WONARIDNAK WENE 12:8 - Nanduk Ngget Tul Pidnak Wene

⁸ Nde, an-nen imin wene mbarosolar-e, nentare mboma buruk, wene mbarogolat, nden karuk wene bem mbatli-ge lag-o. Are, nam-et nak wene mbarogolat, nebage min-et neyasu yu-t nde, kir-e noluk-nen kwiye lag-et an ndegel noboso nap Musa yu-ge obok pigeb-o?” luk yak indij-o. 12:9-16 Ayat ya arem-e Miriam na-nen Musa obok pidnak pem angin worak ebem pidnak wene mbarak worasu.

WONARIDNAK WENE 12:8 ပူးပေါင်းရင်းမြစ်များ

NDAK WIRIDNAK WENE 32:30

Nde, Yakup-nen yosolar-e: ”An-e Mbal Pem Nagawan kagi-t nde, nurug-et worasu-o” yosoluk, o yig nggwisa sa iri na unu-ge Piniel irit yarij-o.

NDAWI ENGGA 49:4

Nden karuk wene-ge an-nen kwara yebet karuk, ”Ebe-ge iri nggal-o” luk para yosolar-e, kecapi poba ene rak posolat-nen yimin-o.

MBIRIGA WENE 19:19

Nde, mbapu ene mondok nggoksa pu kundugu yosola-ge, Musa-nen wene yosola, Nagawan Indo-nen onggo yosolar-e, o nggu bem-nen erep nggarij-o.

MBIRIGA WENE 20:4

Kir-e mbal pem woraso mende min nggweyak pem woraso mende min yi nggweyak-urugwe nggwe arem woraso mende min ut memera kondomok kenmanggim ndak wosa purak pug-o.

MBIRIGA WENE 33:11

Nde, Nagawan Indo min Musa min-nen wene mbarogolar-e, ap-nen ennggam yik karok-nen wene ndurugwi nggal irit mbarugwi-o. Wene mbatlug-e, Musa na-ge tuguruk o lije worak sa mboroso-o. Alat nde, Musa yongga woroso nap ap sujwe Nun ambara Yosua na ge Nagawan Indo uwi lije ma iri na me-t indiyabu woraso-o.

MBIRIGA WENE 33:19

Yosoloma, Nagawan Indo-nen yosolar-e: ”An lobok yosolar-e, an nabinal oboksa ge kat kerare nggwe mborosolat, an nunu mondok marak iri-ge kimbiri bem yil yil mbirimin-o. An-e Nagawan Indo-nen yusu-o. An-nen unpud kaso elem mirik onposolar-e, an-nen mondok len inpimin nap irit enabuwa kamin-o.

MBIRIGA WENE 33:23

Mborosolar-e, nombol nggwe nak kanokluk ninggi lit karuk mbirimin-o. Alat nde, nerare-ge mondok kagun pug-o” luk yak tij-o.

MBIRIGA WENE 34:30

Nde, Arun min Isarael nap min oboksa min-nen-e Musa erare abinal worak iri na karug-e, Musa eram panggosa lorag-e kwiye kwarat yiga-o.

NGGOMO WENE 1:6

Iri nggal kwarosolar-e, nggomo wene arem wene kura worasu ereba na-ge it enaru rak posolat, inndi nggat nggat worak nap nen enemndam nggwe-nen wirik pidnak wene ereba na enaru rak poso-o.

YESAYA 40:18

Iri ala karug-e, Mbal Pem Nagawan-e ta nggal nde at imin ndak wurugun-o? Kat-nen-e at nggal-e ta nde kasu-o?

YESAYA 46:5

Nagawan Indo-nen yosolar-e: ”Ta nggal nde an nimin ndak ndak tak pugub-o? An nimin ndak ndak tak purak mbi worasu, lak?

WONARIDNAK WENE 14:14

it-nen o yu me nap yak ondogolar-e, Nagawan Indo kar-e nit ninmin woralat, kat nit lit neneyaruk lobok yosolat-nen ninmbiri bem nam yosolar-e, lengge-ge nggan nggan nggal, nde, kubu-ge kanduk nggal kwasa lobok yusu wene iri yak indikma, kuliga-o.

MATIUS 13:35

Iri kwarid iri-ge, Mbal Pem Nagawan ene lomboksa yoso nap-nen yosolar-e: ”Nde, an-nen it yak ondosolar-e, nden karuk wene bem nak yak indimin-o. Nggweyak ndak wirid kuri-net enaru buk woragwi wene na yak indi-min-o” luk yid iri na ndak ndak tak posolat-nen kwarij-o.

LUKAS 10:16

Yuruk, at-nen at owosirak yak ondosolar-e: ”Nde, ta-nen nde kit kenne kologola-ge, an nene-t kulili-o. Nde, ta-nen nde keya konpogola-ge, an-et keya nibili-o. Nde, ta-nen nde an keya nobogola-ge, an wirik nibil lobok yid nap iri na-t keya ibili-o” luk yak indij-o.

YOANES 1:18

Ap misiget ter-o luk Mbal Pem Nagawan iri-ge kagwi bug-o. Nde, at Ambara misiget nderak Eid imin ndak ndak woraso, pempa Eid imin woraso iri nak-nen Eid Mbal Pem Nagawan na-ge nit nennggarem nam tak pij-o.

