WONARIDNAK WENE 21:7 - Nanduk Ngget Tul Pidnak Wene

⁷ Iri ala, Isarael nap Musa eram lobok yogolat-nen yak togolar-e: ”Nir-e kat min Nagawan Indo min met kinpige iri-ge, ndemeret meya kwarige-o. Waro yeba nit nenndam-nen lak tak puwak-nen kat-nen Nagawan Indo emengen mbari-o” yogolikma, Musa-nen ap ereba enmanggim Nagawan Indo emengen mbarosoloma,

WONARIDNAK WENE 21:7 ပူးပေါင်းရင်းမြစ်များ

NDAK WIRIDNAK WENE 20:17

Abimelek-nen Abarakam ogwe Sara waneyekluk yid iri na bem-nen ndowaga Nagawan Abimelek woraso sa woragwi kweyab-e Nagawan Indo-nen ibiri rak inpij-o. Iri ala karuk, Abarakam-nen Mbal Pem Nagawan emengen mbarosola-ge, Abimelek iri na ki rak obosolat, at ogwe min ndegel ubugwi kweyap min ki rak inpij-o. Iri yosola-ge, kweyap li ndakwi buk kwat yiga ereba na-ge tuguruk li ndakwi kwat yiga-o.

NDAK WIRIDNAK WENE 20:7

Alat nde, yawo-ge kwe iri-ge tuguruk un eram pil mbururag-o. Nde, kwe iri un-e an nene lomboksa yoso nap-nen yusu-o. At-nen-e kat wat yugun naru kamanggim tepan yuwa-o. Nde, kat-nen nde kwe iri nde un eram pil mbirigit lak yugun nggwe-ge kat min kat kuwokma woragwi min oboksa wat yugub-o” luk yak tij-o.

1 NAGAWAN NAGAWAN-NEN KWARIDNAK WENE 13:6

Iri ala karuk, Nagawan Yerobeam-nen Mbal Pem Nagawan ene lomboksa yoso nap iri na yak tosolar-e: ”An ninggi konak tak puwakluk kat-nen Nagawan Indo Kembal Pem Nagawan iri emengen mbari-o” luk yak tij-o. Yosoloma, Mbal Pem Nagawan ene lomboksa yoso nap iri na-nen tepan Nagawan Indo nggi yak tosola-ge, nagawan iri na inggi-ge konak yij-o.

AYUP 42:10

Nde, Ayup-nen anggamirak kenan iri na enmanggim tepan yij-o. Iri luk ombol nggwe Nagawan Indo-nen tuguruk Ayup iri na yi mende ndi mende ombo rak posola-ge, at aringgi arengge-ge nanduk ereba na nggal nag-et mberen pem nambena irit wok tij-o.

AYUP 42:8

Iri yigepndik me, nde, yawo-ge kusi nak sapi-ge tuju, lomba ge tuju waruk Ayup eram mburugupndik, wam ereba-ge kit meya yidnak pem kondomok kenmanggim wosa kan per-o. Kan pogola-ge, Ayup-nen-e kit kenmanggim tepan yuwa-o. Nde, Ayup-nen tepan yuwa iri-ge an-nen e kolosolar-e, kir-e onggo angin worak kenpem purag-et nde, an-nen-e kinnggiri rak pimin pug-o. Kir-e an nowene-ge ndemeret mot mor-e yigit lak yigepma-o. Nde, Ayup-nen perak ndemeret mot mor-et yamu-o” luk yak tij-o.

MBIRIGA WENE 10:17

Iri ala-ge, an kwarigi iri-ge yawo-net kenmberam tak per-o. An nebem angin worak mende pamu, nundusu yu lak tak puwak-nen Nagawan Indo Kenmbal Pem Nagawan eram tepan yer-o” luk yak indij-o.

MBIRIGA WENE 32:11

Yosoloma, Musa nen Nagawan Indo Ambal Pem Nagawan emengen mbarosolat-nen yosolar-e: ”Nagawan Indo wa-e. It yu-ge kat-nen tena unpuruk kinggi amawi bem Mesira-nen inmiri yaga wok unpuruk lobok yigen na-t nde, kar-e noluk-nen iri kwat unpugun-o?

MBIRIGA WENE 32:30

Nene luk kub-e Musa-nen Isarael nap yak ondosolar-e: Kir-e mondok meya nggok kwarigeb-et nde, an-e Nagawan Indo eram tuguruk ndobo bem lamin-o. Lamindig-e, kit-nen meya kwarigep iri-ge amberam tak kunpuwa nde ma-o” yak indij-o.

MBIRIGA WENE 8:28

Yosoloma, Pirayon-nen yosolar-e: ”Nagawan Indo Kenmbal Pem Nagawan iri amanggim wam wosa kan pil ap lak ma nggwe mbururak iri-ge ob-er-o. Mbigija-ge kit-nen erepma nggwe mbirigit lak yurak iri nag-o. Nde, tepan an namanggim yurag-o” yij-o.

