugwi mende enaru yuwa min ereba-ge teberak nggal-et nde, kar-e enaru yugwi mende-ge terak minik irit karu rak pimin-o.

1 NAGAWAN NAGAWAN-NEN KWARIDNAK WENE 3:28

Isarael nap-nen kuliganggal-e, Salomo-nen wene iri kwara konidnak kulurug-e, Mbal Pem Nagawan-nen nam-et nak mot mot kwarurak indi nggat nggat elem wok tidnak ala karuk, it pidsa-nen-e wir-o luk at nak kek tak ibiga-o.

1 NAGAWAN NAGAWAN-NEN KWARIDNAK WENE 3:9

Iri bem-e, Nagawan Indo wa-e. An-nen kat kilirak yu mot mor-et tena unpuruk woralat, konak min meya min weyarosolat worayek-nen kindi nggat nggat elem wok niri-o. Kindi nggat nggat elem nde wok nirigit lak-nen-e nggesa-nen kat kilirak kwarat yu nggal-e tena unpuruk woramin-o?” luk yij-o.

YESAYA 2:4

At-nen-e ap enlem oboksa ennggendumu enpem wene mbenarosolat, ap enne lombok ennggendumu wene nggaruksa mbarosolat kwaruwa-o. Nde, wim pugwi eneyalawi-ge nden kaga yabu wanugwi kagweyap tak puwa-o. Nde, it wim pugwi posid wuru-ge kabo tusuangge mbarugwi rak puwa-o. Ap enlem erep-nen-e ap enlem erep inmin wim puwa bug-o. Iri-nen wim nggurak pem lid lud tak puwa bug-o.

YESAYA 32:6

Ap wid-nen-e indi lak wene nak wirik posolat, meya kwarurak nag-et yebet kaso-o. Nde, ap-nen kwaroso min at-nen yoso min ereba-ge Mbal Pem Nagawan nggweyel uburak mende nag-et yoso-o. Ar-e ap nere woragola na mak ondoso buk, ap yi nere woragola na yi mak ondoso buk-nen yusu-o.

YESAYA 40:11

Ar-e wam yik karok woragwi nap-nen kwarugwi nggal wam kwarat ereba na kwara ndogorosolat, at ondomok-net ndak wat unpuwa-o. Lomba amarik ereba na-ge aringmu rak puruk, ija-ge yanggosa-t kona suluk mburuwa-o.

NDANIEL 1:17

Nde, Mbal Pem Nagawan-nen ap sujwe empat ereya na wok ondosolar-e, inndi nggat nggat elem min enaru yugwi elem min irit wok endamu, yi mende ndi mende elem pidsa kwara enaru yiga-o. Nde, erep Ndaniel wok tosolar-e, nabi bem nggal yik kagwi elem min nabi kaidnak iri ebe-ge iri nggal-o luk para yurak elem min irit wok tij-o.

MALEAKI 2:9

Kir-e an nindi-nen pidnak ndak ndak kwarigit lak yogolat, kit-nen an nilirak Isarael nap mul ondogolar-e, ap len len kwatli iri bem-e an-nen Isarael nap enarem yabu wanosola, Isarael nap-nen-e kir-e enlengenma nggal tak kunpuwa-o” luk yij-o.

MALEAKI 3:3

Nde, at lobok yuwa iri-ge perak kopkap masa perak nak lena keya bugwi nggal, ap enpem wene mbenarurak pem lobok yuwa-o. Posid tol konoso nap-nen emas min perak min ebe nak lena keya boso nggal-et, Nagawan Indo-nen pil lobok yuwa nap iri na-nen-e tepan ombo ereba na-nen Nagawan Indo amanggim wam wosa pogolar-e, Nagawan Indo indi-nen pidnak ndak ndag-et at amanggim puwakluk, Nagawan Indo-nen ibil lobok yuwa nap iri na-nen-e tepan ombo mat unpuwa-o.

