YAKOBUS 3:13 - Nanduk Ngget Tul Pidnak Wene

¹³ Kit kennggendumu ap mbi indi tenggerak, indi nggat nggat worak mbi worala-ge, at-nen woraso abage konak iri na bem-nen nam tak posolar-e, konak nak kwarosolar-e, indi teberak, indi nggat nggat worak irit kwarosolat wolmag-o.

YAKOBUS 3:13 ပူးပေါင်းရင်းမြစ်များ

NDAWI ENGGA 107:43

Inndi nggat nggat worak nap-nen-e wene iri-ge yebet kagolar-e: ”Ndemeret Nagawan Indo-ge nenabuwa pem kasolat woraso-nen yusu-o” luk yebet kagolat wolmag-o.

NDAWI ENGGA 122:8

An neyabi minggirik nowe nowot min nenggamirak min enmanggim ala karuk, an-nen Yerusalem yak tosolar-e: ”Kar-e kona yamuksa irit wolmin-o!” yak tusu-o.

YESAYA 60:6

Unta wam-e Mirian min Epa min nggwe-nen waruk lobok yogolat, kit kunuwi nggweyag-e yebet ma-o. Nde, o Seba-nen-e emas min emben konak kemenan min waruk lobok yogolar-e, Nagawan Indo-nen kwarusu ereba na bem Nagawan Indo erembel wil wil lobok yogolat-net waruk lobok yuwa-o.

YESAYA 61:1

Nagawan Indo Mondok Kek tak iri na amawi-ge an nebem worasu-o. Insilobulo lak nap ereba na konak wene yak unduwakluk, at-nen lenak nuburuk, nibil lobok yamu-o. Iri-nen inndi abi kalak woragwi ki yaga wok ondosolat, wim nap-nen tena unpuruk woragwi ereba na ”Ndag-et nak wirik enper-o” luk wene wirik posolat, o kubu me inpidnak nap ereba na-ge ”Kir-e wisirik kunpuwa-o” yak ondosolat kwaruwaklug-et nibil lobok yamu-o.

YEREMIA 9:12

Yosoloma, an-nen kin wanosolar-e: ”Nagawan Indo wa-e. Noluk-nen kar-e o yu-ge nembaga nggal amburu lak, usu nggwara keya bugunmu, ap-nen na iri nggwe-ge nigit lak ma-o? Ap erep-nen-e: ’O yu iri nggal kwarak pid iri-ge erem-e yu nggal pem-nen ndowaga kwarak pamu-o’ luk enaru momtak mbi worali-a? ’Iri bem-nen kwarigi-o’ luk, at-nen ap erep yak unduwakluk, mbena yak tigen nab-e ta-o?” luk kin wanigi-o.

YEREMIA 9:23

Nagawan Indo-nen yosolar-e: ”Ap enaru indi tenggerak-nen-e at indi nggat nggat worak iri na bem indi kek yurak pug-o. Amawi worak nap-nen-e amawi iri na bem indi kek yurak pug-o. Nde, insilobulo worak nap-nen-e insilobulo iri na bem indi kek yurak pug-o.

NDANIEL 2:21

Nanduk-nen kwaridnak min abok-nen kwat ma min iri-ge Nagawan Indo inggem nag-o. At nak-nen nagawan-e mendak onposolat, lak tak onposolat kwaroso-nen yusu-o. At nak-nen inndi nggat nggat elem wok ondosolat, yebet kagwi mende wok ondosolat yoso-nen yusu-o.

WONARIDNAK WENE 12:3

Nggweyak ma yu me woragwi nab-e indi-ge kek tag-et nde, Musa arig-et nak indi-ge teberak irit woragij-o.

MATIUS 11:29

An-nen yidnak yidnak nak kwarogolat, an-nen kwaroso na mul kora yer-o. An-e ap yanggonak, nindi teberak nak woraso me, kit kinndi yamuk ma-o.

MATIUS 21:5

”Sion ara yak ter-o: Yu nde ki-o. Kat Nagawan na-ge keram lobok yusu-o. At iri-ge indi yanggonak me, kelerai wam ombolwak pem kore luk lobok yusu-o. Angin worak mende waruk noso kelerai wam amarik na ombolwak pem kore luk lobok yusu-o.”

MATIUS 5:5

Nde, inndi yanggonak worali nab-e Mbal Pem Nagawan-nen urul yak indidnak irit wanuwa me, enalen kali-o.

