WONARIDNAK WENE 12:6 - Nanduk Ngget Tul Pidnak Wene

⁶ Nagawan Indo-nen yak ondosolar-e: An yak kindimin yu kwara koler-o! Kit kennggendumu nde an nene lomboksa yugwi nap nde woragola-ge, an-e nabi bem nggal at imbiri bem nam yaga mirik nobosolat, nabi nggal pem imin wene yosolat kwaroso-o.

WONARIDNAK WENE 12:6 ပူးပေါင်းရင်းမြစ်များ

NDAK WIRIDNAK WENE 15:1

Iri na kwatluk ombok nggwe-ge nabi pem nggal Nagawan Indo-nen Abaram yak tosolar-e: ”Abaram wa-e. Kar-e kwiye kasu-ge meyog-o. Kat lak tak kubuwa naru kurak kobosolat, onggo mondok nggok wok korosolat yimin-o” yak tij-et nde,

NDAK WIRIDNAK WENE 20:7

Alat nde, yawo-ge kwe iri-ge tuguruk un eram pil mbururag-o. Nde, kwe iri un-e an nene lomboksa yoso nap-nen yusu-o. At-nen-e kat wat yugun naru kamanggim tepan yuwa-o. Nde, kat-nen nde kwe iri nde un eram pil mbirigit lak yugun nggwe-ge kat min kat kuwokma woragwi min oboksa wat yugub-o” luk yak tij-o.

NDAK WIRIDNAK WENE 28:12

Nene yosolat nabi bem yik kagaidnggal mbera misig-e ereb-e nggweyak pem-nen mbal kundugu worala, aid nab-e mbera iri na bem lagolat mbuwagolat kwarogola, eneyagaij-o.

NDAK WIRIDNAK WENE 28:16

Yosoloma, Yakup na-ge indi luk luk, men yosolat-nen yosolar-e: ”Nagawan Indo-ge o yu me-t worasu-o. Ar-e yu me worasu-t nde, an-e kabak woragi-o” yij-o.

NDAK WIRIDNAK WENE 37:5

Nde, misik tarem kubu nene yosoma-ge, Yusup-nen nabi misik karuk, nabi iri na owerak ereba na inmbiri bem koronggosola-ge, owerak ereba na-ge mondok insilepma-ge ebem lud tak posola, insili rak piga-o.

NDAK WIRIDNAK WENE 37:9

Misik tarem Yusup na nabi misik karuk, owerak yak ondosolar-e: ”An nabi tuguruk misik kasolar-e, mo min waneya min wonaru sebelas min oboksa an nambigit yud tud mburuk, an kek tak nobogola kagi-o” luk yak indij-o.

NDAK WIRIDNAK WENE 46:2

Iri rak puruk, nene yosoma-ge, kubu nggwe-ge Mbal Pem Nagawan-nen nabi bem Yakup yak tosolar-e: ”Yakup wa-e!” yosoloma-ge, at-nen yosolar-e: ”Nagawan Indo wa-e. An-e worasu-o” luk yij-o.

2 SEMUEL 7:4

Alat nde, iri na tarem kubu Nagawan Indo-nen Natan yak tosolar-e:

1 NAGAWAN NAGAWAN-NEN KWARIDNAK WENE 3:15

Yosoloma, Salomo na indi luk yidnggal-e Mbal Pem Nagawan-nen nabi bem wene yak tidnak irit yenggerak pij-o. Karug-e tuguruk Yerusalem mberarik, Nagawan Indo-nen idnak urul pidnak wene labu mbarak iri na eralu mendak woralat wam wosa amanggim kan posolat, Nagawan Indo imin kundurak pem wosa posolat kwatluk, imbirig-e at eyabu wanugwi nap oboksa enmanggim nggok sagij-o.

1 NAGAWAN NAGAWAN-NEN KWARIDNAK WENE 3:5

Mberarik pem kubu iri na-ge Nagawan Indo-nen nabi bem at eram nam luk-nen yak tosolar-e: ”Salomo wa-e. Kat-nen kindi perasu-ge an nebem nggi yi-o. Iri yosola-ge, an-e wog-et kirimin-o” yak tij-o.

AYUP 4:13

Iri yosola, iri na-nen ndowaga an-e nggiringgendumu nabi meya karuk-nen kwarugwi nggal kwara nene yigit lak yigi-o.

NDAWI ENGGA 105:15

”An-nen lenak inpidnak nab-e sil eneyali-ge meyog-o. An nene lomboksa yugwi nab-e lel mberel unpurak pug-o” luk yak indij-o.

NDAWI ENGGA 89:19

O nanduk-net nabi nggal pem ndegel kubugwi nap tugup lak ereba na yak ondosolar-e: ”An-nen wim wari misik yongga worosolat, ap oboksa ennggendumu-nen ap misik lenak uburuk, kek tak ibigi-o.

MBIRIGA WENE 7:1

Yosoloma, Nagawan Indo-nen Musa yak tosolar-e: ”Nagawan iri imin-e kar-e Mbal Pem Nagawan an nggal kwat kibimin-o. Nde, kowe Arun iri-ge kat kene lomboksa yoso nap ma-o.