MATIUS 23:28

Kit na iri nggal-et worali-o. Ap-nen yik keneyagolar-e, konmbol nggwe-ge lud tak nak kwarugwi nggal yik keneyali-t nde, kinndi arem-e kenesiget siget kwarugwi nde meya nak kwarugwi nde mondok kobong tak worasu-o.”

MATIUS 5:8

Nde, inndi marak kopkap lak worali nab-e it-nen Mbal Pem Nagawan kujwa me, enalen kali-o.

MATIUS 5:9

Nde, lambuk tak unpugwi wene ndamili nab-e Mbal Pem Nagawan-nen it inmin-e ’An nilirag-o’ luk yuwa me, enalen kali-o.

LUKAS 21:15

An-nen wene mot mot yobokluk kinndi nggat nggat lem wok kundumu me, kit kunuwim nap ap misiget ter-o luk-nen wene yugup na tarogolat, wene eyak wururag-e meya ma-o.

LUKAS 6:36

Kit kineid-nen ap inmin indi op yoso iri nggal-et kit-nen na kinndi ob-et wolmomtag-o” luk yij-o.

YOANES 1:14

Nde, Wene iri na-ge ki nap enaboro worak luk, nit nennggendumu yu me woragaij-o. Nit ninmin worala, at kek tak irit kaige-o. At kek tak woraso iri-ge Eid Mbal Pem Nagawan ambara misiget nderak irit wok tidnag-o. At ebem-net nir-e Mbal Pem Nagawan min nit nunpud kaso min iri-ge kaige-o.

YOANES 1:47

Nde, Natanael na Yesus eram lobok yosola karuk, Yesus-nen at imin yosolar-e: ”Ndemeret Isarael nap yu nde ker-o! At arem-e enesiget wene na yoso bug-o!” luk yij-o.

YIDNAK YIDNAK WENE 11:24

At Mbaranabas iri-ge konak nap, nde, Konak Indi-ge arem kobong tak pidnak nap, nde, Yesus ebem indi angin tuburak woraso me, ap kwarat Nagawan Indo eram lesa inpil mborosolat woragaij-o.

YIDNAK YIDNAK WENE 9:36

O Yope-nen Yesus ene wanoso kwe unu-ge Tabita irit woragaij-o. At unu-ge Yunani wene bem yogolar-e, Ndorokas-o. Nde, kwe iri-ge konak nak kwarosolat, isilobulo na we irit wok ondosolat woraso-o.

OROMA 12:18

Nde, kit-nen-e ap oboksa inmin lambuk tak nak wolmomtak iri nak peragolat wolmer-o.

OROMA 12:9

Ap enabuwa kagolar-e, ndemeret kinndi min-et enabuwa kudtag-o. Meya mende kinsili rak puruk, konak mende iri nak tena wolmomtag-o.

OROMA 15:14

Nowe nowosi wa-e. Kir-e konak kwarurak nak peragolat, enaru yugwi mende pidsa kenaru yogolat, kit na kit-net nggomo wat kerak mburag-e ndak worali-o luk an-e mondok kenperasu-o.

1 KORINTUS 12:8

Konak Indi-nen-e ap misik wok tosolar-e, indi nggat nggat pem wene yoso iri wok tosolat, nde, Konak Indi misiget iri na-net nin nap wok tosolar-e, indi tenggerak pem wene yoso wok tosolat yusu-o.

2 KORINTUS 10:1

Paulus an-net yanggonak pem-et nggomo kundusu-o. Kinmbiri bem-nen-e namawi min nggomo kondoso bug-o luk nobok pili-t nde, erepma woralat-nen-e kwiye lag-et yak kondoso an-e Kerisut yemnak indi luruk puruk woraso bem-net wene yu yak kundusu-o.