MATIUS 7:24

”Iri ala-ge, an-nen yidnak wene kuluruk, kulidnak iri ndak ndak kwaruwa nab-e, ap indi nggat nggat worak-nen at uwi worosolar-e, kerep pem wirid nap iri na nggal-nen yili-o.

1 KORINTUS 6:5

Kinnggiri-o! Kit kennggendumu-ge indi tenggerak nap, at anggamirak enpem wene konurak nap misiger-o luk tet lag-a?

2 KORINTUS 10:1

Paulus an-net yanggonak pem-et nggomo kundusu-o. Kinmbiri bem-nen-e namawi min nggomo kondoso bug-o luk nobok pili-t nde, erepma woralat-nen-e kwiye lag-et yak kondoso an-e Kerisut yemnak indi luruk puruk woraso bem-net wene yu yak kundusu-o.

2 KORINTUS 8:24

Iri bem-e, nit-nen kit kentembel wanili na ndemerer-o luk kunpurujwak-nen kir-e lambuk tak inpidnak nap oboksa inmbiri bem ap enabuwa kagwi mende bem kwara enabuwa ker-o.

NGGALATIA 5:23

yamenak woragwi nde, inndi-n lid puruk woragwi nde, iri nggal yoso-o. ”Iri nggal kwarurak pug-o” luk imiri mbarak pidnak worasu-ge lag-o.

NGGALATIA 6:1

Nowe nowosi wa-e. Ap misik-nen meya mbi kwarosola-ge, Konak Indi kenarem woraso nap kit-nen-e ap iri na konak tak uburag-o. Konak tak obogolar-e, kinndi yangonak pem-et kwarugup na-e. Kit na iri nggal-et kinndi ngaruwa-o luk, kit kondomog-et kwara pil pel tak puruk wolmer-o.

NGGALATIA 6:4

Ap ondomok tak-nen at-nen kwaroso iri na eyami mbaruwag-o. Nde, at-nen kwaroso iri-ge konak nak ala-ge, at ondomok-nen kek yurak ob-o. Nde, nin nap-nen kwarogola kaidnak pem at ondomok kek yurag-e meya-o.

EPESUS 4:2

Kir-e pempa kinndi teberak woragolat, kinndi yanggonag-et woragolat, kinndi luruk puruk woragolat mer-o. Nabuwa kabuwa woragwi na nam tak pogolar-e, yongga yongga wolmer-o.

PILIPI 1:27

An lobok yimindik-nen-e keneyasolat, nde, lobok yigit lak-nen-e konpok kolosolar-e: ”It inndi tugup lak luk, it inndi misiget luk lambuksa woragolat, inndi angin tubu yugwi aid wene amanggim enmawi kundili-o” luk konpok kuleyek-nen kit-nen yi kwatlik ndi kwatlik kwarogolar-e, Kerisut-nen idnak aid wene iri na-nen yidnak ndak ndak nak kwarogolat wolmer-o.

KOLOSE 3:12

Kir-e Mbal Pem Nagawan ilirak-net yiii-o. Ar-e kit kenabuwa karuk, at arengge rak kenpeyekluk lenak kinpij-o. Iri bem-e, kit-nen na ap enabuwa kagolat, kinndi konag-et woragolat, kinndi teberak woragolat, yanggonak nak woragolat, kinndi mamak puruk woragolat wolmer-o.

1 TIMOTIUS 4:12

Kar-e ap sugwe me, ap misiger-o luk-nen te rak kuburag-e meya-o. Are, kat-nen inndi angin tubu yidnak nap kat kebage mirik onposolar-e, wene yoso bem-nen na, kat-nen kwaroso bem-nen na, enabuwa kaso bem-nen na, mot mot nak kwaroso bem-nen na, mbek tak woraso bem-nen na kat kebage irit it-nen kwaruwakluk mirik onposolat wolmin-o.

1 TIMOTIUS 6:11

Alat nde, Mbal Pem Nagawan ndegel oboso nap wa-e. Kat perak nde iri mende pidsa keya bi-o. Are, lud tak nak kwarugwi min Mbal Pem Nagawan indi aye kagwi min inndi angin tubu yugwi min ap enabuwa kagwi min mamak puruk woragwi min yanggonak nak woragwi min iri nak langgal luk mbiri-o.

