YAKOBUS 1:16 - Nanduk Ngget Tul Pidnak Wene

¹⁶ Nanggamirak kenabuwa worak wa-e. Kit na kit-net konmbol pem lali-ge meyog-o.

YAKOBUS 1:16 ပူးပေါင်းရင်းမြစ်များ

MATIUS 22:29

Yogolikma-ge, Yesus-nen wene erep nggarosolar-e: ”Kir-e Mbal Pem Nagawan engga mbarak iri kenaru buk, Mbal Pem Nagawan amawi na kenaru buk yili me, kir-e mondok kabak yili-o.

MARAKUS 12:24

Kin wok obogolikma-ge, Yesus-nen onggo yosolar-e: ”Kir-e Mbal Pem Nagawan engga min Mbal Pem Nagawan amawi min-e kenaru buk me, kir-e mondok kinndi kabak yili-o.

MARAKUS 12:27

Iri yid iri-ge Mbal Pem Nagawan-e wat yidnak nap Enmbal Pem Nagawan-e lag-o. Are, unluk worali nap Enmbal Pem Nagawan-nen yusu-o. Kir-e mondok kabak yili-o” luk yak indij-o.

YIDNAK YIDNAK WENE 1:15

Misik tarem-e inndi angin tubu yidnak nab-e seratus dua pulu (120) nggal ndok worak worakmu-ge, Peterus na it ennggendumu men luk-nen yosolar-e:

1 KORINTUS 6:9

Mot mot yugwi buk nap-nen-e Mbal Pem Nagawan-nen tenagaidnak wi winde yuwa buk na-ge kir-e kenaru bug-a? Kenambikpebe konmbol pem lali meyog-o. Mbabi kwarugwi min kugi erembel wanugwi min ap onkwe yebugwi min ap-net ap ye unpugwi min

NGGALATIA 6:7

Kit na kit kondomok konmbol pem lali-ge meyog-o. Ap-nen Mbal Pem Nagawan nggweyel uburag-e meya-o. Ap-nen uwi yagaidnak iri na-ge ebe yosoma, mbarugwi-net yusu-o.

PILIPI 2:12

Nenggamirak kenabuwa worak wa-e. Iri bem-e an-e kinmin worala-nen an-nen yidnak yidnak nak kwarogolat woraigep iri-ge ob-et nde, yawo an nebalma-nen na an-nen yidnak yidnak kwarogolat wolmomtak iri perak nde nggulog-o. Kit kondomok kinmiri yurak elem na-ge kwiye min konowak lele min-et wanogolat wolmer-o.

PILIPI 4:1

Iri bem-e nowe nowosi wa-e. An-e kit kenabuwa kwarat kasolar-e, an nindi kundugu kit kenpem worasu-o. Kir-e an nalen min an nuwirik menda min-nen yili-o. Nowe nowosi kenabuwa worak wa-e. Kir-e Nagawan Indo ebem-et tugup lak wolmer-o.

KOLOSE 2:4

Iri ala, ap misiger-o luk tet-nen konak wene yak kondosolat konmbol pem lujwa naru-nen an-e wene yu yak kundusu-o.

KOLOSE 2:8

Iri ala-ge, ap-nen kinndi wanogolar-e, ki nap enaru yidnak wene bem-nen na, ebe lak mende onmbol pem lagwi wene, ki nap-nen mul undugwi wene lom nde nggweyak ma yu tena woraso indi-nen yidnak wene bem-nen na ming kunpuwa naru, kwara-t wolmer-o. Wene iri-ge Kerisut-nen yidnag-e lag-o.

2 TIMOTIUS 2:18

It iri-ge ndemeret wene na lugud tak pogola-nen mul ondogolar-e: ”Ap unluk momtak tarem-e abu kwat yamu-o” yogola-ge, ap erep inndi angin tubu yidnak na lak tak pili-o.