2 KORINTUS 6:6

Nit-nen kwarugwi-ge yu nggal-o: Ninndi mbek tak pem na, nenaru yidnak pem na, ninndi mamak puruk woragwi bem na, ninndi lubug-et kwarugwi bem na, Konak Indi nit nenarem worasu bem na, ndemeret ap enabuwa kagwi bem na,

2 KORINTUS 7:11

Nde, Mbal Pem Nagawan indi-n pidnak pem-nen kit kinndi puru bera yidnak iri-nen kit kenarem engen kwarat pid iri ker-o: Kir-e kondomok kenlat mbarogolat, kinsili-nen kinsilepma yogolat, kwiye yogolat, kenmawi kondogolat, ap-nen meya yidnak pem angin worak mende enpem purak kinndi yogolat yili irir-o. Iri kwarogolat-nen-e, wene iri oboksa bem-e kit-nen meya mbi kwatli buk irit yak nindili-o.

2 KORINTUS 9:10

Nde, uwi pil kaso nap amanggim uwi wok toso nap, mburu nujwakluk mak ondoso nap Mbal Pem Nagawan at na-nen-e kit-nen pil kudtak uwi pidsa na wok kunduwa-o. Iri luk, uwi iri pilanosolar-e, kit kinndi lubug-et pidnak pem-nen at-nen na engen utlud kwarat tak kunpuwa-o.

EPESUS 5:9

Yaya iri-nen engen utlud posolar-e, konak nak kwarugwi elem min lud tak nak woragwi elem min ndemeret wene min irit pusu-o.

PILIPI 1:11

Nde, Yesus Kerisut ebem-nen lud tak nak kwarugwi engen kwarat pidnak kit kenarem kobongsa wolma iri-ge Mbal Pem Nagawan unu kek tak pogolat, at erembel wanogolat makluk-nen wolma-o.

PILIPI 4:8

Nowe nowosi wa-e. Worok tak posolar-e, wene yu yak kendeyeg-o. Kit kinndi-nen yebet kagolar-e, lud tak kwarugwi min entembel wanugwi min mot mot nak kwarugwi min marak nak woragwi min konak mende min konak kulugwi mende min oboksa iri-ge kinndi konak tak purak mende worasola na, kek tak unpurak mende worasola na, iri mende oboksa bem nak kinndi-nen yebet kagolat wolmer-o.

KOLOSE 1:10

Iri rak konposola-ge, Nagawan Indo erengen pem kir-e ndak ndak yogolat, yi mende ndi mende bem at alen tak ubugub-o. Nde, kit-nen yi kwatlik ndi kwatlik kwarogolar-e, engen-e konak nak pogolat woragub-o. Nde, Mbal Pem Nagawan kenaru yogolat na, kwarat kenaru yuwa-o.

1 TESALONIKA 2:7

Alat nde, nir-e kinmin woragolar-e, iniyarak-nen inlirag-e yanggonak nak enparugu woragwi nggal, nir-e iri nggal-et kit kinmin-e ninndi yanggonak irit woraige-o.

1 TIMOTIUS 5:21

Mbal Pem Nagawan min Kerisut Yesus min lenak inpidnak aid nap min inmbiri bem-et wene yu-ge nene amawi min-et yak kurusu-o. Mirik kubusu wene yu nak kat-nen kwarosolar-e, ap misig-e kindingen tak puruk, op tak posolat, nde, ap misig-e kisili rak puruk, meya rak posolat yurak pug-o. Are, mot mot nak kwarosolat wolmin-o.

2 TIMOTIUS 2:24

Nagawan Indo ndegel poso nap-nen-e ngguno purag-e meya-o. Ap pidsa inmin-e yeget ndeget yosolat, ap mul ondoso aru nap yosolat, mamak poso nap yosolat,

TITUS 1:15

Marak nap enmanggim-e pidsa marak nak worasu-o. Alat nde, meya kwarugwi nap min inndi angin tubu yugwi buk nap min-e it inndi min yebet kagwi indi min kop kap tobok tak-nen yusu me, it enmanggim-e siyag-et ter-o luk marak worasu-ge lag-o.

TITUS 3:2

Ap onpok purak pug-o. Yuk puk na mburak pug-o. Are, yanggonak konak nak woragolar-e, ap pidsa inmin-e pempa nanggau kanggau wolmer-o” luk yak indi-o.