2 TIMOTIUS 2:25

wene eyak wurugwi nab-e indi yangonak pem-net tu mirik onposolat mag-o. Iri kwarosola-ge, Mbal Pem Nagawan-nen it inndi kondok yurak tarem wok ondosola, kondok yogolat, ndemeret wene na enaru yogolat nde ma-o.

TITUS 3:2

Ap onpok purak pug-o. Yuk puk na mburak pug-o. Are, yanggonak konak nak woragolar-e, ap pidsa inmin-e pempa nanggau kanggau wolmer-o” luk yak indi-o.

IBERANI 13:5

Uang ukwe ukwe yugwi nap yurak pug-o. Are, kat karengge kinggem worasu iri na-ge ndak-nen yusu-o luk peragolat woragup na-e. Nde, Mbal Pem Nagawan-nen yosolar-e: ”An-e keya konposolat, meme rak konposolat mondok yimin pug-o” luk yij-o.

YAKOBUS 1:21

Iri bem-e kop kap tobok tak poso mende pidsa min meya kwarat kwarugwi mende oboksa min mbo buruk, Mbal Pem Nagawan-nen kit kinndi arem aid wene yagaid na-ge kinndi teberak pem-nen wanogolat wolmer-o. Aid wene na-ge kit kinmiri yurak pem amawi mondok ndak-nen yusu-o.

YAKOBUS 2:18

Alat nde, ap mbi-nen yosolar-e: ”Kar-e kindi angin tubu yidnak worasu-o. Nde, an-e ininggi-nen kwarugwi mende kwaroso-o” luk yosola-ge, an-nen onggo yosolar-e: ”Ininggi-nen kwarugwi mende kwarigit lak, kindi angin tubu yigen iri mirik nibi-o. Nde, an-nen-e ininggi-nen kwarugwi mende kwaroso bem-nen nindi angin tubu yidnak mirik kibimin-o.”

YAKOBUS 3:1

Nanggamirak wa-e. Kit kennggendumu ap kwarat-nen ap mul undugwi nap yurak nak yili-ge meyog-o. Ap erep enpem-e wene te-t mbaruwa-t nde, nit mul undugwi nap nenpem-e, wene angin worag-et mbaruwa-ge kenaru nar-o.

YAKOBUS 3:17

Alat nde, aid arem-nen mbuwaidnak inndi nggat nggat elem-e yu nggal-o: Nandug-er-e mbek tag-et woraso, iri-nen-e lambuk tak onposo, yanggonak nak woraso, yidnak yidnak nak kwaroso, enabuwa nak kaso, konak mende nak kwarak poso-nen yusu-o. Inndi nggat nggat elem iri-ge ap entare lombonoso buk, indi-net nde enesiget siget yoso buk-nen yusu-o.

1 PETERUS 1:15

Are, wene mbo kinpid Mbal Pem Nagawan-e marak nak woraso me, kit-nen yi kwatlik ndi kwatlik kwarogolar-e, kit-nen na iri nggal mot mot nak kwarogolat wolmer-o.

1 PETERUS 2:12

Enlem nin nap ennggenggerak woragolar-e, kit-nen kwarugwi mende-ge konak nak kwarugup na-e. Iri nggal kwarogola-ge, it-nen-e kir-e meya kwarugwi nab-o luk konpok puwokluk yuwa-t nde, kit-nen kwaridnag-e konak nak ala-ge, Nagawan Indo lobok yuwa tarem-e ir-e Mbal Pem Nagawan erembel wanuwa-o.

1 PETERUS 2:9

Alat nde, kir-e len kinpidnak nap elem yogolat, nagawan-nen idnak tepan ombo yogolat, marale elem yogolat, Mbal Pem Nagawan ondomok ilirak yogolat yili-o. Ndamuk arem-nen at eyaya kwiye worak arem nggobokluk, Mbal Pem Nagawan-nen wene mbo kunpuruk, len kinpid iri-ge at-nen kwiye worak kwaroso wene iri na tomborobokluk, wene mbo kinpij-o.

1 PETERUS 3:4

Are, kinndi kigirik wolmomtak iri-ge kinndi arem nak-nen mburuwag-o. Nde iri-ge pem-et wolmomtak indi yamanak, yamuksa woragwi indi iri-ge Mbal Pem Nagawan erengen pem-e onggo nggulok mende-nen yusu-o.