IBERANI 13:1

Kerisut ebem-nen nanggam kanggam woragolat nabuwa kabuwa yugwi iri-ge puksa tena wolmer-o.

YAKOBUS 1:19

Nanggamirak kenabuwa worak wa-e. Wene yu kwara kinndi yebet ker-o. Ap pidsa mondok ndag-et nak kulurug-et nde, kenne orog-et yogolat, orog-et kinsilepma yogolat wolmomtag-o.

YAKOBUS 1:2

Nowe nowosi wa-e. Kit kinndi ngarurak mende nin tak nan tak iri kenpem mbosola-ge, nir-e imbiringgat tak nunpusu-o luk yebet kudtag-o.

YAKOBUS 2:1

Nanggamirak wa-e. Nit-nen idnak Nagawan Indo Yesus Kerisut, Unu kek tak Pidnak Nagawan iri ebem kit kinndi angin tubu yidnak iri na bem-nen ap enpage-ge lumbunurak pug-o.

YAKOBUS 2:14

Nanggamirak wa-e. Ap mbi-nen yosolar-e: ”An nindi angin tubu yigi-o” yosolar-et nde, ininggi-nen kwarugwi mende bem-e kwarigit lak ala-ge, no manggim ”An-e nindi angin tubu yusu-o” luk yusu-o? Nde, iri nggal kwasa indi angin tubu yidnak iri-nen inmiri yoso-a?

YAKOBUS 2:5

Kenabuwa worak nanggamirak wa-e. Wene yu koler-o. Nggweyak ma nap-nen enarengge lak eneyali nab-e Mbal Pem Nagawan-nen len onposolar-e, inndi angin tubu yugwi elem kwara winde rak unpuruk, Mbal Pem Nagawan abuwa kagwi nap enmanggim urul pidnak at-nen tenagaidnak wi na winde rak enpeyekluk len inpij-o.

YAKOBUS 3:1

Nanggamirak wa-e. Kit kennggendumu ap kwarat-nen ap mul undugwi nap yurak nak yili-ge meyog-o. Ap erep enpem-e wene te-t mbaruwa-t nde, nit mul undugwi nap nenpem-e, wene angin worag-et mbaruwa-ge kenaru nar-o.

YAKOBUS 3:10

Nenemnde misiget nggwe nak-net nde, imbiringgat wene mborosolat, imbiri lamut wene mborosolat yoso-o. Nanggamirak wa-e. Iri nggal kwarurag-e mondok meya-o.

YAKOBUS 4:11

Nanggamirak wa-e. Kit na kit-net nobokpe kobokpe yurak pug-o. Ta-nen nde anggam obok posolat, anggam ebem wene mbarosolat yoso ala-ge, at iri-nen-e imiri mbarak pidnak wene na meya rak posolat, imiri mbarak pidnak wene iri na ebem wene mbaroso nap-nen yusu-o. Alat nde, kar-e imiri mbarak pidnak wene iri na ebem wene mbaroso ala-ge, kar-e imiri mbarak pidnak wene-nen yidnak yidnak kwaroso nab-e lag-o. Are, imiri mbarak pidnak wene iri na ebem wene mbaroso nap-nen yusu-o.

YAKOBUS 5:12

Nanggamirak wa-e. Wene nggok lombog-e yu-o: Owak mbarogolar-e, mbal min nggweyak min yi mende ndi mende mbi min unu luk owak mbarurak pug-o. Mbal Pem Nagawan-nen kenpem wene mbaruwa naru, ”Ye” yurak ala-ge, ”Ye” nak yurag-o. Nde, ”Lag-o” yurak ala-ge, ”Lag-o” nak yurag-o.

YAKOBUS 5:19

Nanggamirak wa-e. Kit kennggendumu ap mbi-nen ndemeret wene na keya buruk, nin tula mburuwa-t nde, ap mbi-nen tuguruk nden yaga ibil lobok yosola-ge,