MBIRIGA WENE 8:4

Nde, mangge ereba-nen-e kat min ndegel kubugwi nap min o bem nap min oboksa kenpem yubu lubu mbuwa-o’ ”

MBIRIGA WENE 8:8

Iri ala, nagawan iri na-nen Musa min Arun min wene mbo unpuruk-nen yak ondosolar-e: ”Mangge yeba lak tak puwak-nen kir-e Nagawan Indo eram tepan yer-o. Iri ala-ge, kit kenlem nab-e wam wosa Nagawan Indo amanggim puwakluk lerak keya inpimin-o” luk yak indij-o.

YEREMIA 15:1

Nagawan Indo-nen an yak norosolar-e: ”Musa min Semuel min-nen an neram yu me mendak woragolat, it ap enlem yu an-nen enabuwa yuwakluk nemengen mbaruwa-t nde, an-e ap enlem yu-ge mondok enabuwa yimin pug-er-o. Ap enlem yu-ge an-nen yik iniyudtag-e mondok nimbir-o! ’Ndak mberer-o’ yak indi-o!

YEREMIA 37:3

Nde, Nagawan Sendekia-nen-e Selemia ambara Yukal min Masea ambara tepan ombo Sepania min-e an-nen it Isarael nap enlem oboksa enmanggim tepan Nagawan Indo Nenmbal Pem Nagawan emengen mbarurak yak nuruwakluk wirik inpil lobok yij-o.

OSEA 5:15

Nde, an nilirag-e mondok keya inpimin-et nde, it-nen meya kwaridnak iri na-nen ndowaga andi bandi kwarat karuk, eneyanggo wat luk, an nogore yogola-net wok inpimin-o. Nde, erep-nen-e it-nen andi bandi kagolat iri-net an nogore yuwa nde ma-o” luk yij-o.

WONARIDNAK WENE 11:2

Kan nasola-ge, ap ereba na-nen enne nggoksa Musa yak togolar-e: ”Ndak yongga nindi-o” luk yiga-o. Iri yogola, Musa-nen Nagawan Indo emengen mbarosola-ge, kan iri na-ge nigi yij-o.

MATIUS 27:4

Mberarik, at-nen yosolar-e: ”An-e mondok meya yigirig-o! Ap mondok meya yoso bug-et nde, at wuruwakluk wesel indigi-o!” luk yij-o. Yosoloma-ge, it-nen wene erep nggarogolar-e: ”Nde, iri-ge nit nenpem nde kasu-a? Kat kondomok kebem-net yusu-o” luk yiga-o.

YIDNAK YIDNAK WENE 8:24

Yak tosoloma-ge, Simon-nen yosolar-e: ”Kit-nen yigep mende iri an nebem mbuma naru, an namanggim Nagawan Indo emengen mbarer-o” luk yij-o.

OROMA 10:1

Nowe nowosi wa-e. An nindi mbung mbung tak lombog-e an nelem nap inmiri yuwakluk, an-e kiri keresa it enmanggim Mbal Pem Nagawan emengen mbaroso-o.

TUGURUK YIDNAK WENE 9:20

Nagawan Indo isilepma-ge Arun ebem min-et puruk, at wururak yij-et nde, an-nen-e Arun min-et imiri yuwakluk tepan yukmur-o.

YAKOBUS 5:16

Iri bem-e, kit ki rak kunpuwaklug-e, kit na kit-net meya yidnak pal kerak mbogolat, kit na kit-net tepan pegerak mbogolat wolmer-o. Lud tak nak kwaroso nap-nen indi angin tubu yosolat-nen tepan yusu iri-ge amawi kwarat-nen yusu-o.

1 SEMUEL 15:24

Nde, Saul-nen wene iri kulurug-e, at-nen para Semuel yak tosolar-e: ”Ndemeret. An-e Nagawan Indo ene na tarosolat, an-nen kwarurak kat-nen mirik nibigen na tarigi-o. Nde, iri kwarigi iri-ge an nimin nugwi nap inndi aye-nen it enne nggarigirig-o.

1 SEMUEL 15:30

Yak tosoloma-ge Saul-nen onggo yosolar-e: ”An-e meya-t kwarigi-o. Alat nde, yongga norosolar-e, nab-o. An-e Nagawan Indo nombo Kembal Pem Nagawan erembel waneyek-nen tuguruk nenmberek mburuwog-o. Iri nggal kwasa nimin mborosola-ge, Isarael nap ennggendumu enne kulugwi nap min Isarael nap oboksa min enlengen pem-e kek tak nobosolat-nen kwarugun-o” luk yak tij-o.