YAKOBUS 1:18 - Nanduk Ngget Tul Pidnak Wene

¹⁸ At ondomok indi-n pidnak pem-net lud tak nak yoso ene bem-nen-e nit ndak wat nonposolar-e, at-nen ndak worak pidnak tengge oboksa ennggendumu nir-e at indi kundik tak nenpeyekluk, ndak worak ninpij-o.

YAKOBUS 1:18 ပူးပေါင်းရင်းမြစ်များ

YEREMIA 2:3

Isarael kar-e an nondomok narengge, nindi pungen, nindi kundugu woraigenma-o. An-nen-e lak tak onposo mende-ge kat andi bandi rak kibiga nap oboksa enpem mberak posolat woragi-o. Nagawan Indo an-net yigi-o’ yak indi-o” luk yij-o.

AMOS 6:1

Kit kenalen pem Sion woragolat, kit konak yamuksa Samaria woragolat yili nab-e mondok kenabuwa-o! Kenlem Isarael nap kennggendumu kenne kulugwi nap, mondok kek tak worali nab-e kit kunuwokma woragwi Isarael nab-e yongga undurak pem-e kit kendam-et lobok yugwi nap kir-e mondok kenabuwa worag-o!

YOANES 1:13

Iri yidnak nap ndet onposolar-e, ki nap-nen ndet inpigit lag-o. Are, Ineid Mbal Pem Nagawan at-net ndet inpij-o.

OROMA 4:17

Mbal Pem Nagawan-nen Abaram yak tosolar-e: ”Kar-e ap enlem kwarat onmbo rak kibigi-o” luk yak tij-o. Nde, urul yak tid iri-ge Mbal Pem Nagawan na imbiri bem-e ob-et worasu-o. Nde, at ebem indi angin tubu yid Mbal Pem Nagawan iri-nen-e wat yidnak nab-e unluk tak posolat, at ene nak-nen lak woraidnak mende-t nde, worak tak posolat yoso-o.

1 KORINTUS 4:15

Kir-e Kerisut ebem-e mul kundugwi nab-e sepuluribu (10,000) nggal kwarat woragola-t nde, kineij-e misiget nag-o. An-nen aid wene yak kindigi na bem-nen-e Kerisut Yesus ebem kineij-e an-et kwat yigi-o.

2 KORINTUS 6:7

lud tak nak kwarugwi wene yak undugwi bem na, Mbal Pem Nagawan amawi bem na, irit kwarugwi-o. Nde, lud tak nak kwarugwi nensan-e ninnggi kigit nggwe, kware nggwe wanugwi-o.

EPESUS 1:12

Len ninpid iri-ge awo ma-net ninndi Kerisut ebem mbung mbung tak woraige nap nir-e Mbal Pem Nagawan unu kek tak pogolar-e, at erembel wanugwi rak ninpij-o.

EPESUS 1:13

Nde, at ebem-nen kit na iri nggal-et kwat kinpij-o. Kir-e ndemeret wene kinmiri yurak aid wene iri na kuluruk yigepndig-e, Kerisut ebem kinndi angin tubu yigeb-o. Iri lug-e, ”It yu-ge an nilirak-nen yili-o” luk yenggerak kunpuwaklug-e, Mbal Pem Nagawan-nen-e urul pidnak Kona Indi na kenpem pij-o.

2 TIMOTIUS 2:15

Mbal Pem Nagawan-nen: ”An neyabu wanoso nap ndag-o” luk kuburujwaklug-e, kar-e ndemeret kamawi kondosolat wolmin-o. Nde iri-ge kat-nen yabu wanidnak na bem kinggiri kagun naru, ndemeret wene iri-ge mot mor-et mul ondosolat wolmin-o.

IBERANI 12:23

Mbal Pem Nagawan ilirak manggu nderak, unnu-ge aid arem mbarak worali nap-nen enalin enalen yuwokluk ndok worogola, kir-e endam wok yigeb-o. Kir-e oboksa enpem wene mbaroso Mbal Pem Nagawan eram wok yogolat, lud tak nak woragwi nap iminep mbarak pidnak inndi endam wok yigeb-o.

YAKOBUS 1:15

Nde, at-nen ukwe ukwe iri na-nen yidnak yidnak kwarosolar-e, meya kwarugwi elem ndagoso-o. Nde, meya na ebe kwarosolar-e, wat yugwi elem irit ndagoso-o.

YAKOBUS 1:21

Iri bem-e kop kap tobok tak poso mende pidsa min meya kwarat kwarugwi mende oboksa min mbo buruk, Mbal Pem Nagawan-nen kit kinndi arem aid wene yagaid na-ge kinndi teberak pem-nen wanogolat wolmer-o. Aid wene na-ge kit kinmiri yurak pem amawi mondok ndak-nen yusu-o.

YAKOBUS 3:14

Alat nde, kir-e kenlengen ale yogolat, kinsilepma yogolat, kondomok kenmanggim nak nggok tak pogolat yugwi ala-ge, kir-e kenambikpebe kek yogolat, ndemeret wene na imin kenesiget yili-ge meyog-o.

1 PETERUS 1:23

Mbal Pem Nagawan-nen yidnak wene, urug-et woralik nalik woraso wene iri-nen-e mberen pem ndet konposolar-e, ki nap-nen ndet unpugwi nggal ndet kinpigit lag-o. Are, Nineid pem-et woralik nalik woraso-nen ndet kinpij-o.

1 PETERUS 1:3

Nenagawan Indo Yesus Kerisut Eid Mbal Pem Nagawan irit wa yak tuwog-o. Nit nunpud kwarat kaso me, nit na ngget mende rak nenpeyekluk Yesus Kerisut iri-ge wat yidnak nap ennggendumu-nen uruk tak pij-o. Iri bem-e, nir-e woralik nalik wulmul-o luk ninndi mbung mbung tak worali-o.

1 YOANES 3:9

Mbal Pem Nagawan ambara kwat yidnak nab-e at arem-e Mbal Pem Nagawan abage-t worasu me, meya kwat tenak worasu bug-o. Nde, Mbal Pem Nagawan iri-ge at Eid me, at-nen-e meya kwat tenak wolmomtag-e meya-o.

NAM PARA WENE 14:4

It iri na-ge kwami inmin nene yugwi buk me, kopkap lak-nen yili-o. Ir-e kwami wanugwi buk-nen yili-o. Nde, ir-e Lomba Wam Marik na mbiridnak sa nak imbirik nak nugwi-o. It iri-ge nggweyak ma nap ennggenggerak-nen onnggo bidnak nap me, ir-e nanduk nandug-et Mbal Pem Nagawan min Lomba Wam Marik min enmanggim wosa inpidnak-nen yili-o.