WONARIDNAK WENE 27:18 - Nanduk Ngget Tul Pidnak Wene

¹⁸ Yosoloma, Nagawan Indo-nen Musa yak tosolar-e: ”Nun ambara Yosua iri wene mbo bi-o. At iri-ge abam mondok ndak-nen yusu-o. At irit anggul tena bi-o.

WONARIDNAK WENE 27:18 ပူးပေါင်းရင်းမြစ်များ

NDAK WIRIDNAK WENE 41:38

Iri luk, nagawan iri na-nen it yak ondosolar-e: ”Nit nennggendumu-ge ab-e Yusup ombol pem ap terak minik misik worasu-ge mondok lag-o. At yu nak perak Mbal Pem Nagawan Indi ebem worasu me, mondok ndak-nen yusu-o” yosoluk,

MBIRIGA WENE 17:9

Iri yogola, Musa-nen Yosua yak tosolar-e: ”Kar-e Amalek nap inmin wim tumbururak nap siyak lini-o. Nde, kub-e an-e Nagawan Indo-nen ’Waruk mbiri-o’ yid wangun iri na ninggem tenaga ndobo bem mendak woramin-o” luk yak tij-o.

NDANIEL 5:14

An-nen kolosolar-e, kar-e marak mbal pem nagawan ereba na indi-nen kobong tak kibidnak me, kar-e kindi tenggerak, kwara yebet kaso, mondok kindi nggat nggat kwiye worak nab-o luk yogola kuligi-o.

WONARIDNAK WENE 11:17

Nde, an-e iri me mbuwamindik, wene mbarul-o. Amawi kat wok kirigi ereba na-ge ereb-e menggesa it enpem pimin-o. Nde, kat karig-et nak angin pangin iri-ge meya-o. Ap kwarat yu ndegel unpurak yabu iri-ge kat yongga korogolat ereb-e it-nen wanurag-o.

WONARIDNAK WENE 27:23

inggi Yosua anggul tena buruk-nen Nagawan Indo-nen yak tid iri na ndak ndag-et yosolar-e: ”Yosua yu-ge an nondolmar-o” luk yak indij-o.

YOANES 3:34

Nde, Konak Indi ebis-et wok tidnak me, Mbal Pem Nagawan-nen wirik ibil lobok yidnak nap-nen-e Mbal Pem Nagawan-nen yidnak wene nak yak ondoso-o.

YIDNAK YIDNAK WENE 13:3

Yak ondosoloma-ge, ir-e mburu ninggit lak woragolar-e, tepan luk, it ininggi-nen mberen nap na tena unpurug-e, wirik inpiga-o.

YIDNAK YIDNAK WENE 19:6

Yi ma unpurug-e, Paulus na inggi it enpem posoloma-ge, Konak Indi-ge it enpem mbuwasolar-e, nin wene nan wene bem yogolat, aid wene yiga-o.

YIDNAK YIDNAK WENE 6:3

Iri bem-e, nowe nowosi wa-e. Kit kennggendumu-nen ap tuju mburu tumburuwakluk lenak onpogolar-e, ab-e entembel wanugwi nab-et, Konak Indi-ge enarem kobong tak woragwi nab-et, inndi worak nap irit lenak enper-o.

YIDNAK YIDNAK WENE 6:6

It iri-ge wirik inpidnak nap na endam inpil lobok yogola-ge, ir-e tepan yuruk ininggi-nen tena inpiga-o.

TUGURUK YIDNAK WENE 31:14

Imbirig-e, Nagawan Indo-nen Musa yak tosolar-e: ”Kat kuruk wolmomtag-e poro yusu me, Yosua iri wene mbo uburuk, an nuwi lije ma imin lobok yi-o. An-nen at-nen kwarosolat wolmomtak wene mirik ibimin-o yosoloma-ge, Musa min Yosua min-e Nagawan Indo ama mborogola-ge,

TUGURUK YIDNAK WENE 31:23

Nde, Nagawan Indo-nen Yosua Nun ambara iri na yak tosolat-nen yosolar-e: ”Kar-e mondok kindi tugup lak, kwiye lak irit wolmin-o. Yosua kar-e Isarael nap iri lit unpuruk o an-nen ’Wok kindimin-o’ luk urul yak indigi iri na me nggugun-o. Iri yosola, an-nen-e yongga-t kirimin-o” luk yak tij-o.

TUGURUK YIDNAK WENE 31:3

Nagawan Indo Kenmbal Pem Nagawan ar-et anggul tak kunpuruk mborosolar-e, yi ap ndi ap enlem iri me worali ereba-ge lak tak unpuwama, it onnggweyak iri kit-nen winde yugub-o. Iri yogolar-e, Nagawan Indo-nen yid iri na ndak ndag-et Yosua-ge at-nen anggul tak kunpuruk nurak nap kwat ma-o.

TUGURUK YIDNAK WENE 34:9

Nde, Nun ambara Yosua iri na-ge Musa-nen-e at ondolma-t lenak ibidnak me, Nagawan Indo-nen-e indi nggat nggat elem kwarat wok tij-o. Iri yosola-ge, Isarael nab-e Yosua-nen yidnak yidnak kwarogolat, Nagawan Indo-nen imiri mbarak pidnak wene Musa ebem pamu, Musa-nen mul indid wene ereba na kwarogolat woraiga-o.

1 TIMOTIUS 4:14

Konak Indi-nen we wok kiridnak mende iri-ge kar-e liring liring tak purak pug-o. Nde, we wok kiridnak mende iri-ge lambuk tak inpidnak nap-nen idnak ogore yidnak nap ininggi kanggul pem piga tarem-nen ”At iri nggal kwaruwa-o” luk kurul pidnak tarem-nen wok kirid nar-o.

1 TIMOTIUS 5:22

Mbal Pem Nagawan eyabu wanuwaklug-e, mija lele ap enanggul tenagurak pug-o. Nin nap-nen meya yidnak arem kat tet nggurak pug-o. Are, kwara ndegel korasolat, mbek tak irit wolmin-o.

IBERANI 6:2

Nde, wene owak iri erep na, ap yi ma unpugwi wene min enanggul tenakwi wene min ap wat yidnak unluk yurak wene min meya yidnak onggo enpem wene mbaruwama, pempa andi bandi kerenak wolmomtak wene min iri-ge keya buwog-o.

YOSUA 1:17

Nde, nir-e pempa Musa-nen yidnak nak kwatli iri na nggal-et kat-nen yidnak nak kwarul-o. Nde, Nagawan Indo-ge Musa imin woragid iri na nggal-et kat kimin wolmag-o.

WENE MBENARUGWI NAP-NEN KWARIDNAK WENE 11:29

Iri lug-e Nagawan Indo Indi-ge Yepta ebem mbuwasolar-e, Yepta na-ge o Nggileat min Manase min ereba nggwe kil mberarik, tuguruk Nggileat nggweyak pem o Mespa lobok yij-o. Nde, iri me-nen-e nok Amon nap onnggweyak nggwe irit mbirij-o.

1 SEMUEL 16:18

Iri yosola kulurug-e, at ndegel oboso nap misik-nen Saul yak tosolar-e: ”Mbetleyem woraso nap Isai ambara misig-e kecapi poba ene yoso aru nap misik worasu-o. Ar-e san ombo konak, kwiye na lak, amawi worak, wene yoso mondok indi tenggerak-nen yusu-o. Nde, Nagawan Indo-ge imin-et woraso-o” luk yak tij-o.