YAKOBUS 1:26 - Nanduk Ngget Tul Pidnak Wene

²⁶ Ap-nen-e ”An-e Mbal Pem Nagawan erembel wanoso-nen yusu-o” luk perasolat-net nde, indi-ge konigit lak, wene-ge we ama bem perek nak yosola-ge, at-nen at ambik ombol pem lasu-o. Mbal Pem Nagawan erembel wanusu iri-ge we kasa ereba-t wanusu-o.

YAKOBUS 1:26 ပူးပေါင်းရင်းမြစ်များ

NDAWI ENGGA 32:9

Kar-e kura wam min kelerai wam min indi lak nde posid abare mbarak emndam pidnak iri na bem nak-nen ndumuluk mborogola, iri na-nen yidnak yidnak mburusu iri na nggal kindi nggat nggat lak wolmomtak pug-o” luk yij-o.

NDAWI ENGGA 34:13

Kit kenemndam nggwe-nen-e meya wene wirik pogolat, ap enmberam na lagolat yurak pug-o.

NGGOMO WENE 15:2

Ap inndi nggat nggat worak nap-nen wene wirik pugwi iri na-nen-e enaru yurak indingen tak poso-o. Alat nde, ap wid-nen wene wirik pugwi iri-ge wid-nen yebet kagwi ebe lak ereba na nak lom worak-nen yusu-o.

YESAYA 1:13

Wewesa kenarengge ereba-ge an namanggim purak waruk lobok yili-o. Ereba kan pili emben-nen an-e sok wurusu-o. Kit-nen waneya ngget arem nggogolat nggok sagili min we woragwi tarem (Sabat) yebet kali min kit-nen an kek tak nobogolat-nen kwarugwi kwarogolat ndok wutluk sagili min-e an-nen mondok yik kudtag-e nisili yusu-o. Kit-nen iri kwatli ereba oboksa-ge meya elem nde yogora keya bogolat, an nebem nde angin yaga keya bili-o. Iri nggal-e an nebem posoma, siri mboso-o.

YESAYA 44:20

Iri nggal kwarusu iri-ge mabe ninggidnak nggal-nen yusu-o. Ap iri-ge indi yebet kaso wid iri-nen amberam lasola, at indi imiri yurag-e meya yusu-o. At-nen-e ut memera ndak wosa pidnak mende at inggem worasu iri-ge ndemeret enmberam laso ebe lak mende-nen yusu-o luk para yigit lak yoso-o.

MALEAKI 3:14

Iri-ge kit-nen yogolar-e: ’Nir-e wewesa Mbal Pem Nagawan ndegel ibili-o. No manggim-nen nir-e Nagawan Indo Mondok Amawi worak iri na-nen yidnak yidnak kwat tenak woragolat, nit-nen meya yidnak keya buruk kondok yogolat kwat tenak wolmomtag-o?

MATIUS 15:9

It-nen mirik unpugwi wene owak iri-ge ki nap-nen yidnak wene nak mirik inpili me, it-nen an nerembel wanili-t nde, ebe lak mende-nen yusu-o’ ” luk yij-o.

MARAKUS 7:7

It-nen mul undugwi iri-ge ki nap-nen kwarugwi mende-t nde, an-nen yidnak nggal tak puruk mul indili me, An nerembel wanili iri-ge ebe lak mende nde kwat yusu-o.’

LUKAS 8:18

Iri bem-e, kit-nen kulidnak wene-ge kwara-t yebet kudtag-o. Enarengge worak nab-e terak mena kwarat wok unduwa-o. Alat nde, enarengge marig-et worak nab-e it endam woraso marig-et ereya na wanuwa-o” luk yij-o.

1 KORINTUS 15:15

Iri-nen-o, nit-nen yogolar-e: ”Mbal Pem Nagawan-nen Kerisut uruk tak pij-o” luk yugwi na-ge Mbal Pem Nagawan imin-e nenesiget nggok yeleb-o. Wat yidnak nap ndemeret unluk yugwi buk nggal-nen-e, Mbal Pem Nagawan-nen-e Kerisut na uruk tak pigit lak yeleb-o.