IBERANI 12:11

Nit ninndi wanuwakluk nondogola-ge, nindidnak tarem ereya na-net ninndi alen tak poso bug-o. Ninndi puru yugwi-t nde, abok-nen-e nindidnak iri-nen ndowaga Mbal Pem Nagawan indi-n pidnak nak kwarogolat, ninndi yamuksa woragwi-o.

IBERANI 12:14

Ap pidsa inmin kundik wolmomtak pem kenmawi konder-o. Nde, mbek tak worabokluk na kenmawi yer-o. Mbek tak woragwi buk nab-e ap misiget ter-o luk Nagawan Indo kujwa bug-o.

YAKOBUS 1:17

We wok ondoso mende konak iminep mbarak oboksa iri-ge teram nggwe-nen mberak pil mbuwasu iri-ge aid arem worasu yaya elem ndak worak pidnak Mbal Pem Nagawan-nen pil mbuwaso-o. Nin yoso buk Mbal Pem Nagawan-e nden karuk, lumurak nonposo buk-nen yusu-o.

YAKOBUS 1:5

Ap mbi kit kennggendumu indi tenggerak elem wanigit lak worala-ge, indi nggat nggat elem na wok tuwakluk Mbal Pem Nagawan ebem nggi yurag-o. Nggi yosola-ge, Mbal Pem Nagawan-nen enabuwa karuk, indi konag-et ap pidsa we wok ondoso me, wok tuwa-o.

YAKOBUS 2:13

Ap enabuwa kagwi buk nap enpem wene mbarosolar-e, enabuwa lag-et enpem wene mbaruwa-o. Alat nde, ap enabuwa kagwi nab-e nenpem wene mbaruwa-o luk unmud kudtak pug-o.

YAKOBUS 2:4

iri nggal kwarogolar-e, kit na kit nab-et nde, enpage lombonogolar-e, kinndi-nen meya yebet kagwi bem-nen ap enpem wene mbatli-a?

YAKOBUS 3:15

Inndi nggat nggat elem iri nggal iri-ge aid arem-nen mbuwaidnag-e lag-o. Are, nggweyak ma mende-nen yusu-o. Konak Indi-nen idnag-e lag-o. Sere-nen idnak-nen yusu-o.

YAKOBUS 4:8

Kit-nen-e Mbal Pem Nagawan eram panggosa mborogola-ge, at-nen-e kit kendam panggosa lobok yuwa-o. Meya yugwi nap wa-e. Kininggi marer-o. Kinndi mberen nap wa-e. Kinndi mbek tak per-o.

1 PETERUS 1:22

Kir-e Mbal Pem Nagawan-nen yidnak yidnak nak kwarogolar-e, kit na kit-net mat koragolar-e, Kerisut ebem inndi angin tubu yidnak nap ndemeret enabuwa kali-o. Nde, kinndi min-net nabuwa kabuwa yogolat wolmer-o.

1 PETERUS 2:1

Iri bem-e, onmbol pem lagwi min inndi-net enmberel pugwi min enlengen ale yugwi min onpok pugwi min yi meya ndi meya kwarugwi iri-ge pidsa mbo ber-o.

1 PETERUS 2:18

Ap ndegel unpugwi nap wa-e. Kit-nen ndegel unpugwi nagawan kek tak onpogolar-e, it-nen yidnak yidnak nak kwarurag-o. Nde, it enabut op, yanggonak iri ala nak kek tak unpurag-e lag-o. Are, enabut meya iri min-et kek tak unpurag-o.

1 YOANES 3:18

Nilirak wa-e. Nir-e ap enabuwa kagolar-e, we nenemnde bem nak-nen: ”An-e ap enabuwa kaso-o” luk yurag-e meya-o. Are, ndemeret ap enabuwa kagolar-e, nininggi-nen kwarugwi mende bem-net kudtag-o.

1 YOANES 3:3

Iri kwat mul-o luk, iri bem indi mbung mbung tak worasu nab-e Kerisut na mbek tag-et woraso nggal, ap iri na at na at-net mbek tag-et wolmomtag-o.