YAKOBUS 1:1 - Nanduk Ngget Tul Pidnak Wene

¹ Mbal Pem Nagawan min Nagawan Indo Yesus Kerisut min ndegel onposo nap Yakobus an-nen kit Yawuri nap kenlem duabelas ap ennggendumu nat karuk worali na wiwa-o yak kundusu-o.

YAKOBUS 1:1 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 18:31

Yakup ilirak enlem duabelas ereya na ndak wosa kerep duabelas wanij-o. Nde, iri-ge Nagawan Indo-nen Yakup imin yosolar-e: ”Kat kunu-ge Isarael-o” yid iri na ala karuk-nen kwarij-o.

ESERA 6:17

Iri kwarogolat tarem-e Mbal Pem Nagawan amanggim wosa pogolar-e, sapi kusi 100 min lomba kusi-ge 200 min, nde, lomba amarik mendaso 400 min irit piga-o. Nde, it meya kwaridnak enmberam tak purak pem-e kambing kusi dua belas irit wosa kan piga-o. Iri wosa pogolar-e, Isarael nap enlem dua belas ereya na ndak ndag-et dua belas irit piga-o.

ESET 3:8

Iri rak puruk, Aman-nen Nagawan Agasuweros yak tosolar-e: ”Nagawan wa-e, Kat-nen tenagidnak wi yu me-ge ap enlem misig-e ngguberenot woraidnak sa lombok yeba me wigak yidnak worali-o. Nde, ap enlem erep-nen kwarugwi-ge nin-et nde, it-nen kwarugwi-ge mondok arig-er-o. It-nen-e kat-nen tenagidnak wi yeba me-nen kwarogolat wolmomtak owak mbarak pidnak ereba na-ge mondok kwatli bug-o. Iri kwatli iri-ge nagawan kat-nen-e it ondomok inndi-nen pidnak ereba nak kwarogolat wolmakluk keya unpurak pug-o.

MBIRIGA WENE 24:4

Yogolikma-ge, Musa-nen-e Nagawan Indo-nen yid wene ereba-ge engga bem mbatlug-e, kub-e ndobo ayo bem Mbal Pem Nagawan amanggim wam wosa kan purak ondoro-ge kerep duabelas pem-nen konij-o. Nde, kerep duabelas iri-ge Isarael nap enlem duabelas iri na ndak ndag-er-o.

MATIUS 10:3

Pilipus min, Mbatolomeus min, Tomas min, pemerinta enmanggim tol ndok woroso nap Matius min, Alpius ambara Yakobus min, Tarius min,

MATIUS 13:55

At yu-ge o woroso nap ambara-t nde, at ija unu-ge Maria-t nde, at owottag-e Yakobus min Yusup min Simon min Yuras min yu-t nde,

MATIUS 19:28

Yosoloma-ge, Yesus-nen it yak ondosolar-e: ”An yak kendeyeg: O ngget ndak worak puwa iri me-nen-e Ap Ambara na-ge at-nen idnak nagawan ebem koreyak woraso sa abinal worak na bem kore yuwarig-e, an nimin nili nap kir-e nagawan-nen kore yugwi ondoro duabelas na ebem kore luk, Isarael nap enlem duabelas iri na enpem wene mbarugub-o.

MARAKUS 3:18

Andereas min Pilipus min Mbatolomius min Matius min Tomas min Alpius ambara Yakobus min Tarius min nuwi nggweyag-o luk imiri yoso nap Simon iri na min

LUKAS 22:30

An-nen tenagaidnak wi-nen nunggwi mende min yi min totno nul-o. Nde, kir-e nagawan-nen kore yugwi ondoro duabelas na bem kore luk Isarael nap enlem duabelas na tena unpuruk woragub-o” luk yij-o.

LUKAS 6:15

Matius min Tomas min Alpius ambara Yakobus min Simon uwi nggweyak imiri yoso nab-o luk yak tugwi na min

YOANES 12:26

An ndegel noboso nab-e an woraso sa an totno wolmokluk, an ndegel nuburak nab-e mondok an nimbirik nuwag-o. Nde, an ndegel nubuwa nab-e an Neid-nen kek tak ubuwa-o” luk yak indij-o.

