WONARIDNAK WENE 20:12 - Nanduk Ngget Tul Pidnak Wene

¹² Alat nde, Nagawan Indo-nen Musa min Arun min met onposolat-nen yosolar-e: ”Kir-e an namawi na-ge Isarael nap inmbiri bem nam tak pigit lak yigenma me, kit mberen-e it lit unpuruk, o urul yak indigi iri na me nggugup pug-o” luk yak indij-o.

WONARIDNAK WENE 20:12 ပူးပေါင်းရင်းမြစ်များ

YESAYA 7:9

Nde, Isarael iri na amawi-ge uwi siri iminepma Samaria amawi ombol nggwe-nen yusu-ge lag-o. Nde, Samaria iri na amawi-ge it ennggendumu Nagawan Peka amawi ombol nggwe-nen yusu-ge lag-o. Kit-nen nde ndemeret kinndi an nebem wat tak woragit lak yugup pem-e mondok pak pugup pug-o” luk yij-o.

YESAYA 8:13

Kat-nen an neberasolar-e: ’Ar-e Nagawan Indo Mondok Amawi Worak, mondok marak-nen yusu-o’ luk yebet neyasolar-e, mondok an nak naye kasolat wolmin-o.

YESKIEL 36:23

Kit-nen wim nap enlem ennggendumu-nen an nunu emben to rak pugwi, an nunu mondok lenak marak woraso nggok iri na an-nen mirik onposola-ge, it-nen-e an nimin yogolar-e: ’Ar-e Nagawan Indo-net yusu-o’ luk enaru ma-o. Nagawan Indo Mondok Kek tak an-net yigi-o. An-nen kit kenpem nggwe-net enlem nin nap-nen an-e Nagawan Indo Mondok Marak misiget lombok-nen yusu-o luk yuwakluk, mirik inpimin-o.

WONARIDNAK WENE 11:15

Kat-nen yu nggal kwat neberenak wolmomtak ala-ge, nabuwa kasolar-e, ndag-et nak niri-o. An-e anggun panggun kerenak wolmomtak mondok nimbir-o” yij-o.

WONARIDNAK WENE 20:24

”Yi Meriba iri me-nen kir-e an nene taridnak me, Arun iri-ge wat ma-o. An-nen Isarael nap wok kindimin-o luk urul yak indigi o iri na me-ge Arun iri-ge mondok ngguwa bug-o.

WONARIDNAK WENE 27:14

kit mberen-e Sin karu me-nen an nene tarigep pem wat yugun-o. Meriba-nen it pidsa-nen an nebem ujwa mbarogola-ge, yi wok undurak pem an namawi na-ge it inmbiri bem nam tak purag-e larok yigepma-o” luk yak tij-o. (Nde, iri kwariga iri-ge, Sin karu me yi lusu Meriba o Kandes iri me-nen kwariga-o.)

MATIUS 17:17

Yosoloma-ge, Yesus-nen wene erep nggarosolar-e: ”Kit kinndi angin tubu yugwi buk, kinndi nari wari rak nap wa-e! An-e nunggwirik tarem kit kinmin woramin-o? An-e nunggwirik tarem kit kinmin-e momak puruk woramin-o? La iri-ge an neram pil lobok yi-o” luk yij-o.

MATIUS 17:20

Yogolikma-ge, Yesus-nen wene erep nggarosolar-e: ”Kit kinndi kwara angin tubu yigit lak ala-nen meya yij-o. An-nen yak kendeyeg-o: Kit kinndi angin tubu yidnak iri-ge we sawi uwi marik iri nggal ndak ndak worala-ge, kit-nen ndobo yu yak togolar-e: ’Yu me-nen iri me mbiri-o’ luk yak togola-ge, mburuwar-o. Kit-nen kwarurak mende angin worak misik mbi worasu-ge lag-o. [

LUKAS 1:20

Alat nde, an-nen yak kurusu yu-ge kwat yurak tarem ndak ala-ge, an-nen yidnak wene yu-ge luj-et ma-t nde, kar-e te rak pusu-o. Te rak pusu me, kene lak yuwama, kene yigit lak woragundik, an-nen tul pusu wene yu kwat yosola-net kene kuwak ma-o” luk yak tij-o.

LUKAS 1:45

Nagawan Indo-nen yak kiridnak wene na-ge kwar-et ma-o luk peraigen pem-e kar-e kimbiringgat-nen yusu-o” luk yij-o.

YOANES 1:17

Nagawan Indo-nen ”Iri nggal kwarurag-o” luk yidnak wene-ge Musa-nen yak nindij-et nde, we wok ondoso elem min ndemeret wene elem min-e Yesus Kerisut ebem-nen nam tak pij-o.

OROMA 4:20

Mbal Pem Nagawan-nen urul paga yak tidnak na-ge ar-e indi mberen yigit lak, indi angin tubu yidnak wat tak irit worasolar-e, at indi angin tubu yidnak pem amawi rak obosola-ge, Mbal Pem Nagawan erembel wanosolat woragaij-o.

TUGURUK YIDNAK WENE 34:4

Mirik uburuk, Nagawan Indo-nen Musa yak tosolar-e: ”An-nen Abarakam min Isak min Yakup min it-nen wigarak wok undurak urul yak indigi nggweyak na-ge irir-o. Musa kar-e kanokluk mirik kibigi-t nde, kar-e iri me-ge mondok mbururag-e lag-o” yak tij-o.

TUGURUK YIDNAK WENE 4:21

Kit-nen ndowaga Nagawan Indo kit Kenmbal Pem Nagawan-e an nebem isilepma nobosolat-nen owak mbarosolar-e, an nimin-e o nggweyak amburu worak kit wok kunduwa iri me nggurak pem-e ’Kar-e Yi Yareren iri-ge mondok mbarugun pug-o’ yak nirij-o,

YOSUA 1:2

yosolar-e: ”An ndegel noboso nap Musa-ge wat yamu me, yawo-ge kat min Isarael nap oboksa min Yi Yareren mbatluk, o Isarael nap wok indimin iri na me nggurak pem lid lud tak per-o.

1 PETERUS 3:15

Are, kit kinndi arem-nen-e Kerisut na kek tak pogolat, kit-nen idnak Nagawan Indo rak pogolat wolmer-o. Ap-nen-e: ”Kir-e no bem kinndi mbung mbung tak worali-o?” luk kin wok konpogola, wene na onggo yak undurak pem kir-e lid lud tak puruk wolmer-o.