YEREMIA 23:25

Ennesiget an nene lomboksa yugwi nap-nen yili ereba-ge an-e naru worasu-o. An nunu bem ennesiget yogolar-e: ’An neresa-nen nabi bem yak nendamu-o’ luk yili-o.

YEREMIA 23:28

Nde, an nene lomboksa yoso nap-nen nabi kasolug-e, ’We nabi kagi-o’ luk yurag-o. Nde, an-nen wene enpem pidnak nap-nen-e enpem pidnak ereba na-t ndemeret yak undurag-o. Nggandum mbato-ge ariwak min ndak ndak tak purag-e meya-o.

YESKIEL 1:1

Olengen tiga pulu iri arem waneya empat, tanggal lima iri-ge Yoyakin iri na mbo unpugwi sa ereba ibil mbirikma woralat olengen lima bem tak posoma-ge, Mbusi ambara tepan ombo Yeskiel an-e Yawuri nap erep mbo inpidnak ereba na inmin Mbabel iri me Yi Kebat eyak pem ereba woraige-o. Worakmu, mimo mbal tu kuwak yosolar-e, an-nen nabi nggal pem Mbal Pem Nagawan irit kagi-o. Nagawan Indo-nen an nimin wene yosola-ge, at amawi-ge an nebem mbosola kagi-o.

NDANIEL 10:8

Nde, it ereba na keya nibikma, an narik woralat nabi nggal pem yik kagi kwiye worak mende ereba na limbit lombot posolat irit woragi-o. Iri yosolar-e, mondok namawi lak luk, nerare min nden karuk keya bij-o.

NDANIEL 2:19

Nde, iri na tarem-et kubu-ge Mbal Pem Nagawan-nen nabi nggal pem nabi iri na-ge para Ndaniel mirik ibij-o. Iri yosola-ge, Ndaniel-nen-e Mbal Pem Nagawan aid arem woraso iri na erembel wanosolat-nen yosolar-e:

NDANIEL 7:1

Nde, misik tarem kubu nggeret Nagawan Mbelsiasat iri na Mbabilonia nagawan men yid olengen iri bem-e Ndaniel an-nen nabi kasolat-nen nabi bem yik kagi-o. Nde, nabi kagi iri na-ge engga bem mbarigi-o. Nde, nabi kagi engga bem mbarigi na-ge yu-o: O wija ponok ponok, abare abam nggwe, ena nggwe, mo mboso nggwe, mo luwaso nggwe, mondok kwiye worak puk kasolar-e, iri-nen ndowaga yi koma nden penden kasolat, saberep mbaberep mbij-o.

NDANIEL 8:2

Nde, nabi bem nggal-nen yik kasolar-e, an-e ngguberenot-nen tenagidnak wi Elam-nen Perisia iri me-nen o siri nggok Susan iri me worala kagi-o. An-e iri me woralar-e, Yi Ulai eyak pem mendak woragi-o.

YOEL 3:1

Nagawan Indo-nen yosolar-e: ”Iri tarem-e Yerusalem min Yewura min-e it-nen enalen pem yamuksa woragwi ereba na nggal tuguruk kwarak inpimin-o.

WONARIDNAK WENE 24:4

Mbal Pem Nagawan-nen yidnak wene eyanggo-nen kolosolat, Mondok Amawi Worak Mbal Pem Nagawan-nen nam tak pidnak kasolat, erengen penggerak-nen tud yosolat yusu iri na-n yidnak wene-o.

MATIUS 1:20

Wene iri na ngge kwarimin? luk indi konosoma-ge, Nagawan Indo-nen idnak aid nap misig-e nabi nggwe at eram nam luk-nen yosolar-e: ”Ndaud ambara Yusup wa-e. Maria iri-ge kat-nen wanurak kwiye kasu-ge meyog-o. Abila iri-ge Konak Indi-nen arem tak pamu-o.

MATIUS 2:19

Erores na wat yosoloma-ge, Nagawan Indo-nen idnak aid nap mbi nabi nggwe Yusup eram nam luk-nen yak tosolar-e:

MATIUS 23:31

Iri nggal yogolar-e, kit na kit-net kinmin para yogolar-e: ’Nir-e Mbal Pem Nagawan ene lomboksa yugwi nap indiga nap inlirak-net yili-o’ luk para yili-o.

MATIUS 23:34

Iri bem-e, kwara koler-o. An-nen-e Mbal Pem Nagawan ene lomboksa yugwi nap nde, inndi nggat nggat worak nap nde, mul kundurak nap nde kendam inpil lobok yimin-et nde, kit-nen kwat onpogolar-e, ereb-e ondogolat, ereb-e e lang pang tak pem panggarak onpogolat, ereb-e kit tepan yugwi ma-nen lel mberel onpogolat, langgal unpuruk o siri misik me-nen o siri nin me mborogolat kwat unpugub-o.

