WONARIDNAK WENE 14:9 - Nanduk Ngget Tul Pidnak Wene

⁹ Kir-e Nagawan Indo imin wene eyak worogolat, o iri me woragwi nap enaye yili-ge meyog-o. Nit-nen it urugwe nggwe rak unpurag-e, te-nen yusu-o. Nde, it inmiri yoso kugwi-ge mondok keya enpamu-o. Nde, nir-e Nagawan Indo-ge ninmin worasu-o. Iri ala, kir-e kwiye yili-ge mondok meyog-o” luk yak indiga-o.

WONARIDNAK WENE 14:9 ပူးပေါင်းရင်းမြစ်များ

NDAK WIRIDNAK WENE 48:21

Iri luk Yakup-nen Yusup yak tosolar-e: ”An-e abu wat yurak panggo yigirik neyasu yur-o. Alat nde, Mbal Pem Nagawan-nen yongga kondosolat tuguruk konmborak woragwi sa wok kunpuruk mburuwa-o.

NEMIA 4:14

Nde, an-nen yik kasoma-ge, it ereba na-ge kwiye yogola-ge, an-nen it min ap onowe nggal ereba na min it-nen enne kulugwi nap ereba na min yak ondosolar-e: ”Kir-e wim nap enaye-ge yurak pug-o. Nagawan Indo amawi worak kwiye worak iri na kinndi yebet ker-o. Mondok kennggamirak min kinlirak min konkwerak min kunuwi min inmiri yurak pem mondok kenmawi konder-o” luk yak indigi-o.

NDAWI ENGGA 121:5

Nagawan Indo-ge yik keyarok worasu-o. Ar-e kat nggetlel kuburuk kimin-et worasu-o.

NDAWI ENGGA 14:4

Iri yogola, Nagawan Indo-nen yosolar-e: ”Meya kwarugwi nap ereba na-ge an neram tepan yigit lak, an nilirak enarengge mengga wanili iri na bem nak-nen unluk worali nap ereba na-ge kondok yigit lag-et worali-a?” luk yij-o.

NDAWI ENGGA 46:11

Nagawan Indo Mondok Amawi Worak iri na-ge nit ninmin worasu-o. Yakup Embal Pem Nagawan-e nggetlel nunpuruk worasu-o.

NDAWI ENGGA 46:7

Nagawan Indo amawi worak iri na-ge nit ninmin worasu-o. Yakup Embal Pem Nagawan-e nggetlel nunpuruk worasu-o.

NDAWI ENGGA 46:8

Nagawan Indo-nen kwaroso mende nggweyakma yu me kwiye worak kwarusu yeba kabok-nen lobok yer-o.

NDAWI ENGGA 91:1

Nagawan Indo Mondok Kek tak iri na indipma kura woragolat, Mondok Amawi Worak iri na isiyamu indipma woragolat kwatli nap-nen

MBIRIGA WENE 14:13

Iri yogolikma, Musa-nen onggo yosolar-e: ”Kwiye yili-ge meyog-o! Kinndi tugup lak wolmer-o. Nagawan Indo-nen kit kinmiri yosolat-nen kwaruwa-ge yanem kagub-o. Mesira nap yawo eneyali yeba-ge abog-e mondok eneyagup pug-o.

MBIRIGA WENE 33:16

Kat nde nit ninmin mbirigit lak yosolar-e, kat-nen an min kat kelem yu min-e kalen nenpem pusu iri-ge nggesa-nen it mbepme nggwe-nen enaru ma-o? Kat nit nennggendumu worasu iri bem-nen nit nggweyak ma yu me woragola-ge, yi ap ndi ap ennggendumu-net nde, nir-e arik lenak nunpusu-o” luk yak tij-o.

YESAYA 1:2

Nagawan Indo-nen yosolar-e: ”Mbal wa-e. Kwara kuli-o! O yu-ge wa-e. Kwara yebet ki-o! Li an-net nggok tak inpigi-net nde, an nimin wim mbatli-o.

YESAYA 32:2

It ereba na-ge o wija min kwegemereya min aye-nen indipma nggugwi ondoro nggal irit wolma-o. It ereba-ge yi nembaga-nen ene worak mboroso nggal, nggweyak lerak nggwe-nen kerep nggulok ndibe nggal irit wolma-o.

YESAYA 41:10

Kwiye yusu-ge meyog-o. An-e kat kimin worasu-o. Kwiye-nen pabok purak pug-o. An-e kat Kembal Pem Nagawan-nen yusu-o. An-nen kar-e tugup lak tak kobosolat, yongga korosolat, ninggi amawi bem yogo kuburuk woramin-o.

YESAYA 41:14

Nagawan Indo-nen yosolar-e: ”Isarael wa-e. Kar-e kamawi lak, enlengen kopkap nggal-et nde, kwiye yusu-ge meyog-o. Kat yongga kurusu an yu-ge Nagawan Indo-net yusu-o. Isarael nap Enmbal Pem Nagawan Mondok Marak iri-ge kat kinmiri yoso-nen yusu-o.

YESAYA 63:10

it-nen-e Nagawan Indo imin wim mbarogolat, indi abi kalak pogolat woraiga-o. Iri yogola-ge, ar-e it inmin sirid nap kwat yosolar-e, it inmin wim mbarosolat woragij-o.

