Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




YAKOBUS 1:17 - Nanduk Ngget Tul Pidnak Wene

17 We wok ondoso mende konak iminep mbarak oboksa iri-ge teram nggwe-nen mberak pil mbuwasu iri-ge aid arem worasu yaya elem ndak worak pidnak Mbal Pem Nagawan-nen pil mbuwaso-o. Nin yoso buk Mbal Pem Nagawan-e nden karuk, lumurak nonposo buk-nen yusu-o.

အခန်းကိုကြည့်ပါ။ ကော်ပီ




YAKOBUS 1:17
62 ပူးပေါင်းရင်းမြစ်များ  

Yosoloma, Yusup-nen onggo yosolar-e: ”Nab-o, ndegel koboso nap an-nen yoso-ge lag-o. Iri-ge Mbal Pem Nagawan nak-nen ebe-ge ndemeret ludsa para yoso-o” yij-o.


Alat nde, kar-e pem worasu iri nggal nag-et woragun-o. Kar-e lak yugun pug-o.


Yerusalem iri me yamuksa wolmomtak amanggim tepan yogolar-e: ”Kat kabuwa kwarat kali nab-e mondok yamuksa enalen min-et wolmag-o.


Yaya rak poso mende mbal pem ndak wosa pamu-o. At-nen-e pem kundugu irit enabuwa yoso-nen yusu-o.


Nagawan Indo Mbal Pem Nagawan-e nit nggetlel nunpuruk woraso nagawan kek tak-nen yusu-o. At-nen-e nenabuwa kasolat, kek tak nonposolat yoso-nen yusu-o. Lugud tak kwarugwi buk nap wok ondosolar-e, at-nen-e konak mende ala-ge oboksa wok ondoso-o.


Yaya min ndamuk min-e an-net ndak woroso-o. Imbiri lamut min inmbiringgat min-e an-net enpem poso-o. Ereba oboksa kwaroso-ge Nagawan Indo an-net yusu-o.


Abok-nen kwat momtak wene-ge nanduk-net yak kundukmu-o. Abok-nen kwat momtak wene-ge abuwokma nanduk-net urul pukmu-o. Iri yosolat-nen an-nen yosolar-e: ’An-nen irit kwarimin-o luk mbarigi wene-ge mondok kwar-et ma-o. Nde, an nindi-n pidnag-e mondok kwarimin-er-o’ luk yigi-o.


Lengge-ge mo kebem yarosolat, nde, kubu-ge waneya-nen yaya rak kobosolat wolma bug-o. Nagawan Indo an-e pem irit kat yaya rak koboso kwat yosolar-e, pempa nabinal-nen yaya rak kobosolat woramin-o.


Nagawan Indo-nen yosolar-e: ”An-e nin yoso buk Nagawan Indo-nen yusu-o. Iri bem-nen kit Yakup-nen wigarag-e mondok lak tak kinpigit lak worali-o.


Nde, an-e iri me mbuwamindik, wene mbarul-o. Amawi kat wok kirigi ereba na-ge ereb-e menggesa it enpem pimin-o. Nde, kat karig-et nak angin pangin iri-ge meya-o. Ap kwarat yu ndegel unpurak yabu iri-ge kat yongga korogolat ereb-e it-nen wanurag-o.


Nagawan Indo-ge nggan nggan arem mbuwagarik, Musa wene yak tij-o. Nagawan Indo-nen-e amawi Musa wok tid ereba na-ge ereb-e menggesa ap tuju pulu ereya na wok indij-o. Iri yamu, Nagawan Indo Indi it enpem mbuwasola, Mbal Pem Nagawan ene lomboksa yugwi nap-nen enne nggoksa yugwi nggal yogolat woraiga-t nde, pem yik tenak woragit lag-o.


Mbal Pem Nagawan iri-ge ki nap nggal enesiget yoso bug-o. ’O! Niri nera-o’ na yoso buk. Mbal Pem Nagawan-nen nde ’Irit kwarimin-o’ yosolug-e, mondok iri na-t kwaroso-o. Nde, at-nen nde wene yosola-ge, mondok yidnak iri nat kwat yoso-o.


Iri ala-ge, kir-e meya yugwi nab-et nde, konak mende nak kinlirak wok undugwi kenaru me, Kineid aid arem woraso-nen-e at ebem nggi yuwa nap iri na konak mende wok unduwa irir-o!


Nde, kir-e meya yugwi nab-et nde, konak mende-t kinlirak wok undugwi irir-o. Iri ala-ge, Nineid aid arem woraso-nen-e at eram Konak Indi nggi yuwa nab-e mondok wog-et unduwa-o” luk yij-o.


Nde, ndemeret yaya na-ge nggweyak ma yu me mbuwasolar-e, ap pidsa yaya rak unpusu-o.


Yogolikma-ge, Yoanes-nen yosolar-e: ”Mbal Pem Nagawan-nen ap mbi kwat ibigit lak-nen at ondomok amawi bem-nen nak kwarurag-e meya-o.


Yosoloma-ge, Yesus-nen at yak tosolar-e: ”An-e ndemeret yak kurusu-o. Mberen pem ndet ibigit lak nab-e Mbal Pem Nagawan-nen tenagaidnak wi-ge erengen kujwa bug-o” luk yij-o.


Iri rak puruk, Yesus-nen tuguruk it yak ondosolar-e: ”An-e ki nap ennggendumu yaya-nen yusu-o. An nimin nuwa nab-e ndamuk arem nuwa bug-o. Are, unlug-et wolmomtak yaya irit tena wolma-o” luk yak indij-o.


Yak ondosola kulurug-e, puk lug-e, it-nen Mbal Pem Nagawan erembel wanogolar-e: ”Iri ala-ge, Mbal Pem Nagawan-nen enlem nin nap wok ondosolar-e, it kondok yogola, unlug-et wolmomtak elem wanuwakluk wok indij-o” luk erembel waniga-o.


