URUT 4:4 - Nanduk Ngget Tul Pidnak Wene

⁴ An-nen perasolar-e, iri wene-ge kar-e mondok karu wolmomtak ob-er-o. Nde, kat-nen nde nggweyak iri onggo purak ala-ge, naptak koreyak yeba inmbiri bem-et ’Onggo pimin-o’ luk yurag-o. Nde, onggo burak kimbit-nen na nam-et nak yurag-o. Nde, nggweyak iri wene yurag-e nit nenmberek nak worali-o. Alat nde, nandug-et wene yurag-e kar-er-o. An-e abok-nen yurag-o” luk yak tij-o. Yosoloma, ap iri na-nen yosolar-e: ”An-net onggo pimin-o” luk yij-o.

URUT 4:4 ပူးပေါင်းရင်းမြစ်များ

NDAK WIRIDNAK WENE 23:11

”Abarakam wa-e. An nelem nap enlengen pem-et yak kurusu-o. Kerep yanggo iri-ge nggweyak min-et kat kogwe lugwinik iri yapma bonok-nen kar-et wok kirimin-o” luk yak tij-o.

NDAK WIRIDNAK WENE 23:18

Nde, Et nap o siri pak tumende bem iri wene mbarurak ndok wiriga nap oboksa-nen-e: ”Nggweyak iri-ge Abarakam onggweyag-er-o” luk yiga-o.

OROMA 12:17

Ap-nen meya rak konpogola-ge, onggo it meya rak unpurak pug-o. Ap oboksa-nen: ”Konak kwarugwi-ge irir-o” luk peragwi mende iri nak kwarogolat wolmer-o.

2 KORINTUS 8:21

Nir-e Nagawan Indo indi aye nak-nen kwatli-ge lag-o. Are, ki nap inndi aye min-et kagolat-nen nir-e mot mot nak kwatli-o.

TUGURUK YIDNAK WENE 25:8

Iri yak ondosola-ge, o siri iri me woragwi ap enne kulugwi nap yok nggok ereba na-nen ap iri na wene mbo uburuk: ’Kar-e noluk-nen iri kwarusu-o?’ yukmu nde, ’Kwe iri-ge wanimin pug-er-o’ luk mondok wat tag-et posola-ge,

PILIPI 4:8

Nowe nowosi wa-e. Worok tak posolar-e, wene yu yak kendeyeg-o. Kit kinndi-nen yebet kagolar-e, lud tak kwarugwi min entembel wanugwi min mot mot nak kwarugwi min marak nak woragwi min konak mende min konak kulugwi mende min oboksa iri-ge kinndi konak tak purak mende worasola na, kek tak unpurak mende worasola na, iri mende oboksa bem nak kinndi-nen yebet kagolat wolmer-o.

URUT 2:20

Naomi-nen yosolar-e: ”Nowor-o. Ap iri-ge nit winder-o. Nit yongga nunduwa nab-e irir-o. At iri-ge Nagawan Indo-nen imbiringgat tak ubuwag-o. Nde, Nagawan Indo-ge unluk worali na irit wat yidnak na irit kwat kinpimin-o luk urul yak undurug-e, urul yak indidnak iri na ndak ndag-et kwaroso-nen yusu-o” luk yij-o.

URUT 3:12

An-e kat kun imin kundik me, an-nen kat kwat kuburak iri-ge an nebem-et nde, kun ambik owe owot perak misik worasu-o. At iri-nen kat kimin wolmomtak perak ndag-o.

URUT 3:9

Wendet luk, Mboas-nen yosolar-e: ”Kar-e ta-o?” yosoma, at-nen yosolar-e: ”Nab-o. Urut an-o. Kar-e nit min kundik me, kar-e an nimin wolmomtag-e ndak-net yusu-o. Iri bem-e, nab-o, wok nibi-o” yak tij-o.