YAKOBUS 1:6 - Nanduk Ngget Tul Pidnak Wene

⁶ Alat nde, nggi yosolar-e, indi mberen min nggi yurak pug-o. Are, wanimin-o luk indi angin tubu luk-net nggi yurag-o. Nde, indi mberen min-nen nggi yusu nab-e obube puk kil lobok yosolat, yi koma yi nggweyerep nggwayerep lobok yosolat, waruk ponok lel ponok lel waring kasu iri nggal-nen yusu-o.

YAKOBUS 1:6 ပူးပေါင်းရင်းမြစ်များ

NDAK WIRIDNAK WENE 49:4

Kar-e yi nggal pilak nak yosolar-e, kar-e an-nen imin nene yoso ndegel noboso kwe iri na imin nene yigendik, keid nene yoso ondoro na-ge emben to rak pigen me, kar-e ebe lak mende kwat yigen-o.

MATIUS 14:28

Yak ondosoloma-ge, at Peterus-nen wene erep nggarosolar-e: ”Nagawan Indo wa-e. Ndemeret kar-et nde ala-ge, ’Yi ombolwak pem an neram lobok yi-o’ luk yak niri-o” luk yij-o.

YIDNAK YIDNAK WENE 10:20

Men luk mbugundik, it iri-ge an-nen wirik inpil lobok yidnak me, kindi angin lag-et it inmin mbiri-o” luk yak tij-o.

EPESUS 4:14

Iri nggal yulndig-e, nir-e li marik nggal, yi ombolwak pem abung abung waring kagwi nap nggal, ennesiget yugwi nap-nen mul undugwi wene obube nggal iri-nen puk eneyagwi nap nggal yul-e lag-o. Ennesiget yugwi nap-nen enmberel puruk, ap kabak tak unpugwi-o.

1 TIMOTIUS 2:8

Ap-nen tepan nin me nan me-nen yogolar-e, insilepma na lak, yuk puk na lak woragolat, ininggi marak irit ligik puruk-nen tepan yurak iri-ge an nindingen-o.

IBERANI 10:23

Mbal Pem Nagawan-nen-e at-nen urul pidnag-e mondok kwaroso-t me, ”Irit kwat nunpuwa-o” luk peragwi na bem ninndi mbung mbung tak woragwi iri-ge puksa tena wolmog-o.

IBERANI 11:6

Nde, ap-nen-e Mbal Pem Nagawan ebem indi angin tubu yigit lak ala-ge, Mbal Pem Nagawan-nen-e ap iri ebem-e alen kujwa bug-o. Nde, Mbal Pem Nagawan eram lobok yuwa nap-nen perasolar-e: ”Mbal Pem Nagawan-e ndemeret worasu-o” yuruk, ”Mbal Pem Nagawan-nen-e kwara at ogore yuwa nap na onggo wok unduwa-o” luk wene na bem indi angin tubu yosolat wolmag-o.

IBERANI 13:9

Nde, nin wene owak, kwiye worak nggal kwarat yak kondogola-ge, iri wene-nen-e kabak tak kunpuwa naru, kulurak pug-o. Mbal Pem Nagawan-nen we wok ondoso elem-nen-e nit ninndi eyak worak purak perak nde ob-o. Nde, nunggwi mende nunggwi wene-nen yidnak yidnak nak kwariga nab-e ebe mbi kwarigit lak me, iri wene-nen nit ninndi eyak worak purag-e meya-o.

YAKOBUS 1:7

Iri nggal kwarusu nab-e ”Nagawan Indo-nen yi mende ndi mende wok nuruwa-o” luk pururak pug-o.

YAKOBUS 5:15

Nde, inndi angin tubu yogolat-nen tepan yogola-ge, kugi worak nap iri kugi lak tak puruk, Nagawan Indo-nen ki rak puwa-o. Nde, at-nen meya kwaridnak mbi worala-ge, amberam tak puwa-o.

2 PETERUS 2:17

Nde, it enesiget siget mul undugwi nab-e yi ulusu eberek yidnak nggal, wijakni-nen nggan nggan puk kaso nggal-nen yili-o. It enmanggim-e Mbal Pem Nagawan-nen mondok ndamuk nak woraso sa lid lud tak pidnak worasu-o.