YAKOBUS 2:18 - Nanduk Ngget Tul Pidnak Wene

¹⁸ Alat nde, ap mbi-nen yosolar-e: ”Kar-e kindi angin tubu yidnak worasu-o. Nde, an-e ininggi-nen kwarugwi mende kwaroso-o” luk yosola-ge, an-nen onggo yosolar-e: ”Ininggi-nen kwarugwi mende kwarigit lak, kindi angin tubu yigen iri mirik nibi-o. Nde, an-nen-e ininggi-nen kwarugwi mende kwaroso bem-nen nindi angin tubu yidnak mirik kibimin-o.”

YAKOBUS 2:18 ပူးပေါင်းရင်းမြစ်များ

OROMA 14:23

Alat nde, indi angin min nasu nap at indi angin tubu yigit lak-net nde ninggidnak me, at ebem-e Mbal Pem Nagawan-nen wene mbarak pidnak worasu-o. Nde, yi mende ndi mende oboksa inndi angin tubu yigit lak pem-nen kwatli iri-ge meya irit kwatli-o.

OROMA 3:28

Iri bem-e, wene ebe-ge yu-o: It inndi angin tubu yidnak pem-net ab-e lud tak nak onposo-o. Nde, imiri mbarak pidnak wene-nen yidnak yidnak kwaridnak pem ap lud tak onposo bug-o.

OROMA 4:6

At-nen kwaroso mende bem-e lag-et nde, Mbal Pem Nagawan-nen-e lud tak nak ibidnak nab-e alen kasu-o luk, Ndaud-nen alen kaso nap na imin yosolar-e:

OROMA 8:1

Iri yidnak pem-e yawo-ge Kerisut Yesus imin kwin yidnak nap nenpem wene mbi mbaruwa bug-o.

OROMA 9:19

Iri bem, kit-nen na yak norogolar-e: ”Iri ala-ge, Mbal Pem Nagawan indi-n pidnag-e ap-nen lak tak purag-e meya me, Mbal Pem Nagawan-e noluk-nen ’Kit meya kwatli-o’ luk nit nenpem wene mbarusu-o?” luk yak nurugub-o.

1 KORINTUS 13:2

An-nen-e aid wene kwiye worak yoso kwat yosolat, kura wene pidsa naru yosolat, enaru yugwi mende pidsa naru yosolat, an nindi angin tubu yidnak iminep mbarak pem-nen ndobo iri lembera nin me wirik posolat yimin-et nde, ap enabuwa kagwi elem nde ap narem-e lak-nen-e an-e ebe lak mende-nen yusu-o.

2 KORINTUS 5:17

Ta-nen nde Kerisut imin kundik worasola-ge, at abage ngget tak ibidnak-nen yusu-o. Abage nanduk na-ge lak lug-e, abage ngget irit kwat yamu-o.

2 KORINTUS 7:1

Nanggamirak kenabuwa worak wa-e. Urul pidnak wene oboksa-ge nit-nen idnak me, nit na nit-net nondomok marak nap yogolar-e, nenpe min ninndi min kik tak nunpurak mende iri marak puruk, Mbal Pem Nagawan indi aye min woragolar-e, mondok marak iminep mbarak irit wolmog-o.

NGGALATIA 5:6

Nde, nir-e Kerisut Yesus ebem woragolar-e, niniye ambasap wabidnak ala na, ambasap wabigit lak ala na, iri-nen ebe momtak mende-ge lag-o. Nde, inndi angin tubu yidnak pem-nen ap enabuwa kagwi iri nak nggok-nen yusu-o.

1 TIMOTIUS 1:5

It nggomo undugun iri-ge it-nen ap enabuwa kagolar-e, enarem marak pem-net kagolat, yebet kagwi inndi yek tak pem-net kagolat, inndi angin tubu yidnak mondok mot mot pem-net kagolat makluk-nen nggomo ondugun-o.

TITUS 2:7

Nde, kat na kebage ob-et kiyujwaklug-e, yi mende ndi mende kwarosolar-e, konak nak kwarugun na-e. Kar-e kindi mot mor-et woralat, ndemeret kindi-net mul ondosolat wolmin-o.

IBERANI 11:31

Nde, terak yebugwi kwe Arakap na indi angin tubu yidnak pem-net o yen wil lobok yiga nap na kona wok inpidnak pem-e it Mbal Pem Nagawan ene kuruk tugwi nap ereba na lak tak onpogolar-e, kwe na wirigit lak yiga-o.

IBERANI 11:33

Nde, it inndi angin tubu yidnak pem-net wim nap nagawan-nen tenagaidnak wi ereba na inmin wim mbatluk, urugwe nggwe rak onpogolat, lud tak nak kwarogolat-nen Mbal Pem Nagawan-nen urul paga yak indidnak mende wanogolat, isilepma worak singa ndakngge na emende nggilil lobok yogolat,

IBERANI 11:6

Nde, ap-nen-e Mbal Pem Nagawan ebem indi angin tubu yigit lak ala-ge, Mbal Pem Nagawan-nen-e ap iri ebem-e alen kujwa bug-o. Nde, Mbal Pem Nagawan eram lobok yuwa nap-nen perasolar-e: ”Mbal Pem Nagawan-e ndemeret worasu-o” yuruk, ”Mbal Pem Nagawan-nen-e kwara at ogore yuwa nap na onggo wok unduwa-o” luk wene na bem indi angin tubu yosolat wolmag-o.

YAKOBUS 2:14

Nanggamirak wa-e. Ap mbi-nen yosolar-e: ”An nindi angin tubu yigi-o” yosolar-et nde, ininggi-nen kwarugwi mende bem-e kwarigit lak ala-ge, no manggim ”An-e nindi angin tubu yusu-o” luk yusu-o? Nde, iri nggal kwasa indi angin tubu yidnak iri-nen inmiri yoso-a?

YAKOBUS 3:13

Kit kennggendumu ap mbi indi tenggerak, indi nggat nggat worak mbi worala-ge, at-nen woraso abage konak iri na bem-nen nam tak posolar-e, konak nak kwarosolar-e, indi teberak, indi nggat nggat worak irit kwarosolat wolmag-o.