Nde, it Isarael nap na-ge kondok luk, it meya yogolat woraidnak amberam tak paga wok endeyekluk, Mbal Pem Nagawan-nen-e at inggi kigit nggwe-nen Yesus na-ge Nagawan min Inmiri Yoso Nap min tak pij-o.


Nde, meya kwarugwi elem na onggo-ge wat yugwi irir-o. Alat nde, Mbal Pem Nagawan-nen we wok nondoso iri-ge Nenagawan Indo Yesus Kerisut ebem-nen pem-et unlug-et woralik nalik elem-nen yusu-o.


Kar-e ta-nen nde kek tak keyasu-o? Kat karengge worasu iri-ge Mbal Pem Nagawan-nen wok kirigit lag-a? Iri bem-e, we wok kiridnag-et nde, kar-e noluk-nen kat-nen wanidnak nggal tak puruk, kondomok kek yusu-o?


Mbal Pem Nagawan-nen yosolar-e: ”Ndamuk arem-nen yaya yuwag-o” luk yid Mbal Pem Nagawan at-net at eyaya-ge nit nenarem yaya rak pij-o. Iri yosolar-e, Mbal Pem Nagawan abinal-e Kerisut erare bem worasu abinal iri nenaru rak purak pem-nen iri yij-o.


An-e Mbal Pem Nagawan emengen mbarosolar-e, kit kinndi erengen kuwarak puwakluk yoso-o. Iri-ge kuwarak posola-ge, Mbal Pem Nagawan-nen kit wene mbo kinpidnak kinndi mbung mbung tag-e ngge-o luk kenaru tobok-nen na, Mbal Pem Nagawan winde nap enmanggim at arengge mondok kwarat lid lud tak pidnak iri na kenaru tobok-nen na,


Nde, kinndi angin tubu yogola, Mbal Pem Nagawan-nen we wok ondoso elem pem-net kinmiri yid iri-ge kit-nen kwaridnak pem kinmiri yij-e lag-o. Are, Mbal Pem Nagawan-nen we wok kindidnak pem-ner-o.


Kit-nen kagwi mende mbal pem woraso: mo min waneya min wonaru min erembel wanogolat, ndegel obogolar-e, meya yurak pug-o. Nagawan Indo kit nen idnak Mbal Pem Nagawan-nen ap enlem ereb-e ereba-t erembel wanogolat wolmakluk keya inpij-et nde,


Nde, Mbal Pem Nagawan-nen wok kondosolar-e, we Kerisut ebem kinndi angin tubu yurak iri nak wok kindigit lag-o. Are, at amanggim andi bandi kudtak min-et wok kendamu-o.


At arig-et nak wat yoso buk-nen yusu-o. Ap-nen panggosa eram wok yugwi buk yaya bem woraso-nen yusu-o. Ap misiger-o luk tet mondok eyagwi bug-o. Iri-nen na ap-nen at eyudtak na meya-o. At unu nak kek tak pugwi min at amawi min-e pem-et worasolat nasolat mag-o! Amen.


Yesus Kerisut-e tono-n na irit, yawo-n na irit, abok woralik nalik worasolat-nen na irit, nin yoso buk, iri na-t woraso-nen yusu-o.


Ap mbi kit kennggendumu indi tenggerak elem wanigit lak worala-ge, indi nggat nggat elem na wok tuwakluk Mbal Pem Nagawan ebem nggi yurag-o. Nggi yosola-ge, Mbal Pem Nagawan-nen enabuwa karuk, indi konag-et ap pidsa we wok ondoso me, wok tuwa-o.


Inndi nggat nggat elem iri nggal iri-ge aid arem-nen mbuwaidnag-e lag-o. Are, nggweyak ma mende-nen yusu-o. Konak Indi-nen idnag-e lag-o. Sere-nen idnak-nen yusu-o.


Alat nde, aid arem-nen mbuwaidnak inndi nggat nggat elem-e yu nggal-o: Nandug-er-e mbek tag-et woraso, iri-nen-e lambuk tak onposo, yanggonak nak woraso, yidnak yidnak nak kwaroso, enabuwa nak kaso, konak mende nak kwarak poso-nen yusu-o. Inndi nggat nggat elem iri-ge ap entare lombonoso buk, indi-net nde enesiget siget yoso buk-nen yusu-o.


At Ambara-nen yak nindidnak wene yu-ge nit-nen kit yak kindili-o. Nde iri-ge Mbal Pem Nagawan-e yaya-nen yusu-o. Nde, at ebem-e ndamuk mbi mondok lag-o.


Enabuwa kagwi elem-e yur-o. Nit nanduk-nen Mbal Pem Nagawan abuwa kaige-ge lag-o. Are, at-nen nit nenabuwa karuk, nit meya yidnak amberam tak puwakluk at Ambara pil mbuwagaij-o.


Nde, o siri iri me-ge Mbal Pem Nagawan abinal-nen yaya rak posolat, tal ebe-ge Lomba Wam Marik-net yusu me, o siri iri me-nen-e mo min waneya min eyaya ukwe-ge mondok lag-o.


Ndamug-e mondok lak me, Mbal Pem Nagawan eyaya nak-nen it yaya rak onposolat wolma me, tal min mo eyaya min iri-ge ir-e ukwe yuwa bug-o. Nde, ir-e nagawan luk, pem-et woralik nalik irit wolma-o.


Isarael nap Enmbal Pem Nagawan Kek tak iri-ge ki nap inndi nggal-e lak me, enesiget na yoso buk, at indi-nen pidnak iri-ge mborok tak poso buk-nen yusu-o” luk yak tij-o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