NDANIEL 9:5

Nir-e meya kwarogolat, nenlengen lamburak nak kwarogolat, lugud tak nak kwarogolat woragwi-o. Nir-e kat kimin eyak worogolat, kat-nen ’Iri nggal kwarogolat wolmomtag-o’ luk nenpem pidnak ereba na kwid turuk lugud tak nggwe mborogolat irit woragwi-o.

NDANIEL 9:9

Nir-e kat kimin wim mbarogola-t nde, kar-e nit nunpud karuk, nit meya yidnak kamberam tak nonposo-nen yusu-o.

WONARIDNAK WENE 13:30

Alat nde, it ap kwiye yogolat Musa imin: ”Yu nggal-o, iri nggal-o” luk kirimbi yili nap ereba na inndi uwi yabosolat Kalep-nen yosolar-e: ”It urugwe nggwe rak unpurak nit nenmawi-ge kwarat worasu-o. Yawo-t inmin wim mbatluk unuwi nggweyak mengga wanuwog-o” luk yak indij-o.

WONARIDNAK WENE 20:2

Misik tarem-e it o wiril lobok yiga sa yi lak ala karuk, Isarael nab-e lobok yigarik, Musa min Arun min endam lop lop woragolat-nen

WONARIDNAK WENE 24:8

Mbal Pem Nagawan it wok unpuruk Mesira-nen wasu iri-ge, sapi erengen ke amawi iri nggal it enmanggim wim mbarusu-o. Ap enlem oboksa-nen it inmin wim mbaruwa iri-ge, oboksa urum arem tak onposolar-e, onowag-e mondok ndamera keya bosolat, it enmare-ge kala keya buwa-o.

MATIUS 1:23

”Ap-nen aboro mbarugwi buk kwe ndugum-nen abila luk, la li ap mbi ndaguwa-o. Nde, la iri unu yarogolar-e, Imanuwel-o luk yaruwa-o.” (Nde, Iberani wene bem Imanuwel yiga iri-ge ”Mbal Pem Nagawan nit ninmin worasu-o” yarogolar-o.)

OROMA 8:31

Iri bem-e, nir-e no nde yul-o? Mbal Pem Nagawan-e nit ninmin worasola-ge, ta-nen nde nit sil niniyujwa-o?

TUGURUK YIDNAK WENE 31:6

Mondok kir-e tugup lak, kwiye lak irit wolmer-o. Nagawan Indo Kenmbal Pem Nagawan-net yongga kunduwa me, kir-e mondok it enaye yurak pug-o. At-nen-e keya konposolat, kinndi kabak tak posolat yuwa bug-o” luk yak indij-o.

TUGURUK YIDNAK WENE 31:8

Iri yosola-ge, Nagawan Indo at ondomok-nen yongga korosolat, lit kuburuk mburuwa-o. At-nen-e kindi kabak tak kobosolat, keya kobosolat mondok kwaruwa bug-o. Iri bem-e kar-e kwiye yosolat, kindi kabak yosolat yurak pug-o” yak tij-o.

TUGURUK YIDNAK WENE 32:42

An nemare-ge it eneyabi-nen merara labuk ma-o. An nimin eyak wurugwi nap oboksa-ge neyalawi bem indimin-o. An nimin wim mbatli nab-e misiger-o luk mondok keya inpimin pug-o. Kugun pem wok inpidnak nap na irit, mare worak na irit mondok oboksa wat ma-o’ yij-o.

TUGURUK YIDNAK WENE 7:18

Alat nde, kir-e it enaye yurak pug-o. Nagawan Indo Kenmbal Pem Nagawan-nen Mesira nagawan min at-nen tenagidnak wi woragwi nap min kwat inpij-e yebet ker-o.

TUGURUK YIDNAK WENE 7:21

Iri ala kir-e ap enlem ereba-ge mondok enaye yurak pug-o. Nagawan Indo Kenmbal Pem Nagawan-nen nggetlel kunpuruk nusu-o. At iri-ge Mbal Pem Nagawan nggok kwiye worak-nen yusu-o.

TUGURUK YIDNAK WENE 9:7

Nembaga ereba-nen Nagawan Indo isilepma rak pigep ereba na kinndi yebet ker-o. Nanduk kit Mesira keya buruk lobok yigep kuri-nen yawo kuri Nagawan Indo imin wim mbal tenak irit worali-o.

PILIPI 1:27

An lobok yimindik-nen-e keneyasolat, nde, lobok yigit lak-nen-e konpok kolosolar-e: ”It inndi tugup lak luk, it inndi misiget luk lambuksa woragolat, inndi angin tubu yugwi aid wene amanggim enmawi kundili-o” luk konpok kuleyek-nen kit-nen yi kwatlik ndi kwatlik kwarogolar-e, Kerisut-nen idnak aid wene iri na-nen yidnak ndak ndak nak kwarogolat wolmer-o.

YOSUA 1:5

Yosua kat worala-ge, an-nen nanduk Musa imin worasu iri na nggal-et pempa kat kimin woramin me, ap misiger-o luk mbi-nen kat urugwe nggwe rak kubuwa bug-o. An-e mondok keya kibimin pug-o.