YOANES 15:15

Ndegel unpugwi nap-nen-e it ineid-nen kwarusu mende-ge enaru buk nak woragwi me, yawo-ge an-nen ’Ndegel nubugwi nab-o’ luk yak kindimin pug-o. Are, an Neid-nen an yak niridnak wene pidsa kit yak kindigirik me, ’Nanggamirag-o’ luk yak kundusu-o.

YOANES 15:24

Ap-nen kwarugwi buk mende-ge it inmbiri bem kwarigit lak yiginggal-e, it meya yidnag-e enpem pigit lak yeleb-o. Alat nde, yawo-nen perak nde an-nen kwarigi mende karug-e, an Neid nenmberek insili rak ninpili-o.

1 KORINTUS 13:12

Yawo kali yu-ge papalo arem-e isisiyap nak kaidnak nggal-et kali-o. Alat nde, abok-nen-e nenpe lid pid mbul-o. Yawo-ge an-e kwara naru yusu bug-et nde, abok-nen-e Mbal Pem Nagawan-nen an aru yusu nggal, an-nen na mondok kwara naru yimin-o.

2 KORINTUS 3:18

Iri ala-ge, nit oboksa sum nentare bem na wabidnak me, papalo pem kaidnak nggal Nagawan Indo abinal iri-ge nit nentare bem worasu-o. Iri ala-ge, Nagawan Indo Indi na-nen nin tak nonposolar-e, at abage nggal tak nonposola-ge, abinal iri na nggok nggok mburusu-o.

TUGURUK YIDNAK WENE 18:15

Alat nde, nit nenlem nab-et at ene lomboksa yoso nap misik an nggal kendam ibil lobok yuwa-o. Iri yosola-ge, kir-e mondok at-nen yidnak yidnag-et kwarurag-o.

TUGURUK YIDNAK WENE 34:10

Nde, Isarael nap ennggendumu-ge Mbal Pem Nagawan ene lomboksa yoso nap mbi Musa-nen Nagawan Indo imin nimbiri kimbiri wene mbaroso nggal mbi-ge mondok lag-o.

TUGURUK YIDNAK WENE 4:15

Kit-nen-e kagit lag-et nde, Sinai ndobo bem-nen kanduk arem-nen Nagawan Indo-nen wene yak kindid iri na-ge mondok kwara kinndi yeberak wolmer-o.

KOLOSE 1:15

Kerisut na-ge kagwi buk Mbal Pem Nagawan na abage-net yusu-o. Ndak worak pidnak tengge oboksa-ge teberak-nen yusu-o. Nde, at Ambara manggu iri perak nde mondok kek tak-nen yusu-o.

1 TESALONIKA 4:8

Iri bem-e, wene yu keya busu nab-e ki nap-nen yidnak wene keya busu-ge lag-o. Are, at Konak Indi wok kondoso Mbal Pem Nagawan irit keya ubusu-o.

1 TIMOTIUS 6:16

At arig-et nak wat yoso buk-nen yusu-o. Ap-nen panggosa eram wok yugwi buk yaya bem woraso-nen yusu-o. Ap misiger-o luk tet mondok eyagwi bug-o. Iri-nen na ap-nen at eyudtak na meya-o. At unu nak kek tak pugwi min at amawi min-e pem-et worasolat nasolat mag-o! Amen.

IBERANI 1:1

Nandug-e kwarat pem Mbal Pem Nagawan-nen nit nenlawingga yak ondosolar-e, Mbal Pem Nagawan ene lomboksa yugwi nap enpem nggwe-nen yak indij-o. Iri yosolar-e, tu nin tak nan tak pem yak ondosolat woragaij-o.

IBERANI 1:3

At Ambara iri-ge Mbal Pem Nagawan kektak woraso abinal-net yusu-o. Ambara iri-ge Mbal Pem Nagawan abage ndak worak-net yusu-o. At ene amawi bem-nen yi mende ndi mende oboksa yogo buruk worasu-o. At iri-nen-e ap-nen meya yogolat woraidnak oboksa marak purug-e, aid arem woraso Amawi worak Mbal Pem Nagawan na inggi kigit nggwe kore yij-o.

2 PETERUS 2:10

Iri len unpuwa iri-ge it ondomok kopkap tobok tak onposo ukwe ukwe yugwi iri-nen yidnak yidnak kwarogolar-e, Mbal Pem Nagawan ene kulurak insili nap iri-ge len unpusu irir-o. Enesiget siget mul undugwi nap iri-ge kwiye lag-e, ondomok kek yogolar-e, teram woragwi enabinal worak nap iri na kwiye lag-et pesel inpili-o.

YURAS 1:8

Nde, yawo-nen na ap ereba-nen-e iri nggal-et kwatli-o. It-nen nabi kogol nggwe kaidnak mende na langgal luk mborogolar-e, it ondomok enpe meya rak pogolat, Mbal Pem Nagawan amawi na te rak pogolat, aid arem woragwi abinal worak mende na mbilaro ngin wene yak ondogolat yili-o.