WONARIDNAK WENE 24:7 - Nanduk Ngget Tul Pidnak Wene

⁷ talme amburu kwarat wanogolat, it-nen uwi yakolar-e, yi kwarat worak sa yagili-o. It-nen idnak nagawan-e at kwara tena uburuk, woralar-e, Nagawan Agak-nen at-nen tenagidnak wi tena woraso nggal-e lag-o. Are, terak minik irit tena wolma-o. At-nen tenagidnak wi-ge kek tak irit puwa-o.

WONARIDNAK WENE 24:7 ပူးပေါင်းရင်းမြစ်များ

2 SEMUEL 5:12

Iri bem-nen Ndaut-nen perasolar-e: ”Nagawan Indo-net an-e Isarael nap enanggul pem nagawan tugup lak tak nobosolat, an-nen tenagidnak wi-ge Nagawan Indo ilirak Isarael nap enmanggim amawi rak posolat kwarusu-o” luk yebet kagaij-o.

1 NAGAWAN NAGAWAN-NEN KWARIDNAK WENE 5:1

Nde, Tirus nap nagawan Iram iri na-ge Ndaut imin kundik woragij-o. Nde, Iram-nen kulidnggal Salomo na-ge Ndaut ondolma nagawan men yidnak wene kulurug-e, ap ereb-e Salomo eram inpil mbirij-o.

ESET 3:1

Nde, siyak woraruk abok nggwe-ge Nagawan Agasuweros iri na-ge ap misik unu-ge Aman iri na-ge at indipma nagawan irit mendak ibij-o. Nde, Aman iri-ge Amendata ambara, Agak-nen wigarag-o.

NDAWI ENGGA 72:11

Nagawan nagawan oboksa at eram yud tud mbuwa-o. Ap enlem oboksa at ndegel ubugwi nap irit kwat ma-o.

NDAWI ENGGA 89:27

Iri yosola, an-nen kwarak obosolar-e, an nambara manggiya rak ibimin-o. Iri rak pumu, nagawan oboksa ennggendumu-nen nagawan anggu obok worak tak pimin-o.

YESAYA 2:2

Nde, abok woragolar-e, ndobo amun Nagawan Indo uwi worak worasu iri na-ge munduruk abu-t lujwarik, ndobo amun min ndobo yok nggok ereba na min anggul pem tugup lak nggasesa menluk keya buwa-o. Nde, iri yosola-ge, ap enlem oboksa-nen nggwid nggwid nggubunuruk at ama iri me mburuwa-o.

YESAYA 9:7

At-nen-e Ndaut-nen wigarak, at ondolma nagawan o tena wolma-o. Nde, at-nen tenaguwa wi-ge mondok terak mena irit tenaguwa-o. At-nen tenaguwa wi-ge konak yamuk tak irit wolma-o. At-nen tenagidnak wi-ge yawo-nen kuri pem irit woralar-e, ndemeret mot mot nak irit wolma-o. Nagawan Indo Mondok Amawi Worak iri-nen-e ndemeret mondok kwaruwar-o. 9:8–10:34 Pasal yeba arem-e Mbal Pem Nagawan-nen abare abam (utara) nggwe woragwi Isarael nap enpem angin worak pidnak wene iri na-ge abare ena (selatan) nggwe woragwi Yewura nap ereba na mirik unpuwakluk yak tidnak wene mbarak worasu-o. Alat nde, Mbal Pem Nagawan-nen at ilirak meya nak kwarugwi ereba na lel mberel unpuwakluk enlem Asiut nap ininggem pij-et nde, it Asiut iri na mondok lak tak unpurak wene na mbarak worasu-o.

NDANIEL 2:44

Nde, nagawan ereba na-nen o tena woragola tarem-e aid arem woraso Mbal Pem Nagawan-nen-e nagawan misik-nen tenagidnak wi kwarak puwa iri-ge ap enlem mbi-nen mondok urugwe nggwe rak puwa buk, pem irit wolmomtak wi irit puwa-o. Nde, nagawan misik-nen tenagidnak wi yu-nen-e nagawan erep-nen tenagidnak wi ereba na oboksa ndamera yigisa irit keya buwa-o.

WONARIDNAK WENE 24:20

Iri luk, yik kagwi mende iri na bem-nen yik kagaidnggal-e, Amalek nap irit yik eneyagaij-o. Eneyarug-e, abok-nen kwat ma wene yu urul pij-o: ”Yi nap ndi nap oboksa ennggendumu-nen-e mondok amawi worag-e Amalek nap nag-o. Alat nde, it Amalek nap iri-ge abog-e abu abu mondok lak ma-o” luk yij-o.

YOANES 1:49

Yak tosoloma-ge, Natanael-nen at yak tosolar-e: ”Mul Ondoso Nap wa-e. Kar-e Mbal Pem Nagawan ambara-t keyagi-o! Isarael nap ennggendumu nagawan-e kar-er-o!” luk yij-o.

NAM PARA WENE 11:15

Iri luk, tuju bem tak posolat aid nap iri-nen oboba ene yij-o. Yosoloma-ge, aid arem-nen enne ngguloksa yogolar-e: ”Nggweyak ma wi yu tena wolmomtak amawi-ge nit Nenagawan Indo min at-nen lena mendak ibidnak Kerisut min ininggem worasu-o. Nde, at-nen tena buruk worasolar-e, pem-et woralik nalik irit wolma-o!” luk yiga-o.

NAM PARA WENE 17:1

Iri luk, yimbe tuju tena woraiga aid nap tuju ereya na ennggendumu misik-nen-e an neram lobok yarik-nen yosolar-e: ”Lobok yi-o. Terak yebugwi kwe nggulok iri na ebem mbaruwa wene mirik kibimin-o. Nde, iri-ge yi kwarat korok korok wiridnak o siri nggulok irir-o.

NAM PARA WENE 17:15

Iri luk, aid nap iri-net an yak norosolar-e: ”Terak yebugwi kwe iri na ebem koreyak worasola kaigen yi iri-ge ap enlem ndomok min ap pik paksa min unuwi nggweyak lombok woragwi min ap enne ndomok min iri-net yusu-o.

NAM PARA WENE 19:16

Nde, at usum pem min at awak pem min-e at unu-ge ”Nggweyak ma nagawan oboksa onmbol pem Nagawan-o. Ap nggok oboksa onmbol pem Nagawan Indo-nen yusu-o” luk mbarag-o.