WONARIDNAK WENE 11:17 - Nanduk Ngget Tul Pidnak Wene

¹⁷ Nde, an-e iri me mbuwamindik, wene mbarul-o. Amawi kat wok kirigi ereba na-ge ereb-e menggesa it enpem pimin-o. Nde, kat karig-et nak angin pangin iri-ge meya-o. Ap kwarat yu ndegel unpurak yabu iri-ge kat yongga korogolat ereb-e it-nen wanurag-o.

WONARIDNAK WENE 11:17 ပူးပေါင်းရင်းမြစ်များ

NDAK WIRIDNAK WENE 11:5

Iri kwarogola-ge, Nagawan Indo-ge it unuwi siri min ap ereba-nen o mot wiril laidnak na min kayekluk mbuwagarik,

NDAK WIRIDNAK WENE 17:22

Nde, Mbal Pem Nagawan-nen wene na abu Abarakam yak turug-e, mbirij-o.

NDAK WIRIDNAK WENE 17:3

Yak tosoloma, Abaram na-ge erare nggwe tud yosola, Mbal Pem Nagawan-nen yosolar-e:

NDAK WIRIDNAK WENE 18:33

Wene Abarakam imin yurug-e, Nagawan Indo na mborosola-ge, Abarakam na-ge tuguruk ama mbirij-o.

2 NAGAWAN NAGAWAN-NEN KWARIDNAK WENE 2:15

Nde, Mbal Pem Nagawan ene lomboksa yugwi nap enpe lima pulu Yeriko woragwi ereya na-nen Elisa karuk-nen yogolar-e: ”Elia amawi iri na-ge yawo-ge Elisa ebem mbij-o!” yogolug-e, Elisa eram mborogolar-e, Elisa eram yud tud mbogolat-nen

2 NAGAWAN NAGAWAN-NEN KWARIDNAK WENE 2:9

Ndil laigarik, eyak ele bem woklug-e, Elia-nen Elisa yak tosolar-e: ”Nagawan Indo-nen an nimin luk lagit lak ma-net kat-nen kindi bidnak mende-ge nebem nggi yurag-o” yak tij-o. Yosoloma, Elisa-nen onggo yosolar-e: ”An-e kat kondolma kwat yek-nen kat-nen idnak kamawi wok niri-o” yak tij-o.

NEMIA 9:20

Konak iri na wok ondosolat, inndi nggat nggat worak tak inpigen-o. Nde, ir-e mana mburu min yi min mondok abu ndak irit mak indigen-o.

MBIRIGA WENE 18:18

Iri nggal kwarosolar-e, kat na irit, it na irit, we kenmawi nak lak tak pili-o. Yabu kwarat iri-ge ap misik nak-nen wanurag-e meya-o.

MBIRIGA WENE 18:22

Unpugunmu, ir-e Isarael nap ennggendumu enpem wene konugwi nap wolmag-o. Yabu-ge lena mbo wok undugunmu, kasa mbilak wanigit lak kona losa mbo irit wanuwag-o. Nde, wene nde nggog-et ala-ge, iri-ge kat yak kuruwag-o. Alat nde, marig-et yuk puk yugwi wene nde ala-ge, it ondomok-nen wene lak tak purag-o. It-nen nde nenpem pidnak yabur-o luk-nen nde kwarogola-ge, kat kebem nak angin wolma iri te rak kubuwa-o.

MBIRIGA WENE 19:11

Kup woraruk, kup iri-ge ir-e mondok lid lud tak puruk wolmomtag-o. An-e ap oboksa-nen niyudtak sa Sinai Ndobo bem mbuwamin-o.

MBIRIGA WENE 19:20

Nagawan Indo-ge Sinai Ndobo iri na anggul pem mbuwagarik, Musa na ndobo anggul pem eram lujwakluk wene mbo obosola, Musa na-ge lagaij-o.

MBIRIGA WENE 34:5

Lasola-ge, Nagawan Indo-ge nggan nggan mbi arem mbuwasolar-e, Musa worasu sa iri na me men luk at unu marak Nagawan Indo iri na yij-o.

YESAYA 44:3

An-nen-e yi-ge nggweyak amburu lak pem kilik posolat, nggweyak mbeng larak pem-et nde, yi wirik posolat kwarimin-o. An namawi-ge kat-nen wigarak ininggem posolat, kat kilirak-nen ndaguwa imbiringgat tak onposolat kwarimin-o.

