WONARIDNAK WENE 11:31 - Nanduk Ngget Tul Pidnak Wene

³¹ Nde, mimo Nagawan Indo-nen o wija nggok yi koma nggwe-nen puk yaga pil lobok yosolar-e, o wija iri na-nen-e towe min puk kuruk lobok yosola, towe-ge yubu nggweyak nggwe tebesa lobok yosolar-e, o lije wiril lobok yiga sa ereba na me yebetsa mborosolar-e, o aptusa misik tarem mburugwi ndak ndak irit yimiksa mbirij-o.

WONARIDNAK WENE 11:31 ပူးပေါင်းရင်းမြစ်များ

NDAWI ENGGA 105:40

Nde, at ilirak-nen nggi yogola-ge, Nagawan Indo-nen-e towe yi ma woraso waru nggal ereba na wok indij-o. Iri-nen aid arem-nen mana mburu wok endamu, inmbitsa nonggolat woraiga-o.

NDAWI ENGGA 135:7

Iri kwarosolar-e, at-nen-e nggweyak erep yobok tak ma ereba-net nggan nggan pil lobok yosolat, talme mburak amanggim obinel ndak worak posolat, at-nen-e o wija na at ndok wosa ibidnak sa-nen mborosolat wolmin-o yak tosolat irit kwaroso-o.

MBIRIGA WENE 10:13

yak tosoloma, Musa-nen owangun iri na ndimirik posola-ge, Nagawan Indo-nen-e mo luwaso (timur) ambigit nggwe-nen obube pil lobok yosolar-e, kubu-nen lengge-nen obube puk kasolat woragij-o. Woralar-e, kuplila-ge obube-nen sil kwarat waruk lobok yij-o.

MBIRIGA WENE 10:19

Emengen mbarosoloma-ge, Nagawan Indo nen obube iri na-ge nden kaga mo mboso (barat) nggwe-nen nggok amawi worak puk kil lobok yoso rak pij-o. Iri yosolar-e, sil kwarat ereba na-ge obube-nen puk kuruk yi Nggelaga koma arem puk kaga pil nggosolar-e, misiget tet Mesira nggweyak pem mbi keya bigit lag-o.

MBIRIGA WENE 15:10

Alat nde, Nagawan Indo-kat-nen kemnde age misik pem nak pu yigen pem yi koma-nen Mesira nap yemen inpij-o. Ir-e posid kerep angin worak yoboksa mboso nggal yi mondok yubuk tak kwiye worak ma lak yiga-o.

MBIRIGA WENE 16:13

Nde, keyama nggwe-ge towe puyu kwarat lobok yosolar-e, it unuwi mborom ereba na yebet luk keya bij-o. Nde, kuplila-ge lilangen ndolpap nggal nggilara it worali sa ereba na me mbuwagij-o.

WONARIDNAK WENE 11:30

Yosolug-e, Musa na-ge Isarael nap-nen enne kulugwi nap tuju pulu ereya na inmin luk unuwi lije ma mbiriga-o.