WONARIDNAK WENE 23:9 - Nanduk Ngget Tul Pidnak Wene

⁹ Ndobo ereba anggul pem-nen Isarael nab-e yik iniyil mbirigi-o. Ndobo amun ereba bem-nen eneyagi-o. It iri-ge ap enlem nin nap inmin nat karug-e lak. It nag-et lenak eneyagi-o.

WONARIDNAK WENE 23:9 ပူးပေါင်းရင်းမြစ်များ

ESERA 9:2

Iri kwarogolar-e, Yawuri nap-nen-e enlem nin kweyap wok onpogolat, iri nggal kwarogolar-e, Nagawan Indo ilirak at ondomok arengge-o luk lenak kop kap lak woragwi iri na-ge kop kap tobok tak piga-o. Nde, mondog-et tel kwiriga iri-ge Isarael nap ennggendumu enne kulugwi nap min ap yabu ombo kek tak min-net kwariga-o” luk yak niriga-o.

ESET 3:8

Iri rak puruk, Aman-nen Nagawan Agasuweros yak tosolar-e: ”Nagawan wa-e, Kat-nen tenagidnak wi yu me-ge ap enlem misig-e ngguberenot woraidnak sa lombok yeba me wigak yidnak worali-o. Nde, ap enlem erep-nen kwarugwi-ge nin-et nde, it-nen kwarugwi-ge mondok arig-er-o. It-nen-e kat-nen tenagidnak wi yeba me-nen kwarogolat wolmomtak owak mbarak pidnak ereba na-ge mondok kwatli bug-o. Iri kwatli iri-ge nagawan kat-nen-e it ondomok inndi-nen pidnak ereba nak kwarogolat wolmakluk keya unpurak pug-o.

MBIRIGA WENE 33:16

Kat nde nit ninmin mbirigit lak yosolar-e, kat-nen an min kat kelem yu min-e kalen nenpem pusu iri-ge nggesa-nen it mbepme nggwe-nen enaru ma-o? Kat nit nennggendumu worasu iri bem-nen nit nggweyak ma yu me woragola-ge, yi ap ndi ap ennggendumu-net nde, nir-e arik lenak nunpusu-o” luk yak tij-o.

AMOS 9:9

An-nen ’Iri kwarurag-o’ luk wene wirik pumu, nggandum mbato ebe min abapno min lunugwi nggal, pil kagwi mende bem-nen Isarael nab-e pil kujwa-o. It ennggendumu ebe lak mende ereba na oboksa lena keya bosolar-e, it ereba na-ge nin nap ennggendumu naruk karuk tak inpimin-o.

MIKA 7:14

Nagawan Indo wa-e. Kat-nen len inpigen kilirag-e kwara ndegel onposolat wolmin-o. It iri-ge nggweyak amburu worak nggwe yobok tak ma walma ereba worali-o. Nde, it iri-ge nanduk-nen kwariga nggal Mbasan min Nggileat min karu me tusuangge ndumu ereba me-nen nunggwi mende nonggolat wolmakluk keya inpi-o.

2 KORINTUS 6:17

Iri bem-e, Nagawan Indo-nen yosolar-e: ”Kir-e it ennggendumu-nen wurungsa mburugupndig-e it inmin lambuksa wolmomtak pug-o. Mbilaro ngin mende iri mondok keya bugup ala-ge, an-nen wok kinpimin-o.

TUGURUK YIDNAK WENE 32:8

Amawi Worak Mondok Kek tak iri na-nen nggweyak tomborosolar-e, ap enlem lombok oboksa-nen it wolmomtak unuwi nggweyak lombok kuri wosa mbal indil lobok yamu-o. It-nen erembel wanurak enmbal pem nagawan amawi worak lombog-et winde rak enpamu-o.

TUGURUK YIDNAK WENE 33:28

Yakup-nen wigarag-e o nggandum mbato min anggut engen amburu min kwarat iri na me yamuksa woragola, mbal pem-nen onggweyag-e lilangen-nen amburu rak posolat wolma-o.

TITUS 2:14

Yesus iri-ge yi meya ndi meya kwarugwi inggem-nen ninmiri yekluk, at ondomok amanggim marak nunpuruk, at elem nap tak nenpeyekluk, ”Konak mende nak kwaruwog-o” yugwi nap tak nenpeyekluk, at-net at ambikpebe iminep nit nenmanggim wesel koragaij-o.

1 PETERUS 2:9

Alat nde, kir-e len kinpidnak nap elem yogolat, nagawan-nen idnak tepan ombo yogolat, marale elem yogolat, Mbal Pem Nagawan ondomok ilirak yogolat yili-o. Ndamuk arem-nen at eyaya kwiye worak arem nggobokluk, Mbal Pem Nagawan-nen wene mbo kunpuruk, len kinpid iri-ge at-nen kwiye worak kwaroso wene iri na tomborobokluk, wene mbo kinpij-o.