WONARIDNAK WENE 20:8 - Nanduk Ngget Tul Pidnak Wene

⁸ ”Kar-e wangun urul pidnak wene labu mbarak eralu worasu iri wanuruk, kat min Arun min-nen-e Isarael nap oboksa ndok worak enper-o. Iri rak unpuruk, it oboksa enlengen pem-et kerep nggok iri arem-nen yi pilana womakluk, kar-e mondok kerep nggok iri wene yak ti-o. Iri kwarosolar-e, kerep nggok iri arem-nen yi pilana pil wagunmu, ap ereba min onowam min oboksa yi nujwa-o” luk yak tij-o.

WONARIDNAK WENE 20:8 ပူးပေါင်းရင်းမြစ်များ

NDAK WIRIDNAK WENE 18:14

Nagawan Indo-nen-e kwarugwi buk mende-t nde kwarurag-e meya? Waneya sembilan woraruk, an-e lobok yimin-o luk urul pigi iri tarem-e Sara-ge la li ap mbi ndaguwa-o luk yak kirigi nar-o” luk yak tij-o.

NEMIA 9:15

Nde, it-nen nunggwi mende lak yosolat, nere yogola-ge, kat-nen-e teram nggwe-nen oroti wok indigen-o. Kerep tulurak puk arem-nen-e yi nere lak tak poso yi pilana pil waigen-o. Kat-nen ’Wok kindimin-o luk owak mbara yak indigen o iri na me-t koreyak inpigen-o.

NDAWI ENGGA 105:41

At-nen-e kerep ngara keya buruk, yi-ge pilana wasolar-e, nembaga iri me yi mbirij-o.

NDAWI ENGGA 114:8

At-nen-e kerep tumbu-ge yi ugup nde kwarak posolat, kerep ndobo-ge yi ulusu nde kwarak posolat yoso-nen yusu-o.

NDAWI ENGGA 33:9

Iri kwarugwi iri-ge at ene nak-nen ”Iri nggal kwat mag-o” yidnak pem nak oboksa ndak wosa labuk yosolat, at-nen ”Iri nggal kwat min-o” yid pem nak oboksa ndak wosa labuk yil lobok yosolat kwarid iri bem-net kwarurag-o.

MBIRIGA WENE 14:16

Wangun wanugundik, yi koma ambigit nuk karuk wolmin-o. Iri yosola, yi koma iri-ge poksa ena nggwe piri, abam nggwe piri yuwa-o. Iri yuwama, Isarael nab-e ogorak nggwe ndilujwa-o.

MBIRIGA WENE 17:9

Iri yogola, Musa-nen Yosua yak tosolar-e: ”Kar-e Amalek nap inmin wim tumbururak nap siyak lini-o. Nde, kub-e an-e Nagawan Indo-nen ’Waruk mbiri-o’ yid wangun iri na ninggem tenaga ndobo bem mendak woramin-o” luk yak tij-o.

MBIRIGA WENE 4:17

Kar-e wangun iri waruk mburugundik, wangun iri bem-nen kwiye worak mende-ge kwarosolat woragun-o” luk yak tij-o.

MBIRIGA WENE 4:2

Yosoloma, Nagawan Indo-nen Musa kin wok obosolar-e: ”Kinggem iri-ge no mende-o?” yosoloma, ”Wangun-o” luk yij-o.

MBIRIGA WENE 4:20

Musa-nen ogwe min elirak min ”Mburuwog-o” yak unduruk, elirak min ogwe min ndegera kelerai wam ombolwak pem inpil larug-e, Mesira wi mbiriga-o. Nde, wangun na-ge Mbal Pem Nagawan-nen yidnak yidnak kwarosolat, waruk mbirij-o.

MBIRIGA WENE 7:20

Yosoloma-ge, Musa min Arun min na-ge Pirayon min at ndegel ubugwi nap min inmbiri bem-et Nagawan Indo-nen yak indidnak wene ereba na kwarogolar-e, Arun-nen owangun na wanosolar-e, yi Nil ombol pem lel kagaij-o. Iri yosola-ge, yi ereba na eyabi worak yij-o.

