YAKOBUS 1:25 - Nanduk Ngget Tul Pidnak Wene

²⁵ Alat nde, Mbal Pem Nagawan-nen yidnak wene iri-ge ap weserak unpurak amawi worak iminep mbarak wene-nen yusu-o. Nde, wene iri na kwara mbenarogolat, kwara yebet kagolat, kuluruk nak meme rak purak pem-e lag-o, are, iri-nen yidnak yidnak nak kwara kwatli nab-e at-nen kwaroso oboksa iri na bem-e Mbal Pem Nagawan-e imbiringgat tak ubuwa-o.

YAKOBUS 1:25 ပူးပေါင်းရင်းမြစ်များ

YESAYA 8:20

Yogola, kat-nen it yak ondosolar-e: ”Nagawan Indo-nen yidnak yu kwara koler-o! Ap nde Nagawan Indo-nen yidnak wene iri na ndak ndak nde yigit lak yuwa nab-e abog-e wolma bug-o” luk yak indi-o.

LUKAS 11:28

Yesus-nen yosolar-e: ”Iri yigen-et nde, Mbal Pem Nagawan-nen yidnak wene na kuluruk, iri-nen yidnak yidnak kwatli nab-e enalen-e terak menna kagolat wolma-o” luk yij-o.

YOANES 13:17

Nde, kit-nen nde wene ya kenaru luk, kwarugup ala-ge, kir-e kenalen worak yugub-o.

YOANES 8:36

Iri bem-e Ambara-nen wisirik konposola-ge, ndemeret wisirik kinpidnak irit woragub-o.

YIDNAK YIDNAK WENE 13:43

Nde, tepan yuruk, ndi yogolar-e, Yawuri nap kwarat min Yawuri nap nggal tak inpidnak nap kwarat min-e Paulus min Mbaranabas min langgal unpuruk mborogola karug-e, mberen nap na-nen it mul ondogolat-nen nggomo ondogolar-e: ”Kir-e Mbal Pem Nagawan-nen we wok ondoso ebem-et tugup lak wolmer-o” luk yak indiga-o.

YIDNAK YIDNAK WENE 2:42

Iri lug-e, ir-e pempa wirik inpidnak nap-nen mirik inpidnak wene puksa wanogolat, it inmin kundik woragolat, mburu ndeksa nonggolat, tepan yogolat irit kwarogolat woraiga-o.

YIDNAK YIDNAK WENE 26:22

Alat nde, Mbal Pem Nagawan-nen yongga norosola me, yawo na an-e yu me mendak woralar-e, ap marik na irit, nggulok na irit oboksa kenggera yak undusu-o. Nde, an-nen kenggera yak ondoso wene iri-ge nin wene-ge lag-o. Are, Mbal Pem Nagawan ene lomboksa yugwi nap min Musa min-nen-e awo ma-net: ’Abog-e iri nggal-et kwaruwa-o’ luk yidnak wene-ge an-nen na iri na-t yusu-o.

OROMA 11:22

Iri bem-e, Mbal Pem Nagawan-nen ap unpud kaso min isilepma enpem poso min kwara yebet ker-o. Meya yidnak nap enpem-e isilepma unpusu-t nde, kit-nen nde kunpud kaidnak pem woragola-ge, kit kunpud kasolat wolma-o. Nde, iri kwarigit lak yugup pem-e, kit na irit mbara mbo kunpuwa-o.

OROMA 2:13

Nde, imiri mbarak pidnak wene na eneyanggo kulidnak pem nak-nen ab-e lud tak nak tak onposo bug-o. Are, imiri mbarak pidnak wene-nen yidnak yidnak kwaruwa nab-et luk tak nak tak onposo-o.

OROMA 7:12

Nde, imiri mbarak pidnak wene-ge marak-nen yusu-o. ”Iri nggal kwaru-o” yidnak wene-ge marak, mot mot, konak-nen yusu-o.

OROMA 8:15

Mbal Pem Nagawan-nen wok kindidnak Indi iri-nen-e ndegel ubugwi nap tak kunpuruk, kwiye yugwi nap tak kunpusu bug-o. Are, Konak Indi iri-nen-e Mbal Pem Nagawan ilirak tak konposolat, Konak Indi iri amawi bem nit-nen wene mbo bogolar-e: ”Neid wa-e! Kar-e an Neid-nen yusu-o!” luk yili-o.

OROMA 8:2

Kir-e Kerisut Yesus imin kundik woragolat kunlug-et wolmomtak elem wok kindid Mbal Pem Nagawan Indi-nen pidnak imiri mbarak pidnak wene-nen-e meya kwarugwi elem min wat yugwi elem min inggiyem-nen weserak kinpij-o.

1 KORINTUS 15:58

Iri bem-e, nanggamirak kenabuwa worak wa-e. Tugup lak luk, unuk laksa irit woragolar-e, Nagawan Indo eyabu wanili iri-ge ebe lak mende ma-ge lag-o luk kenaru me, Nagawan Indo eyabu-ge pempa kenmawi min-et wok tenak wolmer-o.

