YAKOBUS 2:14 - Nanduk Ngget Tul Pidnak Wene

¹⁴ Nanggamirak wa-e. Ap mbi-nen yosolar-e: ”An nindi angin tubu yigi-o” yosolar-et nde, ininggi-nen kwarugwi mende bem-e kwarigit lak ala-ge, no manggim ”An-e nindi angin tubu yusu-o” luk yusu-o? Nde, iri nggal kwasa indi angin tubu yidnak iri-nen inmiri yoso-a?

YAKOBUS 2:14 ပူးပေါင်းရင်းမြစ်များ

YEREMIA 7:8

Alat nde, kit-nen enesiget wene iri na bem kinndi wat tak pili iri-ge wewesa pili-o.

MATIUS 5:20

Nde, an-nen yak kendeyeg-o: Engga enaru nap min Parisi nap min-nen lud tak nak kwarugwi-t nde, kit-nen-e it-nen kwarugwi na mondok ombol nggwe terak minik nggal lud tak nak kwarigit lak yugupndig-e, Mbal Pem Nagawan-nen tenagaidnak wi-ge nggugup pug-o.

LUKAS 3:11

Yogolikma-ge, Yoanes-nen it yak ondosolar-e: ”Sum mberen worak nap-nen-e misig-e sum lak nap wok tosolat, nunggwi mende worak nap-nen na iri nggal-et kwasa tumbururag-o” luk yij-o.

LUKAS 6:49

Alat nde, an-nen yidnak wene kulurug-et nde, iri na ndak-ndak kwarusu buk nab-e, o wirid nap mbi nggal-nen yusu-o. Ap iri-nen o worosolar-e, o mabin pigit lak, we nggweyak pem wiridnak me, yi ebe wasolar-e, o iri na wat kasolar-e, ndag-et nak tud tak pij-o. Tud tak posola-ge, mijara nari warisa labuk yij-o!” luk yij-o.

YIDNAK YIDNAK WENE 15:9

Mbal Pem Nagawan-nen-e it min nit min neneyasolar-e, arik tak nggal-e mondok lag-o. It inndi angin tubu yidnak pem-et it inndi mbek tak inpidj-o.

YIDNAK YIDNAK WENE 8:13

Simon na indi angin tubu yosola-ge, yi ma bidnak ombol nggwe-ge pempa Pilipus na imin waring kasolar-e, kwiye worak mende min kagwi buk mende min kwarosola karug-e, ar-e kwiye kwarat kasolat woragaij-o.

YIDNAK YIDNAK WENE 8:21

Kat kindi-ge Mbal Pem Nagawan erengen pem-e lugud tak me, wene yu-ge kat karengge min kat kowene min-e mondok lag-o.

OROMA 2:25

Kit-nen Musa-nen imiri mbarak pidnak wene-nen yidnak yidnak kwarogola-ge, kit kiniye ambasap wabili iri-ge ebe worak mende rak pili-o. Nde, kit-nen nde imiri mbarak pidnak wene-nen yidnak yidnak kuruk togola-ge, kiniye ambasap wabugwi na-ge ebe lak mende kwat yusu-o.

1 KORINTUS 15:2

Kit-nen nde aid wene na puksa tena woragola-ge, an-nen yak kindigi aid wene iri-net kinmiri yuwa-o. Nde, aid wene na bem kwara kinndi angin tubu yigit lak ala-ge, ebe kwat ma bug-o.

1 KORINTUS 16:22

Nagawan Indo abuwa kaso buk nap perak nde, imbiri lamut mag-o! Maranata! yogolar-e: ”Nenagawan Indo wa-e. Lobok yi-o!”

NGGALATIA 5:13

Nowe nowosi wa-e. Kit perak nde, wisirik kinpidnak worabok-nen wene mbo kinpid nar-o. Alat nde, wisirik kinpidnak iri na bem kit kenpe-nen ukwe yugwi mende-nen yidnak yidnak yurak pug-o. Are, nabuwa kabuwa yogolat-nen-e kit na kit-net ndegel pegerak mber-o.

NGGALATIA 5:6

Nde, nir-e Kerisut Yesus ebem woragolar-e, niniye ambasap wabidnak ala na, ambasap wabigit lak ala na, iri-nen ebe momtak mende-ge lag-o. Nde, inndi angin tubu yidnak pem-nen ap enabuwa kagwi iri nak nggok-nen yusu-o.