YOANES 7:35

Yosoloma-ge, it Yawuri nap na-nen yak kerak mbogolar-e: ”At yu-ge ngge mborosoma-nen kir-e kagit lak yurak nde yij-o? Yawuri nap nin sa Yunani nap ennggendumu worali ereba na endam mbutluk, Yunani nap mul undurak pem yusu, lak?

YIDNAK YIDNAK WENE 1:13

Mbuwaigarik-nen-e o silmu wok yogolar-e, o kuri worak teram iri na me-ge Peterus min Yoanes min Yakobus min Andereas min Pilipus min Tomas min Mbatolomeus min Matius min Alpius ambara Yakobus min Age worak Simon min Yakobus ambara Yuras min woragwi sa irit laiga-o.

YIDNAK YIDNAK WENE 12:17

Nde, at-nen inggi warok pem nak-nen ”Kenne puk mer-o” yak unduruk, o kubu me-nen Nagawan Indo-nen lit uburuk lobok yidnak wene na kerengga yak indij-o. Yak undurug-e: ”Wene yu-ge Yakobus min nennggamirak tak inpidnak nap min kerengga yak undugup na-e” luk o nin me mbirij-o.

YIDNAK YIDNAK WENE 15:13

Wene na yogolikma-ge, Yakobus-nen yosolar-e: ”Nenggamirak wa-e. An yimin wene yu koler-o.

YIDNAK YIDNAK WENE 15:21

Nanduk woraiga tarem-net Musa-nen imiri mbarak pidnak wene-ge o siri oboksa yak enderenak irit tit, yawo-nen na pempa we woragwi tarem-nen tepan yugwi ma ereba-nen wonarugwi-o” luk yij-o.

YIDNAK YIDNAK WENE 15:23

Lenak unpurug-e, engga mbarak ininggim piga-o. Nde, engga iri bem-nen yogolar-e: ”Kit kennggamirak wirik inpidnak nap min ogore yidnak nap min-nen-e nennggamirak tak inpidnak enlem nin nap Antiokia min Siria min. Kilikia min woragwi nap kit pidsa ’Wiwa-o’ luk yak kindili-o.

YIDNAK YIDNAK WENE 2:5

Iri tarem-e Yawuri nap, Mbal Pem Nagawan indi aye worak nab-e yi wi ndi wi-nen lobok yidnag-e Yerusalem irit woraiga-o.

YIDNAK YIDNAK WENE 21:18

Nene luk, kub-e Paulus-e ninmin tak puruk, Yakobus kil mbirigenggal-e, ogore yidnak nap pidsa iri me worakmu, mbirige-o.

YIDNAK YIDNAK WENE 23:26

”Kunu kek tak woraso pemerinta nap Pelik Gubernor wa-e. An Kelaudias Lisias-nen wa yak kurusu-o.

YIDNAK YIDNAK WENE 26:7

Nit nenlem duabelas ninndi-ge tul pidnak wene na bem mbung mbung tak woragolar-e, kubu-nen lengge-nen Mbal Pem Nagawan erembel wok tenak worali-o. Nagawan Ageripa wa-e. An nindi-ge wene iri bem mbung mbung tak woraso bem-e Yawuri nap-nen wene nebem pili-o.

YIDNAK YIDNAK WENE 8:1

Ereya tarem-e Yerusalem-nen lambuk tak inpidnak nap lel mberel unpugwi tel korogolar-e, it pidsa na ndi rak onpogolar-e, Yurea wi min Samaria wi min ndi rak inpiga-o. Nde, wirik inpidnak nap nak perak nde iri me woraiga-o.

OROMA 1:1

Kerisut Yesus ndegel oboso nap Paulus an-nen engga yu mbarusu-o. Mbal Pem Nagawan-nen aid wene ap yak indil nurak pem wene mbo nuburuk, an-e wirik nibidnak nap tak nuburak pem len nibid nap-nen yusu-o.

NGGALATIA 1:19

Alat nde, an-e wirik inpidnak nap ereb-e eneyagit lak, Nagawan Indo owot Yakup iri nak kagi-o.

NGGALATIA 2:12

Yakobus-nen inpil lobok yidnak nap iri me wok yigit lak ma-ge, Peterus-nen-e nennggamirak enlem nin nap na inmin totno ningga-t nde, it iri na wok yogolikma-ge, iniye ambasap wabugwi nap iri na inndi aye-nen Peterus-e it enlem nin nap keya unpuruk, it inmin ninggit lak woragaij-o.

