WONARIDNAK WENE 14:2 - Nanduk Ngget Tul Pidnak Wene

² Iri yogolat-nen Musa min Arun min enpem ujwa mbarogolat-nen yogolar-e: ”Mesira-nen ala na, nembaga yeba-nen ala na wat momtak iri-ge ndak nak-nen yusu-o. Iri ala, nir-e mondok wat mog-o.

WONARIDNAK WENE 14:2 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 19:4

Iri luk, ijok tu nembaga nggwe aptusa misik tarem-et mbirij-o. Mberarik, e angga mumak worak misik indipma-t ndong luk kore yosolar-e, wat yurak nak mot tak pij-o. Woralat-nen tepan yosolar-e: ”Nagawan Indo wa-e. An-e ndak siri mbarigi-o. Iri ala, an-e wat yeg-o. Nomborag-e wat yiga-t nde, an-e noluk nuruk wolmomtag-o? Mondok nindi wani-o!” yij-o.

AYUP 3:11

Noluk-nen an-e niya arem-net wat yigit lak yigi-o? An-e ndesa mbosolat-net wat yek lag-et nde-o.

MBIRIGA WENE 14:11

Iri yogolat, it-nen Musa yak togolar-e: ”Mesira iri me nit yapma nunpurak nggweyak lak ala-nen yu me-nen wat makluk ninmin lobok yigen-a? Kat-nen ninmin lobok yigen iri-nen ndowaga-ge yur-o!

MBIRIGA WENE 15:24

It ap ereba na-nen ujwa mbarogolat-nen Musa yak togolar-e: ”Nir-e yi-ge no nul-o?” yiga-o.

MBIRIGA WENE 17:3

Alat nde, it ap ereba na-ge mondok yi nere kwarat ala karuk, Musa met pogolat-nen yogolar-e: ”Kar-e noluk-nen Mesira-nen yu me wok nunpuruk lobok yigen-o? Nit min nonkwela min nonowam min yi nere-nen yu me wat makluk ninmin lobok yigen-a?” yiga-o.

YUNUS 4:3

Nagawan Indo wa-e. Yawo-ge an-e mondok wat yeg-o. Mondok nuruk wolmomtag-e nimbir-o. Mondok wat yeg-o” luk yij-o.

YUNUS 4:8

Nde, iri yamu, o nda yosolat mo pil wasolar-e, Mbal Pem Nagawan-nen o wija embem worak irit mo luwaso (timur) nggwe-nen puk yaga pil lobok yosola-ge, Yunus na-ge embem-nen anggul-e pagaidnak nggal embem kere yosolar-e, mo eyak-nen wat yekluk irit yij-o. Iri yosolar-e, wat yurak ip opsa irit yosolat-nen yosolar-e: ”An-e nuruk wolmomtak nimbir-o. Mondok wat yeg-o!” luk yij-o.

WONARIDNAK WENE 11:1

Nde, misik tarem it Isarael nap nen it wolmomtak wene bem anggun enpem mbosola-hen yogolar-e: ”Nir-e inik nggal-o, yu nggal-o” luk Nagawan Indo eram ujwa mbariga-o. Yogola, Nagawan Indo-nen at yak tiga wene ereba na kulurug-e, mondok isilepma luk kanduk enpem mberak pamu, pagosolar-e, o lije wiril lobok yiga ereba na-ge ereb-e kan-nen nuruk keya bij-o.

WONARIDNAK WENE 11:15

Kat-nen yu nggal kwat neberenak wolmomtak ala-ge, nabuwa kasolar-e, ndag-et nak niri-o. An-e anggun panggun kerenak wolmomtak mondok nimbir-o” yij-o.

WONARIDNAK WENE 11:5

Nde, nit Mesira woragolar-e, keyane min ngguru min engen kerengen min peri min bawang min bawang puti min onggo lag et nili yeba na-t nde, o, wa!

WONARIDNAK WENE 14:1

Iri yogola karug-e, Isarael nab-e yip nak sa nggwarenak nak nene yiga-o.

WONARIDNAK WENE 14:22

It ap yu-ge nabinal kagolat, Mesira-nen na irit ap lak ma yeba-nen na an-nen kwiye worak mende kwarat ennggendumu kwarosola-ge, kagotlat-net nde, an-nen yidnak yidnak kwarigit lak, an nak nindi ngal tenak woragola me, an-nen onmborak urul yak indigi o iri na me-ge mondok ngguwa bug-o.

WONARIDNAK WENE 20:2

Misik tarem-e it o wiril lobok yiga sa yi lak ala karuk, Isarael nab-e lobok yigarik, Musa min Arun min endam lop lop woragolat-nen

WONARIDNAK WENE 20:3

ujwa mbarogolat-nen yogolar-e: ”Nir-e nennggamirak Nagawan Indo imbiri bem-et wat yiga nggal nit na mondok wat leb-a!

WONARIDNAK WENE 20:4

Noluk-nen kir-e nembaga yu me wok nunpuruk lobok yigeb-o? Nir-e nonowam min yu me pendega lak makluk ninmin lobok yigeb-a?

WONARIDNAK WENE 21:5

it-nen Mbal Pem Nagawan min Musa min insilepma enpem pogolat-nen yogolar-e: ”Noluk-nen Mesira-nen ninmin lobok yigeb-o? Yu me-ge yi min nunggwi mende min mondok lak yu-ge nir-e nembaga yu me-nen nundurak ninmin lobok yidnak, lak? Nir-e nunggwi mende undu lak yu nak nok tenak yu-ge mondok ninsili-o!” yiga-o.

1 KORINTUS 10:10

It erep-nen ujwa mbarogola-ge, wat yugwi winde aid nap-nen lak tak inpidnak me, nit-nen na ujwa mbarurak pug-o.

TUGURUK YIDNAK WENE 9:23

Nagawan Indo-nen: ’Kandes Mbareneya keya buruk mburugupndik, kit wok kindimin o iri na me kore yer-o’ yak kindij-et nde, Kenmbal Pem Nagawan-nen yidnak wene-ge ndemerer-o luk kwarigit lak yogolar-e, tarigeb-o.

IBERANI 3:16

Nde, tarak-nen Mbal Pem Nagawan ene kulurug-et nde, at imin eyak wiriga-o? Iri–ge Mesira wi-nen Musa-nen lit eneyaruk lobok yid nap it oboksa-nen kwariga nar-o.

YURAS 1:16

It iri na-ge pempa onpok pegerak mbogolar-e, nin nap enpem ujwa mbarogolat onpok pugwi-o. It ondomok inndi-n pidnak nak kwarogolar-e, it ondomok nggulok tak pogolat, ap enarengge lesa wanuwokluk, nin nap entembel wanugwi-o.