1 TESALONIKA 1:3

Nineid Mbal Pem Nagawan imbiri bem nit-nen yebet keneyagolar-e, kit kinndi angin tubu yidnak pem-nen kwarogolat woragwi nde, ap enabuwa kagolat-nen yabu kenmawi min-et wanugwi nde, Nenagawan Indo Yesus Kerisut ebem kinndi mbung mbung tak pigeb-e mondok tugup lak worali nde, iri mende yebet yebet tak worali-o.

1 TIMOTIUS 1:5

It nggomo undugun iri-ge it-nen ap enabuwa kagolar-e, enarem marak pem-net kagolat, yebet kagwi inndi yek tak pem-net kagolat, inndi angin tubu yidnak mondok mot mot pem-net kagolat makluk-nen nggomo ondugun-o.

1 TIMOTIUS 4:8

Ap enpe amawi makluk onowak mulugwi iri-ge ob-et nde, iri-ge te nggal-nen yusu-o. Nde, inndi-ge Mbal Pem Nagawan abage nggal makluk onowak mulugwi iri-ge mondok nggok lombok-nen yusu-o. Iri arem-e yawo nunluk worali min abok nunluk wulmul min worasu-nen yusu-o.

TITUS 1:16

It-nen yogolar-e: ”Mbal Pem Nagawan-e nit nenaru-o” luk yili-t nde, it-nen kwarugwi iri bem-nen ar-e lak tak ibili-o. Ir-e meya nak kwarogolat, yidnak yidnak kwarigit lak yogolat, konak mbi kwarurag-e mondok meya-o.

TITUS 3:8

An-nen yak kurusu yu-ge ndemeret wene-o. Mbal Pem Nagawan ebem inndi angin tubu yugwi nap-nen-e ndemeret konak nak kwarogolat wolmakluk, kat-nen wene yu-ge amawi rak purak iri-ge an-e nindingen-o. Iri kwarurak iri-ge ap pidsa enmanggim mondok konak lombok-nen yusu-o.

IBERANI 11:17

Nde, Mbal Pem Nagawan-nen-e Abaram na indi kayekluk yosola-ge, Abaram na indi angin tubu yidnak pem-net at ambara Isak na-ge wosa Mbal Pem Nagawan amanggim eyabi wirik peyekluk yij-o. Nde, Mbal Pem Nagawan-nen wene urul paga Abaram yak tij-et nde, at ambara misiget nderak iri-ge indi angin lag-et Mbal Pem Nagawan amanggim wosa peyekluk yij-o.

IBERANI 13:9

Nde, nin wene owak, kwiye worak nggal kwarat yak kondogola-ge, iri wene-nen-e kabak tak kunpuwa naru, kulurak pug-o. Mbal Pem Nagawan-nen we wok ondoso elem-nen-e nit ninndi eyak worak purak perak nde ob-o. Nde, nunggwi mende nunggwi wene-nen yidnak yidnak nak kwariga nab-e ebe mbi kwarigit lak me, iri wene-nen nit ninndi eyak worak purag-e meya-o.

YAKOBUS 1:16

Nanggamirak kenabuwa worak wa-e. Kit na kit-net konmbol pem lali-ge meyog-o.

YAKOBUS 2:16

kit misik-nen it yak ondogolar-e: ”Embem sum ob-et yiri-o. Nde, nunggwi mende na ob-et min-o” luk yak ondogolar-et nde, it-nen ukwe peraidnak mende wok indigit lak ala-ge, iri-ge no manggim yak undurag-o?

YAKOBUS 2:18

Alat nde, ap mbi-nen yosolar-e: ”Kar-e kindi angin tubu yidnak worasu-o. Nde, an-e ininggi-nen kwarugwi mende kwaroso-o” luk yosola-ge, an-nen onggo yosolar-e: ”Ininggi-nen kwarugwi mende kwarigit lak, kindi angin tubu yigen iri mirik nibi-o. Nde, an-nen-e ininggi-nen kwarugwi mende kwaroso bem-nen nindi angin tubu yidnak mirik kibimin-o.”

YAKOBUS 2:26

Nde, enpe worala-t nde, inndi nde lak-nen-e wat yidnak-nen yusu-o. Iri nggal-et inndi angin tubu yili-t nde, ininggi-nen kwarugwi mende nde kwarigit lak yogolar-e, inndi angin tubu yidnak iri-ge wat yidnak-nen yusu-o.

2 PETERUS 1:5

Iri bem-e, kir-e kwara kenmawi kondogolar-e, kit kinndi angin tubu yidnak min lombok tak pogolar-e, konak nak kwarugwi mende lambuksa waner-o. Nde, konak nak kwarugwi mende min lombok tak pogolar-e, enaru yugwi mende na lambuksa waner-o.