YAKOBUS 2:19 - Nanduk Ngget Tul Pidnak Wene

¹⁹ ”Mbal Pem Nagawan-e misiget nak-nen yusu-o” luk kindi angin tubu yusu iri-ge kar-e ob-et yusu-t nde, kugi-nen na Mbal Pem Nagawan ebem inndi angin tubu luk, kwiye-nen onowak lele-t yili-o.

YAKOBUS 2:19 ပူးပေါင်းရင်းမြစ်များ

YESAYA 43:10

Nilirak Isarael nap wa-e. Kir-e an-e kenaru-o. Kit-nen an kenaru yogolat, kinndi an nebem wat tak puruk woragolat, kit-nen yebet kagolar-e, ’Ar-e ndemeret Mbal Pem Nagawan-net yusu-o’ luk yobokluk, an-nen-e ndegel nubugwi nap kwat yobokluk len kunpukmu-o. Mbal Pem Nagawan-e misiget an narik nak-nen yusu-o. Nanduk-nen na irit, abok-nen na irit mbal pem nagawan mbi mondok worasu bug-o.

YESAYA 44:6

Nagawan Indo Mondok Amawi Worak Isarael nap nggetlel onposo Nagawan Indo iri na-nen yid wene-ge yu-o: ”Mbal Pem Nagawan misiget an narik nak tel koroso min woroksiyem min-nen yusu-o. Mbal pem nagawan erep mbi mondok worasu bug-o.

YESAYA 44:8

An nelem nap wa-e. Kwiye yogolat, wendet yogolat yurak pug-o. O nanduk-nen kuri yawo-ge kwat momtak mende-ge an-nen urul poso-ge kir-e mondok kenaru iri nar-o. Kura onposo nap erep mbi worali bug-o. Iri-nen an-nen na eneyaso bug-o” luk yij-o.

YESAYA 45:6

Ereba oboksa kwat kubusu ereba karug-e, mo luwaso nggwe kuri-nen mo mboso nggwe kuri woragwi nap oboksa-nen an nimin peragolar-e, Mbal Pem Nagawan nin mbi mondok worasu bug-o. At arig-et nak Nagawan Indo-nen yusu-o luk enaru makluk kwarusu-o.

YESAYA 46:9

Nanduk ereba-nen kwat yid ereba na kwara kinndi yebet ker-o. An nimin-e kit-nen-e: ’Ar-e Mbal Pem Nagawan-net yusu-o. Nin mbi worasu bug-o. Ar-e Mbal Pem Nagawan-nen yusu-o. At nggal nin mbi worasu-ge lag-o’ luk yer-o.

YUNUS 4:4

Yosoloma, Nagawan Indo-nen onggo yosolar-e: ”Kar-e erem lak ma kisilepma iri nggal yurag-e meya-o” luk yak tij-o.

YUNUS 4:9

Alat nde, Mbal Pem Nagawan-nen Yunus yak tosolar-e: ”Kat-nen ol kere iri bem kisilepma yurak iri-ge ndak ndag-e lag-o” yosoloma, Yunus-nen onggo yosolar-e: ”Noluk-nen nisilepma yigit lak yurag-o? Mondok nisilepma kwarat yosolat wat momtak iri-ge ndak-net yusu-o!” luk yij-o.

MATIUS 8:29

It enmberek enne nggulok pem-nen yogolar-e: ”Mbal Pem Nagawan Ambara wa-e. Kar-e nit ninmin-e no kwareyeklug-o? Nenpem wene mbarurak tarem awo worala kagit, andi bandi rak nenpeyekluk lobok yusu-a?” luk yiga-o.

MARAKUS 1:24

”Yesus Nasaret nap wa-e. Kar-e ngge rak nunpugun-o? Nit lak tak nenpeyekluk lobok yigen-a? Kar-e an naru-o. Kar-e Mbal Pem Nagawan-nen kibil lobok yidnak karik lenak nap-net yusu-o” luk yij-o.

MARAKUS 12:29

Yesus-nen yosolar-e: ”Mbal Pem Nagawan-nen ’Iri nggal kwarurag-o’ yidnak wene enggendumu owak ndum lombog-e yur-o: ’Israel nap wa-e. Kwara koler-o. Nagawan Indo nit Nenmbal Pem Nagawan iri-ge Nagawan Indo mondok misiget-nen yusu-o.

MARAKUS 5:7

ene nggoksa yosolar-e: ”Kek tak woraso Mbal Pem Nagawan Ambara Yesus wa-e. Kar-e no kwat nubugun-o? Mbal Pem Nagawan unu bem-et kemengen mbarusu-o. An lel mberel nuburak pug-o” luk yij-o.

MARAKUS 7:9

Yak unduruk, Yesus-nen tuguruk it yak ondosolar-e: ”Nde, kir-e Mbal Pem Nagawan-nen: ’Irit kwarurag-o’ yidnak wene keya buruk, kit kondomok-nen kwarugwi wene tena wolmomtag-e kir-e mondok kenaru lombog-o!

LUKAS 4:34

”E! Yesus Nasaret nap wa-e. Kar-e ngge rak nenpeyekluk lobok yigen-o? Nit nendeyekluk lobok yigen, lak? Kar-e an-e naru-o. Kar-e Mbal Pem Nagawan-nen wirik kibil lobok yidnak karik lenak nap-net yusu-o” luk yij-o.

