YAKOBUS 1:4 - Nanduk Ngget Tul Pidnak Wene

⁴ Nde, kinndi unuk lak tak pidnak iri-nen-e iminep mbal yobokluk ndak tak konposolat, yi mende ndi mende ukwe lak tak konposolat mag-o.

YAKOBUS 1:4 ပူးပေါင်းရင်းမြစ်များ

NDAWI ENGGA 37:7

Kir-e kinndi yamuk tak pem-et Nagawan Indo yik karok wolmer-o. Mamak puruk irit towarak worakmu, at-nen kwaruwag-o. It-nen kwarugwi bem ebe worak nak kwarogolat, enmberam lagolat kwarogola-ge, ”O” luk, kinndi kabak yurak pug-o.

NDAWI ENGGA 40:1

Nde, an-e mondok mamak puruk irit Nagawan Indo-nen yongga nururak yik karok worasola-ge, at-nen lombot nuburug-e, nene kulij-o.

ABAKUK 2:3

An-nen nam tak pimin mende-ge awo worasu me, engga bem mbarurag-o. Alat nde, iri kwaruwa tarem-e yanem-et wok ma-o. An-nen kat kimbiri bem nam tak pigi mende-ge ndemeret kwar-et ma-o. Yik kagolar-e, woraruk-nen kwat ma-o luk perali-t nde, mondok karok nak wolmin-o! Iri kwarurak tarem-e wog-et ma-o. Nimik tak puwa bug-o.

MATIUS 10:22

An nunu bem ap oboksa-nen insili rak kunpuwa-t nde, momak puruk irit worasoma, woroksiyem wok ma nab-e imiri yuwa-o.

MATIUS 19:20

Yosoloma-ge, ap sugwe iri-nen wene erep nggarosolar-e: ”Wene ereya oboksa-ge an-e kwat tenak woraso-o. Nde, an-nen kwaroso bug-e no mende-o?” luk yij-o.

MATIUS 5:48

Iri bem-e kit Kineid aid arem woraso iri-ge iminep mbarak nak woraso nggal, kit na mondok iminep mbarak irit wolmer-o” luk yak indij-o.

MARAKUS 10:21

Yosola-ge, Yesus-nen ap iri na yik karuk, abuwa kasoluk-nen yak tosolar-e: ”Kat-nen kwarurak mende-ge misiget nak keya bigen-o. Kat mburugundik kisilobulo pidsa onggo wanuruk, tol iri-ge insilobulo lak nap tembesa wok unduruk, lobok yosolar-e, an nimin ni-o. Iri yugundik pem-e, aid arem-nen silobulo kwarat wanugun-o” luk yak tij-o.

LUKAS 18:22

Iri yosoloma kulurug-e, Yesus-nen at yak tosolar-e: ”Kat-nen mondok kwarurak mende misiget mbi keya bigen-o. Kat karengge pidsa onggo wanosoluk, onggo wanidnak tengge na insilobulo lak nap tembesa wok undugunmu-ge, an nimin ni-o. Iri yugundik pem-e aid arem-nen silobulo kwarat winde yugun-o” luk yak tij-o.

LUKAS 21:19

Kit-nen nde tugup lak mamak puruk woragup pem-e kinmiri yaga wanugub-o” luk yij-o.

LUKAS 8:15

Nde, uwi nggweyak konak pem mbid iri na nggal-e, ap-nen aid wene na kulurug-e, inndi konak mot mot iri na bem-et puksa enarem tak puruk, inndi mamak puruk woragolat-nen ebe rak pili iri nggal-nen yusu-o” luk yij-o.

YOANES 17:23

Nde, it na-ge mondok misiget maklug-e, an-e it enarem woralat, nde, kar-e an narem worasola-ge, nggweyak ma nap-nen-e kat-nen an wirik nibil lobok yij-o luk enaru yogolat, kat-nen an nabuwa kaso nggal, it na enabuwa kasu-o luk enaru yogolat ma-o.

1 KORINTUS 2:6

Irit nde, nir-e indi tenggerak wene iri inndi amburu mbarak nap yak indili-t nde, nggweyak ma nap inndi tenggerak elem pem na yak indigit lag-et, o tena worali nagawan nagawan iri-ge lak tak unpuwa nap iri na inndi tenggerak elem pem na yak indili bug-o.

NGGALATIA 6:9

Iri bem-e, nir-e konak nak kwarurak na-ge perari yurak pug-o. Nir-e nenperari lag-et kwarogolat wulmulndig-e, mbarurak tarem wok yosola-ge, engen na mbarul-er-o.

KOLOSE 4:12

Kit kenma nap misik, Kerisut Yesus ndegel oboso nap Epaparas-nen-e wiwa yak kundusu-o. Nde, at iri-nen-e pempa pempa kit kenmanggim kiri keresa tepan yosolar-e: ”It inndi tugup lak woragolat, iminep mbarak woragolat, Mbal Pem Nagawan indi-n pidnak nak kwarogolat wolmag-o” luk Mbal Pem Nagawan emengen mbaroso-o.

1 TESALONIKA 5:23

Yamuksa woragwi elem Mbal Pem Nagawan-nen-e marak kunpuruk, iminep mbarak konposolar-e, kinndi min kenpe min oboksa nit Nenagawan Indo Yesus Kerisut lobok yurak tarem-nen mondok kop kap lak woraboklug-e, kontowarak wolmag-o.

2 TIMOTIUS 3:17

Mbal Pem Nagawan ndegel ubugwi nap-nen-e yi kwatlik ndi kwatlik kwarogolat konak nak kwaruwakluk Mbal Pem Nagawan engga-nen-e iminep mbarak lid lud tak unpusu-o.

IBERANI 13:21

Yamuksa woragwi elem Mbal Pem Nagawan-nen konak mende oboksa wok kondosola, iri bem-nen Mbal Pem Nagawan indi-n pidnak nak kwarobokluk, ndak tak kunpuwag-o. At indi-n peraidnag-e Yesus Kerisut ebem-nen Mbal Pem Nagawan-nen nit nenarem yabu wanuwag-o. Nde, Yesus Kerisut na-ge kek tak pem-et woralik nalik wolmag-o. Amen.

YAKOBUS 1:5

Ap mbi kit kennggendumu indi tenggerak elem wanigit lak worala-ge, indi nggat nggat elem na wok tuwakluk Mbal Pem Nagawan ebem nggi yurag-o. Nggi yosola-ge, Mbal Pem Nagawan-nen enabuwa karuk, indi konag-et ap pidsa we wok ondoso me, wok tuwa-o.

YAKOBUS 3:2

Kit pidsa-ge pempa lugud tak nak kwarugwi-o. Ta-nen nde ene yoso bem meya kwaroso buk nab-e iminep mbarak-nen yusu-o. At iri-ge at ebe oboksa tena woraso-o.

1 PETERUS 5:10

Alat nde, kir-e we marig-et nak andi bandi kagolug-e, Mbal Pem Nagawan at nak-nen-e iminep mbarak konposolat, tugup lak tak konposolat, amawi rak konposolat, yogo konposolat ma-o. Nde, we wok ondoso mende pidsa elem Mbal Pem Nagawan-nen-e Kerisut ebem-nen at abinal pem-et woralik nalik momtak abinal worak irit yobokluk, wene mbo kinpij-o.

2 PETERUS 1:9

Alat nde, iri mende iri wanigit lak nab-e at erengen ngguru, lumu kumu rak me, at nanduk-nen meya yosolat woraidnak na marak ibidnak iri-ge meme rak pusu-o.