WONARIDNAK WENE 23:3 - Nanduk Ngget Tul Pidnak Wene

³ Iri luk, Mbileyam-nen Mbalak yak tosolar-e: ”An-e Nagawan Indo-ge an nimin lambuk ma, lak? luk kil mbirimin-o. Kar-e kat-nen idnak wam wosa kan pigen eralu yeba-t wolmin-o. Nde, Nagawan Indo-nen yak nuruwa wene-ge yak kirimin-o” yak turuk, Mbileyam na arig-et nak ndobo misik pem mbirij-o.

WONARIDNAK WENE 23:3 ပူးပေါင်းရင်းမြစ်များ

NDAK WIRIDNAK WENE 22:13

Iri yosola ereya na-net Abarakam na yik kagaidnggal-e, lomba wam kusi misik anggul ambo wererak ereya na-nen egere bem ket mbetla keya buruk worasoma, yik kagaij-o. Karuk, Abarakam-nen-e lomba wam kusi iri na-ge waga yarik, ambara Isak ondolma Mbal Pem Nagawan amanggim wosa kan pij-o.

NDAK WIRIDNAK WENE 22:2

Yosoloma, Mbal Pem Nagawan-nen yak tosolar-e: ”Kar-e kambara misiget nderak Isak kindi kundik iri imin luk, o Moria nggwe mbiri-o. Nde, ereba ma-nen an-nen-e ndobo misik mirik kibimin-o. Nde, ndobo iri bem-e kambara iri-ge an namanggim wosa kan pi-o” luk yak tij-o.

NDAK WIRIDNAK WENE 8:20

Nu-nen-e Nagawan Indo amanggim wam mbara kan purak ondoro konurug-e, yi towe ndi towe oboksa enggep lombok min wam nin tak nan tak nalma mende oboksa enggep lombok wosa mbara emben Nagawan Indo wok tosolat, mbara kan pij-o.

MBIRIGA WENE 18:12

Iri luk Yitero-nen-e Mbal Pem Nagawan amanggim ebis-et kan pugwi mende min wosa mbara kan pugwi mende min siyak mbi Mbal Pem Nagawan amanggim pamu-ge, Arun min Isarael nap ennggendumu-nen enne kulugwi nap ereba na lobok yigarik Yitero imin lambuksa Mbal Pem Nagawan eram iri-nen ningga-o.

TEPAN OMBO-NEN KWARURAK WENE 1:1

WONARIDNAK WENE 23:12

Yosoloma, Mbileyam-nen erep nggarosolar-e: ”An-e Nagawan Indo-nen yurak yak niridnak wene nak yimin-o” luk yak tij-o.

WONARIDNAK WENE 23:15

Mbileyam-nen Mbalak yak tosolar-e: ”Kar-e kat-nen idnak wam wosa kan pigen ereba eralu wolmin-o. Nde, an-e endeba Nagawan Indo imin lambuk yurak pem mburusu-o” luk yak tij-o.

WONARIDNAK WENE 23:2

Yosoloma-ge, Mbalak na-ge Mbileyam-nen yak tid iri na ndak ndag-et kwarij-o. Nde, wam wosa kan purak ondoro konid ereba na bem wosa pogolar-e, ondoro misik pem sapi kusi misik, lomba kusi misik, iri kwasa mberen lombok ondoro ndak wosa kan pil lobok yiga-o.

WONARIDNAK WENE 23:26

Yosoloma-ge, Mbileyam-nen onggo yosolar-e: ”Nab-o. An-e Nagawan Indo-nen yak nuruwa nak kwarimin-o yak kirigi nar-o” yak tij-o.

WONARIDNAK WENE 23:4

Mberarikmu, Mbal Pem Nagawan-e Mbileyam eram lobok yosola, Mbileyam-nen Mbal Pem Nagawan yak tosolar-e: ”An-e wam wosa kan purak ondoro tuju konuruk, ondoro irit wosa wam-e sapi kusi misik, lomba kusi misik ondoro irit wosa mberen lombok kan pigi-o” luk yak tij-o.

WONARIDNAK WENE 24:1

Mbileyam-nen lombot pidnggal-e, Mbal Pem Nagawan indi-n perasolar-e: ”Mbileyam iri-ge Isarael nab-et inmbiringgat tak unpurak” eberasu iri na karug-e, Mbileyam na-ge Nagawan Indo-nen tu mirik uburak pem nin me nin me mburusu iri na-ge keya bij-o. Keya burug-e, erengen-e nembaga nggwe yik kagaidnggal-e,

MATIUS 4:8

Iri rak puruk, Sere na-nen tuguruk Yesus na imin luk ndobo nggulok pem teram imin lagarik, at mirik obosolar-e, nggweyak ma yu me ap-nen tenagaidnak wi oboksa min nggweyak ma woraso mende min iri na mirik ibij-o.

YOSUA 24:10

Iri yij-et nde, an-nen-e Mbileyam indi-nen pidnag-e kwarigit lak ala karug-e, Mbileyam-nen-e imbiringgat tak kinpij-o. Iri nggal kwasa Mbalak-nen kundurak yij-et nde, an-nen kinmiri yigi-o.