WONARIDNAK WENE 11:1 - Nanduk Ngget Tul Pidnak Wene

¹ Nde, misik tarem it Isarael nap nen it wolmomtak wene bem anggun enpem mbosola-hen yogolar-e: ”Nir-e inik nggal-o, yu nggal-o” luk Nagawan Indo eram ujwa mbariga-o. Yogola, Nagawan Indo-nen at yak tiga wene ereba na kulurug-e, mondok isilepma luk kanduk enpem mberak pamu, pagosolar-e, o lije wiril lobok yiga ereba na-ge ereb-e kan-nen nuruk keya bij-o.

WONARIDNAK WENE 11:1 ပူးပေါင်းရင်းမြစ်များ

NDAK WIRIDNAK WENE 38:10

At-nen iri kwarusu iri na bem-e Nagawan Indo isilepma yuruk, at min-et Nagawan Indo-nen wirij-o.

2 SEMUEL 11:27

Nde, tabun puruk woragwi tarem woraruk ombol nggwe-ge Ndaut-nen-e kwe Mbatseba iri na-ge inggi wil ap wirik enpamu, waruk at woraso sa lobok yikma-ge, kwe iri na-ge Ndaut-et wanij-o. Wanuruk, waneya siyak worasoma-ge, liap misik ndagij-o. Alat nde, Nagawan Indo-nen-e Ndaut-nen kwarid iri na-ge mondok isili rak puruk irit woragij-o.

2 NAGAWAN NAGAWAN-NEN KWARIDNAK WENE 1:12

Yosoloma, Elia-nen onggo yosolar-e: ”An nde ndemeret Mbal Pem Nagawan ndegel oboso nap ala-ge, kandug-e aid arem-nen mbuwasolat, kat kowosirak inmin-e kanduk-nen nuruk lak tak kunpuwag-o” yosola ereya na-net Mbal Pem Nagawan-nen kanduk mberak posolar-e, san ombo wari iri na-ge owosirak inmin-e kanduk-nen nuruk lak tak inpij-o.

AYUP 1:16

Nde, at iri na wene ereba na yosoma-ge, ndegel oboso nap misik lobok yosolat-nen yosolar-e: ”Nombo-o. Kolomba wam ereba na min lomba yik karok woragwi nap ereba na min-e obinel yebek yosolar-e, oboksa endamu-o. An nak nuruk-nen wene waruk keram lobok yigi yur-o” luk yak tij-o.

MBIRIGA WENE 16:7

Kit-nen obok pili ereba kolarik me, kup kuplila-ge Nagawan Indo kendam wok yosolat abinal kagub-o. Nde, nit nenmberek ya-ge at-nen yak nindidnak nak kwatli-o.

MBIRIGA WENE 16:9

Iri lug-e, Musa-nen Arun yak tosolar-e: ”It-nen Nagawan Indo obok piga ereba-ge ar-e kulidnak me, it oboksa ’Nagawan Indo eram mberer-o’ yak indi-o” luk yij-o.

YESAYA 33:14

Nde, meya yugwi nap Sion woragwi nap-nen kwiye-nen lele yogolat-nen yogolar-e: ”Mbal Pem Nagawan-nen nggaruksa mbaroso wene-ge kan amare pempa lasolat nak woraso iri na nggal-nen yusu-o. Nde, nit nennggendumu-nen-e lak tak poso kanduk iri arem-et lembe luk wolmomtag-e ndag-er-a?” luk yili-o.

ABAKUK 3:5

Kat-nen-e kugwi elem-e kat kabuwok noso rak posolat, nde, wat yugwi elem-e kat kimbirik noso rak posolat kwaroso-o.

WONARIDNAK WENE 10:33

Nde, Isarael nap na Nagawan Indo woraso sa Sinai ndopo na keya buruk mbirigarig-e, mberen nene yiga-o. Mborogolar-e, Nagawan Indo-nen urul pidnak wene labu mbarak iri na-ge it o lije wiril lobok yurak sa mirik unpurak pem waruk nanduk anggul tak pogolat woraiga-o.