YESAYA 63:11

Iri yosola, it-nen-e Nagawan Indo ndegel poso nap Musa woragid tarem-nen woraiga ereba na inndi yebet kil mborogolat-nen yogolar-e: ”At ilirak ennggendumu enne kulugwi nab-e yi koma nggwe-t nde, lit unpuruk ndilagaid Nagawan Indo iri na-ge ngge me worasu-o? Amawi it wok indid Nagawan Indo iri na-ge ngge me nde worasu-o?

YOEL 2:28

”Iri kwatluk ombol nggwe-ge ap oboksa enpem nindi-ge nggilara mberak pil mbuwamin-o. Iri yosola, kin kinliap min kinligwami min-e an-nen enpem pidnak wene ap yak ondogolat, kit kennggendumu ap indi worak-nen-e nabi kagolat, sujwe-nen-e nabi nggal pem yik kagolat ma-o.

WONARIDNAK WENE 11:25

Nagawan Indo-ge nggan nggan arem mbuwagarik, Musa wene yak tij-o. Nagawan Indo-nen-e amawi Musa wok tid ereba na-ge ereb-e menggesa ap tuju pulu ereya na wok indij-o. Iri yamu, Nagawan Indo Indi it enpem mbuwasola, Mbal Pem Nagawan ene lomboksa yugwi nap-nen enne nggoksa yugwi nggal yogolat woraiga-t nde, pem yik tenak woragit lag-o.

WONARIDNAK WENE 12:5

Iri yogola, Nagawan Indo-ge nggan nggan arem mbuwagarik, uwi tumende bem men yosolar-e, Arun min Miriam min wene mbo onposola-ge, it mberen na ge at eram mborogola,

WONARIDNAK WENE 12:8

Nde, an-nen imin wene mbarosolar-e, nentare mboma buruk, wene mbarogolat, nden karuk wene bem mbatli-ge lag-o. Are, nam-et nak wene mbarogolat, nebage min-et neyasu yu-t nde, kir-e noluk-nen kwiye lag-et an ndegel noboso nap Musa yu-ge obok pigeb-o?” luk yak indij-o. 12:9-16 Ayat ya arem-e Miriam na-nen Musa obok pidnak pem angin worak ebem pidnak wene mbarak worasu.

WONARIDNAK WENE 27:18

Yosoloma, Nagawan Indo-nen Musa yak tosolar-e: ”Nun ambara Yosua iri wene mbo bi-o. At iri-ge abam mondok ndak-nen yusu-o. At irit anggul tena bi-o.

YOANES 3:13

Nde, ap misiger-o luk tet aid arem lagwi bug-et nde, at aid arem-nen mbuwagaidnak nap Ap Ambara an narig-et nag-o” luk yij-o.

YOANES 7:39

(Yesus-nen wene iri yid iri-ge at ebem inndi angin tubu yidnak nap-nen Konak Indi wanurak pem-nen yij-o. Nde, Yesus na awo kek tak ibigit lak worala me, Konak Indi na awo ap enpem mbuwagit lak ma-nen yij-o.)

OROMA 8:9

Alat nde, kir-e ki nap-nen kwarugwi mende bem worali-ge lag-o. Konak Indi ndemeret kit kenarem worala-ge, kri-e Konak Indi arem-e worali-o. Nde, Kerisut Indi wanigit lak nab-e Kerisut arengge-ge lag-o.

1 KORINTUS 2:12

Mbal Pem Nagawan-nen we wok ondoso mende nenaru moklug-e, nir-e nggweyak ma nap inndi-ge wanigit lag-o. Are, Mbal Pem Nagawan-nen wok nindidnak Konak Indi irit wanige-o.

1 TESALONIKA 4:8

Iri bem-e, wene yu keya busu nab-e ki nap-nen yidnak wene keya busu-ge lag-o. Are, at Konak Indi wok kondoso Mbal Pem Nagawan irit keya ubusu-o.

1 PETERUS 1:22

Kir-e Mbal Pem Nagawan-nen yidnak yidnak nak kwarogolar-e, kit na kit-net mat koragolar-e, Kerisut ebem inndi angin tubu yidnak nap ndemeret enabuwa kali-o. Nde, kinndi min-net nabuwa kabuwa yogolat wolmer-o.

YURAS 1:19

It iri-ge, Konak Indi it enarem lak me, it enaboro-nen ukwe ukwe yugwi mende nak kwarugwi bem-e ap kuri worak unpugwi-o.

1 SEMUEL 10:6

Nde, ereya na-net Nagawan Indo Indi kebem wok yosolar-e, kat min-et it-nen kwatli nggal kot kasolat, kene nggoksa ndawi yugun-o. Iri yosolar-e, kat kabage nin wok korosola, ap nin irit kwat yugun-o.