1 KORINTUS 15:2

Kit-nen nde aid wene na puksa tena woragola-ge, an-nen yak kindigi aid wene iri-net kinmiri yuwa-o. Nde, aid wene na bem kwara kinndi angin tubu yigit lak ala-ge, ebe kwat ma bug-o.

1 KORINTUS 3:18

Ap-nen-e at ambik ombol pem ludtag-e meya-o. Kit kenggendumu-nen ap mbi-nen perasolar-e: ”Nggweyak ma nap inndi tenggerak iri na bem-nen an-e nindi tenggerak yusu-o” luk perasu nab-e, ndemeret indi tenggerak maklug-e, wid nggal irit yurag-o.

NGGALATIA 2:6

Alat nde, ap sarok iri-ge (it unnu kek tak pidnag-e an-nen nggulok tak pimin pug-o. Mbal Pem Nagawan-nen-e ap entare kaidnak pem mbenat onposo pug-o) ap sarok iri na-nen-e enne amawi min yak niriga-t nde, nin wene mbi yak nirigit lag-o.

NGGALATIA 2:9

Iri ala-ge, it-nen-e Mbal Pem Nagawan-nen we wok ondoso mende an wok niridnak na karug-e, ap sarok Yakobus min Peterus min Yoanes min-nen-e an min Mbaranabas min nininggi tena buruk, wa yak kerak mbogolar-e, nit ninndi misiget yogolar-e, yu nggal yige-o: Nit nenmbereg-e enlem nin nap endam mborogolat, nde, ir-e Yawuri nap endam mborogolat mul-o luk yige-o.

NGGALATIA 3:4

Kwat kinpidnak mende pidsa-ge ebe lak mende-nen yusu-a? Kit kwat kinpidnak iri na ebe lak mende yurak iri-ge meya-o.

NGGALATIA 6:3

Ap misik-nen perasolar-e, ar-e konag-e lag-et nde, ”An-e ijar-o” luk perasu iri-ge at na at ambikpebe ombol pem lasu-o.

EPESUS 4:29

Kit kenmende nggwe-nen meya wene wirik purak pug-o. Are, it-nen kuluruk, inndi yek tak purak wene nak yogola-ge, kit-nen yidnak wene kuluwa nap iri-ge inmbiringgat tak pugub-o.

EPESUS 5:4

Iri nggal-et, kit-nen meya wene nde ebe lak wene lom nde keyari wene nde yurak pug-o. Iri yugwi wene-ge kit-nen yurag-e meya-net yusu-o. Alat nde, kit-nen-e Mbal Pem Nagawan nak wa yak togolat wolmomtag-o.

KOLOSE 4:6

Kit-nen wene yogolar-e, ap-nen kologolar-e, wene konag-et kuluruk, indingen tak purak wene nak yogolat wolmer-o. Ap-nen kin wok konpogola, onggo yurak na mondok kenaru wolmomtag-o.

YAKOBUS 1:19

Nanggamirak kenabuwa worak wa-e. Wene yu kwara kinndi yebet ker-o. Ap pidsa mondok ndag-et nak kulurug-et nde, kenne orog-et yogolat, orog-et kinsilepma yogolat wolmomtag-o.

YAKOBUS 1:22

Nde, kit-nen aid wene iri-ge kulurak nag-e lag-o. Kuluruk, kulidnak iri ndak ndag-et kwarurag-o. Nde, kit-nen iri nggal kwarigit lak yogolar-e, kenambikpebe konmbol pem lali-o.

YAKOBUS 2:20

Kar-e wid indi worak-nen yusu-o! Inndi angin tubu yogolar-et nde, ininggi-nen kwarugwi mende kwarigit lak iri-ge ebe lak mende-nen yusu-o luk mirik kuburak kindingen-a?

1 PETERUS 3:10

Mbal Pem Nagawan engga bem-nen yosolar-e: ”Ta-nen nde nalen min-et neyaruk woralat, konag-et worayeg-o peraidnak nap-nen-e meya wene min enesiget wene min yimin naru, emnde nggitlik puruk wolmag-o.