YOANES 17:3

Unlug-et pem-et woralik nalik momtak elem-e ap-nen Mbal Pem Nagawan Lud tak Nak Kwaroso kat misiget nak enaru yogolat, kat wirik ibil lobok yigen nap Yesus Kerisut na enaru yogolat yugwi irir-o.

YIDNAK YIDNAK WENE 16:17

Nde, kwe na-ge Paulus min nit min ninmbirik langgal nunpuruk lobok yosolat-nen ene nggoksa yosolar-e: ”It yu-ge Mondok Kek tak Mbal Pem Nagawan ndegel ubugwi nap-nen yili-o! Kit kinmiri yurak tula mirik kinpili-o!” luk yij-o.

YIDNAK YIDNAK WENE 19:15

Alat nde, kugi na-nen it yak ondosolar-e: ”Yesus iri-ge an-e naru-o. Paulus iri na naru-t nde, kir-e tarak-nen yili-o?” luk yij-o.

YIDNAK YIDNAK WENE 24:25

Alat nde, Paulus-nen-e lud tak kwarugwi wene yosolat, inndi-nen tebe yoso wene yosolat, abok-nen nit nenpem wene mbarurak tarem obok yosolat yosola karug-e, Pelik iri na kwiye kwarat luk-nen yosolar-e: ”Yu bem-et ndag-o. Mbiri-o. Abok-nen kat kene kulurak tarem ndak yosola-ge, yonggo kibimin-o” luk yij-o.

OROMA 3:30

Nde, Mbal Pem Nagawan-e misiget nak-nen yusu me, iniye ambasap wabugwi nap na inndi angin tubu yidnak pem-net lud tak nak onposolat, iniye ambasap wabugwi buk nap na irit, it inndi angin tubu yidnak pem-net lud tak nak onposolat ma-o.

1 KORINTUS 8:4

Iri ala-ge, kugiwak amanggim pidnak nunggwi mende nunggwi wene-ge yu nggal-o: Kugi min Mbal Pem Nagawan misik min-e nggweyak yu me-ge mondok lag-o luk nenaru-o. Arig-et nak woraso Mbal Pem Nagawan iri nak nenaru-o.

1 KORINTUS 8:6

nit nenmanggim-e Nineid Mbal Pem Nagawan misiget nak, yi mende ndi mende pidsa ndak wirid nap, at ariget nak worasu me, at amanggim-e nir-e worali-o. Nde, nit nenmanggim-e Nagawan Indo misiget nak, Yesus Kerisut iri-ge yi mende ndi mende pidsa ndak wirid nap at ebem-et nir-e worali-o.

NGGALATIA 3:20

Nde, ap misiget nak worala-nen-e ngarak koro mbi wolmomtag-e meya-o. Nde, Mbal Pem Nagawan-e misiget nak-nen yusu-o.

TUGURUK YIDNAK WENE 6:4

Isarael nap wa-e. Kwara koler-o. Nagawan. Indo-ge nit Nenmbal Pem Nagawan, Nagawan Indo misiget iri nak worasu-o.

1 TIMOTIUS 2:5

Mbal Pem Nagawan-e misiget nak-nen yusu-o. Nde, Mbal Pem Nagawan min ki nap min ennggendumu ngarak koro na misiget nag-o. Iri-ge ki nap Kerisut Yesus ar-er-o.

YAKOBUS 2:8

Imiri mbarak pidnak wene owak ndum Mbal Pem Nagawan engga bem-nen yosolar-e: ”Kat kambik kabuwa kasu nggal-et kat keralu nap na enabuwa ki-o” luk iri yidnak iri na-t kwatli ala-ge, ob-et kwatli-o.

YURAS 1:4

Mbal Pem Nagawan enaru buk nap erep nit nennggendumu tirabo nggwiga iri-ge obi-net Mbal Pem Nagawan engga bem-nen it enpem mburak wene urul paga pij-o. It iri-nen-e it enaboro-nen ukwe ukwe yugwi mende kwaruwoklug-e, Mbal Pem Nagawan-nen we wok ondoso elem-e nden penden tak pili-o. Nde, nit-nen idnak amawi worak Yesus Kerisut, Nenagawan Indo iri-ge it-nen-e ndemerer-o luk eberagwi bug-o.

YURAS 1:6

Wene misik yu na yebet yebet tak wolmer-o. Nde, aid nap ereb-e it inpid-nak sa-t wolmomtag-et nde, it enambik ondoro keya buruk, o nin sa mbiriga me, Mbal Pem Nagawan-nen-e pem-et wolmomtak posid kere-nen kamasa ndamuk arem inpil nggwidnak worali-o. Nde, enpem wene mbarurak Tarem nggulok wok yosola, it enpem wene mbaruwa-o.

NAM PARA WENE 20:10

Iri rak puruk, it onmbol pem laso Sere iri na-ge emben worak kule (belerang) laso kan mare arem mbo bil nggwid iri-ge ndakngge isilepma worak min enesiget Mbal Pem Nagawan ene lomboksa yoso nap min-e nandug-et iri me mbo inpil nggwij-o. It iri andi bandi kagolar-e, lengge-nen kubu-nen pem-et woralik nalik wolma-o.