MATIUS 23:37

”Yerusalem wa-e. Yerusalem wa-e. Kat-nen-e Mbal Pem Nagawan ene lomboksa yugwi nap mondok ondosolat, kat keram inpil lobok yidnak nap na kerep pem ondosolat yoso-o. Nde, towe wam ija-nen at amarig-e eraplabe-nen yomondoso nggal, iri nggal-et pempa an-nen kat kilirak na an nurugom tak enpeyekluk yigi-t nde, kat-nen-e ’Nimbir-o’ yigen-o.

MATIUS 27:19

Nde, Pilatus na ap enpem wene mbarugwi sa koreyak worasoma-ge, at ogwe-nen wene wosa at yak tosolar-e: ”Kar-e lud tak nak yoso nap iri ebem owene erep tenagurak pug-o. Yawo kubu nabi at imin kagirik me, kwiye kwarat kagi-o” luk yak tij-o.

LUKAS 1:11

Woragola-ge, Nagawan Indo-nen idnak aid nab-e Sakaria imbiri bem nam yij-o. Nde, aid nap iri-ge emben konak mende kan pugwi ondoro iri na eralu kigit ambigit nggwe mendak woragaij-o.

LUKAS 1:22

Iri lug-e, at na wasolar-e, ene lak yidnak me, it inmin wene yigit lag-o. Are, inggi warok pem nak-nen yosola karuk, it-nen peragolar-e: ”E! Mbal Pem Nagawan ama-nen-e nabi nggal mbi kagamu kaige-o” luk peraiga-o.

LUKAS 20:6

Nde, nit-nen nde: ’Ki nap-nen yidnak pem kwarij-o’ luk yulndig-e, ap pidsa-nen-e Yoanes iri-ge Mbal Pem Nagawan ene lomboksa yoso nab-er-o luk eberagwi me, nit kerep pem nunduwa-o” luk yiga-o.

YIDNAK YIDNAK WENE 10:11

mbal tu kuwak luk, unggut empat worak sum abak nggulok nggal misig-e unggut empat na tenaga nggweyak ma mberak pil mbuwasola kagaij-o.

YIDNAK YIDNAK WENE 10:17

Nde, Peterus-nen perasolar-e: ”Nabi nggwe nggal kagi yu-ge ngge kwarak nde kagi-o?” luk indi mbel tenak worasoma-ge, Korenelius-nen wirik inpidnak nap na-ge Simon kore yil yil lobok yigarik, tumende bem wok yiga-o.

EPESUS 4:11

At iri-nen we wok ondoso mende tembet ondosolar-e: Ereb-e wirik inpidnak nap tak onposolat, ereb-e Mbal Pem Nagawan ene lomboksa yugwi nap tak onposolat, ereb-e aid wene yak indil waring kagwi nap tak onposolat, ereb-e aid wene yugwi nap min mul undugwi nap min tak onposolat yij-o.

TUGURUK YIDNAK WENE 18:15

Alat nde, nit nenlem nab-et at ene lomboksa yoso nap misik an nggal kendam ibil lobok yuwa-o. Iri yosola-ge, kir-e mondok at-nen yidnak yidnag-et kwarurag-o.

TUGURUK YIDNAK WENE 18:18

It enlem nap ennggendumu-net kat nggal an nene lomboksa yoso nap misik it endam lena wirik pil lobok yimin-o. Nde, an-nen-e at-nen yurak wene-ge yak timin-o. Yak tumu-ge, at-nen-e at-nen yurak wene ebem pimin iri na-ge it yak unduwa-o.

IBERANI 1:1

Nandug-e kwarat pem Mbal Pem Nagawan-nen nit nenlawingga yak ondosolar-e, Mbal Pem Nagawan ene lomboksa yugwi nap enpem nggwe-nen yak indij-o. Iri yosolar-e, tu nin tak nan tak pem yak ondosolat woragaij-o.

NAM PARA WENE 11:10

Nggweyak ma woragwi nap-nen-e Mbal Pem Nagawan-nen yidnak wene yugwi nap mberen iri wat yidnak pem enalin enalen kujwa-o. Mbal Pem Nagawan ene lomboksa yugwi nap mberen iri-nen-e nggweyak ma woragwi nap oboksa enpem andi bandi mende pidnak me, ir-e kijik kijak worogolar-e, it insilobulo-ge we wok kerak mbuwa-o.

NAM PARA WENE 11:3

Nde, an nene yugwi nap mberen unsum-e tabun puruk woragolat-nen yurugwi sum yutluk, Mbal Pem Nagawan-nen yidnak wene ap yak ondogolar-e, seribu dua ratus enam pulu (1,260) tarem wolma-o” luk yak nirij-o.

1 SEMUEL 28:6

Kwiye kwarat lug-e, Nagawan Indo-nen tu mirik ubuwakluk yak tij-et nde, nabi bem-nen na irit, Urim min Tumim min pem-nen na irit, Mbal Pem Nagawan ene lomboksa yugwi nap enpem-nen na irit ene erep mondok nggarigit lag-o.

1 SEMUEL 3:15

Yak tosoloma, Semuel na nene lug-e, kup men yosolar-e, Nagawan Indo uwi tumende ereba na kuwaril lobok yij-o. Nde, Semuel na-ge nabi nggal kagaid iri na-ge Eli yak turag-e kwiye irit yij-o.