YESAYA 43:20

Towe mena erengen kege-nen na an kek tak nubuwa-o. An-nen len inpigi nilirak ereba na nujwakluk, an-nen nembaga ereba me yi wirik pimin ereba na karug-e, serigala ndakngge min towe unta min-nen-e an nerembel wanuwa-o.

WONARIDNAK WENE 20:11

Yak ondosoluk, Musa-nen wangun iri na bem kerep nggok iri na mberen pem lel kagaij-o. Lel kagaidnggal, yige amawi worak irit pilana wasolat, ap min wam min oboksa-nen ndak norak irit wagij-o.

WONARIDNAK WENE 20:7

Nagawan Indo-nen Musa yak tosolar-e:

MATIUS 21:21

Yogolikma-ge, Yesus-nen wene erep nggarosolar-e: ”An-nen yak kendeyeg-o: Kit kinndi angin tubu luk, kinndi-nen te rak pigit lak ala-ge, an-nen e ara yu kwat pigi yu nggal-et kwarugub-o. Nde, iri nag-e lag-o. Are, ndobo yu yak togolar-e: ’Kat kondomok konoksa yi koma arem tabak yil nggwi-o’ luk yak togola na irit kwat ma-o.

LUKAS 11:13

Nde, kir-e meya yugwi nab-et nde, konak mende-t kinlirak wok undugwi irir-o. Iri ala-ge, Nineid aid arem woraso-nen-e at eram Konak Indi nggi yuwa nab-e mondok wog-et unduwa-o” luk yij-o.

YOANES 16:24

Kir-e nanduk-net an nunu bem yi mende ndi mende mbi nggi yigit lak worali-o. Kit kenalen na iminep mbal maklug-e, nggi yer-o. Nde, nggi yogola-ge, wanugub-er-o” luk yij-o.

YIDNAK YIDNAK WENE 1:14

It pidsa min kweyap erep min Yesus ija Maria min Yesus owottak min inndi misiget tak nak puruk, tepan-e lambuksa kundugu yogolat woraiga-o.

YOSUA 6:20

Yak ondosoloma-ge, tepan ombo-ge terompet poba ene yogola, Isarael nap-nen kulurug-e, mondok kek kok nak lel kagola-ge, Yeriko kerep pak leget iri na-ge nggilara ngguru ngguru mbij-o. Iri yosola-ge, Isarael nap oboksa-ge mondog-et nggogolar-e, o siri iri na-ge mondog-et waniga-o.

YOSUA 6:5

Iri kwasa wangget karug-e, tepan ombo ereya na-ge terompet poba ene-ge mondok pok tak pigit lak nggoksa kundugu motsa yogola-ge, san ombo oboksa-nen kulurug-e, kek kok lel kagolat, o nggu nggal lek kagola-ge, o iri pak kerep iri-ge ndamera mbuwa-o. Iri yosola-ge, kit oboksa mondok arem nggwe o silmu nggurag-o” luk yak tij-o.

NAM PARA WENE 22:1

Iri luk, aid nap iri na-net mirik nobosolar-e, unlug-et wolmomtak yi erengen miri papalo erare nggal igip kip worak irit mirik nibij-o. Nde, yi iri na urusu-ge Mbal Pem Nagawan min Lomba Wam Marik min-nen koreyak woragwi ondoro na arem-nen kenangga mborosolar-e,

NAM PARA WENE 22:17

Konak Indi min Un Wanurak Kwe na min-nen yogolar-e: ”Lobok yer-o!” luk yili-o. Wene yeba kulili nap oboksa-nen na mondok yogolar-e: ”Lobok yer-o!” luk yuwag-o. Ta-nen yi nere kasu nab-e lobok yuwag-o. Ta-nen yi norak ukwe perasu nab-e unlug-et wolmomtak yi iri-ge onggo pigit lak, we irit wanuwag-o.