YAKOBUS 2:8 - Nanduk Ngget Tul Pidnak Wene

⁸ Imiri mbarak pidnak wene owak ndum Mbal Pem Nagawan engga bem-nen yosolar-e: ”Kat kambik kabuwa kasu nggal-et kat keralu nap na enabuwa ki-o” luk iri yidnak iri na-t kwatli ala-ge, ob-et kwatli-o.

YAKOBUS 2:8 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 8:18

Nagawan Indo-nen at yak tosolar-e: ’An nuwi wururak yebet kasu iri-ge konag-et yebet kaigen-et nde,

2 NAGAWAN NAGAWAN-NEN KWARIDNAK WENE 7:9

Iri kwarogolat-nen it nak wene mbarogolar-e: ”Nanggarag-o. Nit-nen kwatli yu-ge meya-t kwatli-o. Wene yu-ge konak wene-t me, mondok it yak unduwog-o. Nde, nit-nen nde yak indigit lag-et nene-t yulndig-e, mondok angin worak nenpem puwa-o. Iri ala-ge, wene yu-ge nagawan woraso sa yak indil mburuwog-o!” luk wene mbarak purug-e,

TEPAN OMBO-NEN KWARURAK WENE 19:18

Kit kwat kinpidnak pem onggo purak pug-o. Kinsilepma na ap enpem purak pug-o. Kit kondomok kenabuwa kali nggal kit na kit-net nabuwa kabuwa wolmer-o. An-e Nagawan Indo-nen yusu-o.

TEPAN OMBO-NEN KWARURAK WENE 19:34

Alat nde, kit-nen kit nap kwat unpugwi nggal kwat onpogolat, kit-nen kondomok kenabuwa yili nggal-et enabuwa kagolat yer-o. Kit na ap sal Mesira iri me woraigep iri na kinndi yebet ker-o. An-e Nagawan Indo Kenmbal Pem Nagawan-nen yusu-o.

YUNUS 4:4

Yosoloma, Nagawan Indo-nen onggo yosolar-e: ”Kar-e erem lak ma kisilepma iri nggal yurag-e meya-o” luk yak tij-o.

YUNUS 4:9

Alat nde, Mbal Pem Nagawan-nen Yunus yak tosolar-e: ”Kat-nen ol kere iri bem kisilepma yurak iri-ge ndak ndag-e lag-o” yosoloma, Yunus-nen onggo yosolar-e: ”Noluk-nen nisilepma yigit lak yurag-o? Mondok nisilepma kwarat yosolat wat momtak iri-ge ndak-net yusu-o!” luk yij-o.

MATIUS 22:39

Nde, imiri mbarak pidnak wene iri min ndak ndak wene nggok misig-e: ’Kat kambik kabuwa kasu nggal, kat kimin woragwi nap na enabuwa ki-o.’

MATIUS 25:21

Yosoloma-ge, at eid-nen at yak tosolar-e: ’Ndegel noboso nap konak mot mot nak kwaroso wa-e. Ob-et kwarigen-o. Kat-nen-e tol marik iri na bem mot mot nak kwarigendik me, nggulok mende nde kinggem pimin-o. Kat keid an nalen pem woraso yu me ngguwasug-o’ luk yak tij-o.

MATIUS 25:23

Yosoloma-ge, at eid na-nen at yak tosolar-e: ’Ndegel noboso nap konak mot mot nak kwaroso wa-e. Ob-et kwarigen-o. Kat-nen-e tol marik iri na bem mot mot nak kwarigendik me, nggulok mende nde kinggem pimin-o. Kat keid an nalen pem woraso yu me ngguwasug-o’ luk yak tij-o.

MATIUS 7:12

Ap-nen kwat kunpurak perali iri nggal-et kit-nen na irit kwat enper-o. Iri kwarogolar-e, imiri mbarak pidnak wene-nen yidnak yidnak min Mbal Pem Nagawan ene lomboksa yugwi nap-nen yidnak yidnak min ndak ndak tak pugwi irir-o.”

OROMA 13:10

Nde, ap enabuwa kagolar-e, ap meya rak unpugwi bug-o. Iri bem-e nin nap enabuwa kali nab-e imiri mbarak pidnak wene oboksa-nen yidnak yidnak kwatli-o.

NGGALATIA 5:14

Nde, imiri mbarak pidnak wene oboksa-ge wene misiget nak arem worasu-o. Wene iri-nen yosolar-e: ”Kat kambik kabuwa kasu nggal, kat kimin woragwi nap enabuwa kasolat wolmin-o” luk yij-o.

NGGALATIA 6:2

Nin nap enpem angin worak mende mbidnak ala-ge, yongga yongga kud togolar-e, Kerisut-nen ”Iri nggal kwaru-o” yidnak wene iri-ge ndak tak pugub-o.

PILIPI 4:14

Alat nde, an anggun panggun worala, yongga nirigep iri-ge mondok konag-et kwarigeb-o.

1 TESALONIKA 4:9

”Kennggamirak inmin nabuwa kabuwa wolmer-o” luk an-nen engga mbal kundurag-e lag-o. Mbal Pem Nagawan-nen ”Ap-nen nabuwa kabuwa yugwi-ge iri nggal-o” luk mirik kinpid naro-o.

YAKOBUS 1:25

Alat nde, Mbal Pem Nagawan-nen yidnak wene iri-ge ap weserak unpurak amawi worak iminep mbarak wene-nen yusu-o. Nde, wene iri na kwara mbenarogolat, kwara yebet kagolat, kuluruk nak meme rak purak pem-e lag-o, are, iri-nen yidnak yidnak nak kwara kwatli nab-e at-nen kwaroso oboksa iri na bem-e Mbal Pem Nagawan-e imbiringgat tak ubuwa-o.

YAKOBUS 2:12

Nde, kit-nen wene yogolat na, yi kwatlik ndi kwatlik kwarogolat na, ”Ap wisirik onposo imiri mbarak pidnak wene iri bem-nen an nebem wene mbaruwa-o” luk kwara wolmer-o.

YAKOBUS 2:19

”Mbal Pem Nagawan-e misiget nak-nen yusu-o” luk kindi angin tubu yusu iri-ge kar-e ob-et yusu-t nde, kugi-nen na Mbal Pem Nagawan ebem inndi angin tubu luk, kwiye-nen onowak lele-t yili-o.

YAKOBUS 4:11

Nanggamirak wa-e. Kit na kit-net nobokpe kobokpe yurak pug-o. Ta-nen nde anggam obok posolat, anggam ebem wene mbarosolat yoso ala-ge, at iri-nen-e imiri mbarak pidnak wene na meya rak posolat, imiri mbarak pidnak wene iri na ebem wene mbaroso nap-nen yusu-o. Alat nde, kar-e imiri mbarak pidnak wene iri na ebem wene mbaroso ala-ge, kar-e imiri mbarak pidnak wene-nen yidnak yidnak kwaroso nab-e lag-o. Are, imiri mbarak pidnak wene iri na ebem wene mbaroso nap-nen yusu-o.

1 PETERUS 2:9

Alat nde, kir-e len kinpidnak nap elem yogolat, nagawan-nen idnak tepan ombo yogolat, marale elem yogolat, Mbal Pem Nagawan ondomok ilirak yogolat yili-o. Ndamuk arem-nen at eyaya kwiye worak arem nggobokluk, Mbal Pem Nagawan-nen wene mbo kunpuruk, len kinpid iri-ge at-nen kwiye worak kwaroso wene iri na tomborobokluk, wene mbo kinpij-o.