WONARIDNAK WENE 11:18

Yawo-ge kat-nen Isarael nap yak ondosolar-e: ”Kup amanggim kir-e mondok mesa lid lud tak puruk wolmomtag-o. Kit-nen: ”Uno no nul-o?” luk yip tigep iri-ge Nagawan Indo-ge kolarik me, yawo-ge uno wok kunduwama uno nunggub-o.

WONARIDNAK WENE 12:2

yogolar-e: ”Nagawan Indo-nen wene yosolar-e, Musa nak emndam tak poso-a? Nit nenemndamtag-e poso bug-a?” luk yiga-o.

WONARIDNAK WENE 14:2

Iri yogolat-nen Musa min Arun min enpem ujwa mbarogolat-nen yogolar-e: ”Mesira-nen ala na, nembaga yeba-nen ala na wat momtak iri-ge ndak nak-nen yusu-o. Iri ala, nir-e mondok wat mog-o.

WONARIDNAK WENE 14:22

It ap yu-ge nabinal kagolat, Mesira-nen na irit ap lak ma yeba-nen na an-nen kwiye worak mende kwarat ennggendumu kwarosola-ge, kagotlat-net nde, an-nen yidnak yidnak kwarigit lak, an nak nindi ngal tenak woragola me, an-nen onmborak urul yak indigi o iri na me-ge mondok ngguwa bug-o.

WONARIDNAK WENE 14:27

”It meya yugwi nap ereba-nen an nebem ’Yu-o, iri-o’ luk yane wat tenak worali iri-ge, mepme tarem-nen keya buwa-o? It-nen yane witli ereba-ge an-e abu kulusu-o.

WONARIDNAK WENE 14:28

Kit-nen-e wene onggo-ge yu nggal yurag-o. Nagawan Indo-nen yak kondosolar-e: ’An nuruk woraso nggal-er-o, Kit-nen an nebem nggi yili mende-ge mondok kwar-et kinpimin-o. Nagawan Indo an-nen yusu-o.

WONARIDNAK WENE 21:5

it-nen Mbal Pem Nagawan min Musa min insilepma enpem pogolat-nen yogolar-e: ”Noluk-nen Mesira-nen ninmin lobok yigeb-o? Yu me-ge yi min nunggwi mende min mondok lak yu-ge nir-e nembaga yu me-nen nundurak ninmin lobok yidnak, lak? Nir-e nunggwi mende undu lak yu nak nok tenak yu-ge mondok ninsili-o!” yiga-o.

1 KORINTUS 10:10

It erep-nen ujwa mbarogola-ge, wat yugwi winde aid nap-nen lak tak inpidnak me, nit-nen na ujwa mbarurak pug-o.

TUGURUK YIDNAK WENE 32:22

An nisilepma-ge kanduk amare nggal pagosolar-e, ap watluk ndok wiril mbugwi sa min-et lak tak puwa-o. Iri yosolar-e, o yu min-et arem woraso yi mende ndi mende min-et, ndobo oboksa emengen min-et ndindera kan nujwa-o.

TUGURUK YIDNAK WENE 9:22

Nde, kir-e o Tabera-nen na, Masa-nen na, o Kiborot-tawa-nen na kir-e Nagawan Indo isilepma rak ibigepma-o.

IBERANI 12:29

Nde, nit Nenmbal Pem Nagawan iri-ge lak tak poso kanduk-nen yusu-o.

YAKOBUS 5:4

Kir-e kit keneyabu wanili nap iri onggo wok indili bug-o. Iri ala karuk, nggi kererenak worali iri koler-o. Kunmburu kenmanggim ndakwi nap-nen-e: ”Wok nender-o” luk kum mbo bili iri-ge Mbal Pem Nagawan Amawi worak Nagawan Indo na eyanggo ma nggwij-o.

YURAS 1:16

It iri na-ge pempa onpok pegerak mbogolar-e, nin nap enpem ujwa mbarogolat onpok pugwi-o. It ondomok inndi-n pidnak nak kwarogolar-e, it ondomok nggulok tak pogolat, ap enarengge lesa wanuwokluk, nin nap entembel wanugwi-o.