YAKOBUS 2:21 - Nanduk Ngget Tul Pidnak Wene

²¹ Nit nenlawingga Abaram iri ker-o. Wam wosa purak sa iri na me at ambara Isak na-ge Mbal Pem Nagawan amanggim wosa peyekluk yid iri bem-e Mbal Pem Nagawan-nen Abaram na-ge lud tak nak tak ibid irir-o.

YAKOBUS 2:21 ပူးပေါင်းရင်းမြစ်များ

MATIUS 12:37

Kit kenemndam nggwe-nen mberak pugup wene iri na bem-net lud tak nak tak kunpuwa-o. Are, kit kenemndam nggwe-nen mberak pugup wene iri na bem-net kenpem wene mbaruwa-o” luk yij-o.

MATIUS 3:9

Kit-nen peragolar-e: ’Abaram iri-ge nit nonmbo-nen yusu-o’ luk purudtak pug-o. An-nen yak kendeyeg-o. Mbal Pem Nagawan-nen-e kerep yeba bem-nen Abaram-nen wigarak nap nggal kwasa ndak worak unpurag-e ndak-net yusu-o.

LUKAS 1:73

At-nen owak mbara nit nonmbo Abaram na yak tosolar-e: ’Kit kinmin wim nap ininggem-nen wisirik kinpimin-o. Iri ala-ge, kwiye lag-et an ndegel nobogolat,

LUKAS 16:24

Eneyarug-e, isilobulo worak nap na-nen ene ngguloksa yosolar-e: ’Neid Abaram wa-e. An-e kanduk arem yane wat tenak worasu yu-ge, kar-e an nabuwa kasolar-e, Lasarus iri yak ti-o. Inggi yi ma buruk, an nama imin tak puwak-nen yak ti-o’ luk yij-o.

LUKAS 16:30

Yosoloma-ge, isilobulo worak nap na-n yosolar-e: ’Iri kwarurak iri nag-e ndag-e lag-o. Neid Abaram wa-e. Are, wat yidnak nab-et nde, uruk luk, it endam wok yosola-n perak nde it meya yidnak keya buruk kondok yuwa-o’ luk yij-o.

YOANES 8:39

Yak ondosoloma, it-nen at yak togolar-e: ”Nit nineij-e Abaram-net yusu-o” luk yogoloma-ge, Yesus-nen it yak ondosolar-e: ”Kir-e ndemeret Abaram ilirak-nen yili nggal-e Abaram-nen kwaroso nggal-et kwatleb-o.

YOANES 8:53

Kar-e nit nineid Abaram kek tak wat yid iri na anggul pem terak minik kek tak-nen yusu-a? Mbal Pem Nagawan ene lomboksa yugwi nap na war-et yiga-o. Nde, kar-e ta nggal-nen yusu-o?” luk yak tiga-o.

YIDNAK YIDNAK WENE 7:2

Kin wanosoloma-ge, Sepanus-nen onggo yosolar-e: ”Nowe nowosi min neidtak min wa-e. Wene yu koler-o. Abinal worak Mbal Pem Nagawan-nen nit nenlawingga Abaram-e o Aran woragit lak ma, o Mesopotamia worala-nen imbiri bem nam yaga mirik obosolat-nen

OROMA 3:20

Imiri mbarak pidnak wene-nen yidnak yidnak nak kwarogolat woraidnak nab-e ap misiger-o luk tet Mbal Pem Nagawan erengen pem-e lud tak nak unpuwa bug-o. Alat nde, imiri mbarak pidnak wene iri-nen-e nggweyak ma nab-e meya yugwi-nen yusu-o luk mirik nonposo-nen yusu-o.

OROMA 4:1

Iri ala-ge, nenlem nap onmbo Abaram-nen kwaridnak na bem-e no yul-o?

OROMA 4:12

Nde, Abaram na-ge it iniye ambasap wabugwi nap na onmbo-nen yusu-o. Alat nde, it iniye ambasap wabidnak pem-nen nak onmbo-nen yusu-ge lag-o. Are, Abaram na iye ambasap wabigit lak ma-net indi angin tubu yid iri nggal ninndi angin tubu yili nap nonmbo-nen yusu-o.

OROMA 4:16

Nde, urul pidnak wene iri-ge Mbal Pem Nagawan ebem indi angin tubu yidnak pem-net yak tij-o. Iri yak tid iri-ge, urul pidnak wene iri-ge we wok ondoso elem pem Abaram-nen ndagaidnak lolo pidsa-nen winde yuwakluk-nen yak tij-o. Imiri mbarak pidnak wene-nen yidnak yidnak nak kwarugwi nap enmanggim nag-e lag-o. Are, Abaram indi angin tubu yid nggal, iri nggal ninndi angin tubu yul nap na nenmanggim-nen yusu-o. Nde, Abaram iri-ge nit pidsa nineid-nen yusu-o.

IBERANI 11:17

Nde, Mbal Pem Nagawan-nen-e Abaram na indi kayekluk yosola-ge, Abaram na indi angin tubu yidnak pem-net at ambara Isak na-ge wosa Mbal Pem Nagawan amanggim eyabi wirik peyekluk yij-o. Nde, Mbal Pem Nagawan-nen wene urul paga Abaram yak tij-et nde, at ambara misiget nderak iri-ge indi angin lag-et Mbal Pem Nagawan amanggim wosa peyekluk yij-o.

YAKOBUS 2:18

Alat nde, ap mbi-nen yosolar-e: ”Kar-e kindi angin tubu yidnak worasu-o. Nde, an-e ininggi-nen kwarugwi mende kwaroso-o” luk yosola-ge, an-nen onggo yosolar-e: ”Ininggi-nen kwarugwi mende kwarigit lak, kindi angin tubu yigen iri mirik nibi-o. Nde, an-nen-e ininggi-nen kwarugwi mende kwaroso bem-nen nindi angin tubu yidnak mirik kibimin-o.”

YAKOBUS 2:24

Iri bem-e, ap lud tak nak tak onposo-ge inndi angin tubu yidnak pem nak-nen-e lag-o. Are, ininggi-nen kwarugwi mende bem min-net lud tak nak tak onposo-o.

YOSUA 24:3

Nde, an-nen-e konmbo Abarakam iri-ge o yi Eperat eyak ele bem-nen wanukmu-o. Wanurug-e, Kanaan nggweyak oboksa kibirik waring ki-o yak tigi-o. Yak turuk, an-nen-e at-nen wigarag-e kwarat tak pigi-o. Nde, nandug-er-e Isak at wok tigi-o.