NGGALATIA 2:9

Iri ala-ge, it-nen-e Mbal Pem Nagawan-nen we wok ondoso mende an wok niridnak na karug-e, ap sarok Yakobus min Peterus min Yoanes min-nen-e an min Mbaranabas min nininggi tena buruk, wa yak kerak mbogolar-e, nit ninndi misiget yogolar-e, yu nggal yige-o: Nit nenmbereg-e enlem nin nap endam mborogolat, nde, ir-e Yawuri nap endam mborogolat mul-o luk yige-o.

TUGURUK YIDNAK WENE 30:3

Nagawan Indo Kenmbal Pem Nagawan-nen-e kenabuwa kasolar-e, nggilara ndibi ndi rak ap ennggendumu worali ereba ennggendumu-nen ndok wat kunpuruk, kinmin lobok yuwarig-e, yi mende ndi mende bem-e tuguruk ndak woragwi na nggal tak kunpuwa-o.

TUGURUK YIDNAK WENE 32:26

An nindi-nen-e it iri-ge unnu mondok lak wolmakluk lak tak unpurak yebet kaleb-et nde,

TUGURUK YIDNAK WENE 4:27

Nagawan Indo-nen-e kir-e nin nap ennggendumu ndibi ndi rak konposolat, kit kennggendumu-ge ap mariget nak kunluk woragub-o.

PILIPI 1:1

Pilipi woragwi marak nap oboksa, Kerisut Yesus ebem kinndi angin tubu yigep nap kit min ogore yidnak nap min it yongga undugwi nap min kenmanggim-e Kerisut Yesus ndegel ubugwi nap nit Paulus min Timotius min-nen yili-o.

2 TIMOTIUS 4:21

Kimamo yoso tarem wok yigit lak ma-net lobok yugun na-e. Ebulus min Pundes min Linus min Kelauria min nennggamirak erep oboksa-nen na wiwa-o yak kitli-o.

TITUS 1:1

Mbal Pem Nagawan ndegel oboso nap, Yesus Kerisut-nen idnak wirik nibidnak nap Paulus an-nen mbarusu-o. Mbal Pem Nagawan-nen len inpidnak nap inndi angin tubu yidnak na elem yabuwakluk, nit mul nindidnak aid wene, ndemeret wene iri na mul unduwakluk, an len nuburuk, wirik nibid irir-o.

1 PETERUS 1:1

Yesus Kerisut-nen wirik nibidnak nap Peterus an-nen-e Mbal Pem Nagawan-nen len kinpidnak nap, ap ennggenggerak sit mbit tak, o Pontus min Nggalatia min Kaparokia min Asia min Mbitinia min worali nap kit kenmanggim engga yu mbarusu-o.

2 PETERUS 1:1

Yesus Kerisut ndegel oboso nap, at-nen wirik nibidnak nap, Simon Peterus an-nen-e. Nenmbal Pem Nagawan min Ninmiri Yoso Yesus Kerisut min-nen-e lud tak nak kwaroso elem na bem-e kit kinndi angin tubu yuwakluk wok kondosolar-e, kit kinndi angin tubu yigep iri-ge nit ninndi angin tubu yige iri na nggal-et iminep mbarak irit wok kindid nap kenmanggim engga yu mbarusu-o.

YURAS 1:1

Yesus Kerisut ndegel oboso nap, Yakobus owot Yuras an-nen-e Nineid Mbal Pem Nagawan ebem-nen kenabuwa worak nap, Yesus Kerisut amanggim ndegel konposolar-e, Mbal Pem Nagawan-nen wene mbo kinpid nap kit kenmanggim engga yu mbarusu-o.

NAM PARA WENE 7:4

Iri luk, an kuliginggal-e ap lambuksa seratus empat pulu empat ribu (144,000) iri-ge Mbal Pem Nagawan-nen idnak lop nok tak pugwi mende-ge it inmbiriwak pem pidnak wene yak niriga-o. Nde, ap ereba-ge Isarael nap enlem duabelas ennggendumu-nen ya lit nda lit wok inpidnag-o.