2 KORINTUS 13:5

Kit na kit-net kinndi mbenarer-o. Kir-e ndemeret kinndi angin tubu yidnak pem tugup lak worali, lak? luk kondomok kinndi ngarer-o. Kerisut Yesus-e nit nenarem worasu-o luk kenaru yili, lak? Nde, Yesus-e kenarem lak ala-ge, mborok tak pigep pem-nen-o.

NGGALATIA 2:4

Alat nde, ennesiget yogolar-e nir-e konowe konowot-nen yili-o luk, nit ninmin lambuksa wene mbariga nap erep-nen-e at iye ambasap waburak yiga-o. It iri na-ge mbik mbok lobok yigarik, nendam ngguruk, nir-e Kerisut Yesus ebem-nen weserak woragwi na mbenat nunpuwokluk nggwigarig-e, teberak nunpuwokluk yiga-o.

NGGALATIA 5:1

Ndemeret weserak ninpidnak wolmakluk, Kerisut-nen wisirik ninpij-o. Iri bem-e, wisirik kinpidnak pem-e tugup lak mendak wolmer-o. Nde, ndegel unpuwakluk kundugun pem pugwi mende-ge tuguruk purak pug-o.

NGGALATIA 6:2

Nin nap enpem angin worak mende mbidnak ala-ge, yongga yongga kud togolar-e, Kerisut-nen ”Iri nggal kwaru-o” yidnak wene iri-ge ndak tak pugub-o.

KOLOSE 1:23

Nde, mbigija-ge kit-nen kinndi angin tubu yidnak pem mondok tugup lak woragolar-e, aid wene kuligep na bem kinndi mbung mbung tak woraidnak na amawisa-t wanogolat woragup na-e. Aid wene iri-ge nggweyak ma woragwi nap oboksa yak indidnak wene-nen yusu-o. Nde, Paulus an-e aid wene iri ndegel oboso nap-nen yusu-o.

1 TIMOTIUS 2:15

Alat nde, kwami-nen tebe luk woragolar-e, inndi angin tubu yidnak elem min ap enabuwa kagwi elem min marak woragwi elem min tena woragola-ge, inlirak ndakolat-net inmiri yaga wok unduwa-o.

1 TIMOTIUS 4:16

Kat-net kondomok kwil kwal korasolat, kat-nen mul ondoso wene kwara yik karok woralat min-o. Yu mende pidsa kwara kwarosolat wolmin-o. Nde, iri yugun pem-e, kat kondomok kimiri yosolat, kat-nen yidnak wene kuluwa nap na inmiri yosolat yugun-o.

IBERANI 12:15

Kit kennggendumu-nen ap misik-nen-e Mbal Pem Nagawan-nen we wok ondoso elem keya buwa naru kwil kwalsa wolmer-o. Kit kennggendumu-nen ap misik-nen ngari worak emengen nggal lasolar-e, ninggis mende-nen ap kwarat meya rak unpuwa naru, kwil kwalsa wolmer-o.

YAKOBUS 2:12

Nde, kit-nen wene yogolat na, yi kwatlik ndi kwatlik kwarogolat na, ”Ap wisirik onposo imiri mbarak pidnak wene iri bem-nen an nebem wene mbaruwa-o” luk kwara wolmer-o.

1 PETERUS 2:16

Kir-e weserak woragwi nap nggal wolmer-o. Alat nde, wisirik woragwi iri na bem-nen kit meya yidnak lumururak pug-o. Are, Mbal Pem Nagawan ndegel ubugwi nap kenpage irit wolmer-o.

1 YOANES 2:24

Iri bem-e, nandug-et kuligep wene na-ge kwara parugu wolmer-o. Nde, nandug-et kuligep wene iri na kit kenarem puksa parugu woragola-ge, kir-e pempa Ambara min Eid min inmin kundik woragub-o.

NAM PARA WENE 14:13

Iri luk, an kuliginggal-e, aid arem-nen ene misik-nen yosolar-e: ”Wene yu engga bem mbari-o. Yawo kuri-net Nagawan Indo eyabu wanukmu wat yuwa nab-e enalen kujwag-o!” luk yij-o. Nde, Konak Indi-nen yosolar-e: ”Ndemerer-o. It-nen yabu wanidnak ebe-ge pempa it inmin wolma me, it eneyabu anggun panggun wanugwi na keya buruk, enpabok kwaruwa-o” luk yij-o.

NAM PARA WENE 22:14

It unsum masa ngget tak pili nab-e unluk wolmomtak e iri na engen nonggolat, o siri iri nggogolar-e, kerep pak tumende nggwe nggogolat yurag-e it nak-net yili me, enalen kujwag-o.

1 SEMUEL 12:14

Kit na irit nagawan kit tena kunpuruk wolma iri na irit kit nde Nagawan Indo kek tak pogolat, at nak ndegel obogola woragolat, at-nen yidnak wene kuluruk iri na ndak ndak kwarogolat na irit kwarogolar-e, Nagawan Indo Kenmbal Pem Nagawan-nen kenpem pidnak iri-ge mondok tugup lak kwat tenak woragola-ge, kenalen pem-et woragub-o.